نقاء فريدة

الفصل السادس

ماذا ستفعلين يا فريدة الي من تستنجدي؟. ......
************************

**وفجأه جاء برأس فريده أن تذهب الي مني صديقتها منذ الطفوله والتي ابعدتها عنها سهر واكتشفت انها مخطئه تماما بما فعلت وهو أن باعت كل اصدقائها وتمسكت بسهر التي باعتها بالاخير .
ذهبت فريده لتبحث علي رقم لمني في سجلات العائله وأخذت تبحث وتبحث الي ان وجدت رقم مكتوب بخط فريده وهي في الاعدادي كتبت الرقم بسرعه علي هاتفها وقامت بالاتصال :
ردت مني :الو مين معايا ؟
ردت فريده بصوت يملؤه الدموع
_الو ازيك يا مني انا فريده .
_ازيك يا فريده يا حبيبتي غريبه اوي انتي رقمك متسجل عندي ليه ما ظهرش ؟
_لا ما انا غيرته يا مني
_اه يا وحشه بقا مش تديهولي . وانا بقول كل اما اتصل الاقيكي مغلق ليه!
_معلشي بقي يا مني هي جت كده المهم انا عاوزه اشوفك ضروري ؟
_ماشي يا حبيبتي في اي وقت بس انتي مالك كده صوتك مخنوق !
_لا ابدا مفيش حاجه لما اشوفك هبقي احكيلك المهم انتي فاضيه دلوقتي؟
_اه يا حبيبتي فاضيه ولو مش فاضيه افضالك
_شكرا اوي يا مني طب انا جيالك
_تنوري وتشرفي يا قمر .

*ارتدت فريده العباءه السوداء بسرعه لانها اسرع شئ في اللبس علي عكس ما كانت ترتديه . وذهبت الي بيت مني ...بعد أن أخبرت والدتها ..

******"""""""
_اتفضلي يا فريده يا حبيبتي البيت بيتك بس ايه الحلاوه دي العباية هتاكل منك حته أول مره اشوفك بيها بس شكلها حلو اوي عليكي.
_عشان اول مره البسها اصلا بس سيبك من العبايه يا مني دلوقتي انا واقعه في مشكلة كبيره اوي ومش عارفه اعمل ايه
_قلقتيني يا فريده مشكلة ايه بس ربنا ما يجيب مشاكل
_انا هحكيلك كل حاجه وتقوليلي هعمل ايه ........

*_هاا قوليلي بقي يا مني اعمل ايه في المشكله دي انا حاسه ان قلبي هيقف من الخوف .
_هوني علي نفسك يا فريده واهدي كده عشان نعرف نتصرف صح .

_اهون علي نفسي ايه بس يا مني انا لو حد عرف بالموضوع ده انا ممكن اروح فيها وكمان ده معاه صورتي انا هموت واعرف جبها ازاي أو من فين انا حتي مش عارفه الصورة دي انا اول مره اشوفها .
_بعد الشر عليكي يا فريده ان شاء الله ما حدش هيعرف حاجه وبعدين علي حسب ما قولتيلي أن سهر هيا الي ردت عليه . بس انا برضوا هتجنن هو جاب صورتك من فين !
_تلاته بالله العظيم سهر الي ردت عليه انا ما اتكلمت ولا عملت اي حاجه وهي الي اقنعتني وغصب عني وافقت يا رتني ما كنت رحتلها يا رتني .
_اولا يا فريده حرام تقولي تلاته بالله العظيم لان ربنا واحد بس مش تلاته
ثانيا بقي انا مصدقاكي ومتأكده ١٠٠٪ من غير ما تحلفي حتي لاني عارفه نقائك ومتأكده من اخلاقك الي عمرها ما تعمل حاجه غلط ثالثا بقي انتي قولتيلي ان اخت الولد ده معاكي في الدرس.
_ايوه نهي الي قابلتينا انا وهي كنا ماشيين في الطريق فاكره؟
_ايوه اكيد فاكره .بصي يا ست فريده انا هقلك علي حاجه تعمليها وبإذن الله المشكلة دي هتتحل ..
_ايه هي يا مني الحقيني بيها انا في عرضك
_بصي يا ستي اهدي خالص كده وجمعي اكبر قدر من شجاعتك وروحي لنهي اخت الولد ده وتحكيلها عن كل حاجه من طق طق لسلاموعليكو وانتي من كلامك عليها باين عليها بنت محترمة وهتقدر انك استنجدتي بيها.
_طب وهي هتعمل ايه لما أقلها ؟
_جيالك في الكلام اهو انتي هتطلبي منها تحكي لباباها عن الموضوع ده وتخلي باباها ده يكلم ابنه ويكلمه بقي بعنف او بهدوء ملناش دعوه بس الي انا متأكده منه أن مفيش اب يرضي أن ابنه يعمل كده في بنات الناس .
_يا رب يا مني يا ريت الي انتي بتقوليه ده يحصل .