هذا مع افتراضنا لصدق شعوره بالحب أو ما شابه ؟ يا ريت يا فريده قدرت اوصلك انا عاوزة اقلك ايه ؟
_ياااه يا مني انتي ازاي عارفه كل الحاجات دي انتي متاكده انك من سني ؟
_هههههه والله ضحكتيني يا فريده .اقولك علي حاجه عاوزه تعرفي كل حاجه عن اي حاجه عاوزه تبقي عارفه ايه الحلال وايه الحرام عاوزه ما حدش يفتيلك أو تبقي عرضه أن حد يعمل نفسه فتك عليكي اقرأي يا فريده القراءه دي حاجه عظيمة جدا عارفه انتي لما بتقرأي بتضيفي عقول الكتاب لعقلك بيبقي عندك عقول كتير جدا تستخدمي اي واحد فيهم في المجال الي انتي عوزاه .
__انا بجد بهزء نفسي ميت مره دلوقتي اني سبتكم سبت صحابي الي كانو ماليين دنيتي الي عمرهم ما عملوليش حاجه غلط ومشيت ورا واحده كل همها أنها تلوث كل الي حواليها .
_بس عندك يا فريده !اوعي يا فريده تتكلمي عن حد من ورا ضهره يا حبيبتي. اياكي من الغيبه والنميمة .( ايحب أحدكم أن يأكل لحم أخيه ميتا فكرهتموه)
_ياه للدرجادي حرام !
_حرام اوي يا حبيبتي اكتر مما تتخيلي
_بقولك ايه يا فريده بما اننا داخلين علي امتحانات اخر السنه ايه رأيك لو السنه الجايه تيجي تجربي المدرسين الي انا باخد معاهم هو انتي بتفهمي من المدرسين الي انتي بتاخدي معاهم ؟
_والله الكدب خيبه يا مني انا كنت رايحه ورا سهر اصلا ما أعرفش حاجه
._انا قلت كده برضوا خلاص السنه جايه تيجي تجربي معايا واهو نمشي مع بعض بدل ما كل واحد بيمشي لوحده ومنها برضوا تبعدي عن سهر شويه.
_انا ما عنديش اي مانع .
*غادرت فريدة منزل مني وذهبت الي منزلها قامت بمراجعه بعض الدروس التي ستذهب إليها غدا وزاكرتهم جيد جدا لان الامتحان اقترب جدا .ثم خلدت الي النوم .وهي تحلم بالصحبة الصالحة مع مني وتطمح في تغيير حياتها حتي يرضي الله عليها.
استيقظت فريدة علي صوت المنبه ووقفت امام الدولاب لاختيار ملابسها اليوم. نظرت الي جميع ملابسها فوجدتهم كلهم بناطيل ضيقه للغايه ولم تجد غير جيبه واحده وكانت قديمه .ولكنها اخرجتها وارتدتها وقالت في نفسها ارتدي جيبه قديمة افضل من أن ارتدي بنطالا ادخل به النار .وذهبت الي الدرس وفي الطريق قابلت نهي فسلمت عليها ودار بينهم الحوار التالي :
_ازيك يا نهي عامله ايه ؟
_الحمد لله يا فريده عامله ايه؟
_انا تمام الحمد لله
_بقولك ايه يا فريدة كنت عاوزه اكلمك في موضوع كده.
_موضوع ايه اتفضلي !
_انا فيه حاجه مش قادره افهمها ابدا !
_هو ايه الي مش قادره تفهميه يا نهي انا مش فاهمه حاجه ؟
_انا هقلك علي حاجه بس انا بجد مش قادره اصدق لحد دلوقتي ازاي صحبتك تعمل كده !
_صحبتي مين ! وعملت ايه يا نهي !
_انا لما قلت لبابا علي الي عمر عمله زعقله جامد اوي وبعدين ضربه وسأله جاب رقمك من فين راح قايل أنه اخده من سهر ! بعد ضغط بابا الشديد عليه ولما سأله عن الصورة قله سهر برضوا الي بعتتهاله بس ما تقلقيش يا فريده انا اخدت تليفونه ومسحت المحادثه الي بينك وبينه وكمان مسحت صورتك عشان تطمني .
أنت تقرأ
نقاء فريدة
Novela Juvenilفكرت كثيرا في مقدمة لاول روايه لي ولكني كل ما أعرفه عن روايتي انها فريده من نوعها لانها تخاطب كل الفتيات في مرحلة المراهقه والتي من وجهة نظري من اخطر المراحل التي تمر بها الفتاه والتي باتت اصعب واصعب مع كثرة الوسائل في زمننا الحالي التي تفسد اخلاق ا...
