نقاء فريدة

الفصل الثاني عشر (الفصل الاخير)

_الموضوع بخصوص مني ..........

_يااه اخيرا بقي

_اخيرا ايه انتي عارفه انا هكلمك في ايه !

_لا مش عارفه وانا هعرف ازاي ؟
_طيب نتكلم جد بقي انا بصراحه وبدون اي مقدمات انا عاوز اخطب مني .
_الف مبروك يا أدهم اخيرا عشت اليوم الي هشوفك فيه عريس !
_يا شيخه انتي متأكده انك ما كنتيش عارفه .
_الله وانا اعرف منين بس
_اصلك ما اتفاجئتيش يعني ولا حاجه !
_لا انا متفاجئة جدا مش باين عليا
_لا الصراحة مش باين عليكي خالص .
_سيبك مني خالص دلوقتي المهم انت ناوي تخطبها امتي اصل لو اتقدمتلها دلوقتي مش هتوافق عليك عشان هي رافضه موضوع الارتباط في الدراسه ده نهائي .
_طيب انا هستناها لعند اما تخلص .
_ياه هتستني سنتين يا أدهم
_واستناها العمر كله .
_ماشي يا عم روميو هعيط من الرومانسيه .
*في ظل حديثهما كانت امهم تقف علي الباب ولكنهم لم يروها .فرِحة كثيرا بما قاله أدهم لفريدة فهي ملّت من مفاتحة أدهم في موضوع الارتباط ولكنه كان يقابلها بالرفض لم تكن تعلم أنه ينتظر فتاة .
*فدخلت عليهم والدتهم قائله :
_ماشي يا أدهم بقي ما تقوليش انك عاوز تخطب وجاي تقول للمفعوصه دي .
_يا امي والله كنت هقولك بس كنت بجس نبض بس .
_تجس نبض ايه يلا ما تضيعش وقت هنروح انا وانت وابوك ونخطبهالك وهي هتلاقي شاب زيك فين بس .
_لا يا امي مش ينفع هي لسه بتدرس ومش هتوافق دلوقتي لما تتخرج حتي ؟

_الله وفيها ايه لما تكمل في بيتك يا ابني اذا كان انا مكمله الدبلوم وانا في بيت ابوك .
_مني في صيدله يا حاجه .
_,انت بتعايرني يا أدهم ، يا ابني انا نفسي اشوفك مع عروستك ، نفسي اشوف عيالك قبل ما اموت .
_والله ابدا، وبعدين يا ماما انتي كل يوم بتثبتيني بالكلمتين دول وانتي عارفه أن أنا بضعف قدامك هتخليني اروح اخطبها دلوقتي .
_يا ريت يا ابني .
_عامة انا هفكر واقلك يا ماما
_ماشي بس مش تتأخر عليا في الرد عشان انا زهقت بصراحة.

*تاني يوم في كافتيريا الجامعه مني وفريدة جالستين فقالت فريدة :
_مني هو انتي ممكن تتخطبي وانتي بتدرسي ؟
_ليه عندك عريس؟
_لا عادي بسأل .
_انتي عارفه رأيي في الموضوع ده يا فريدة
_ايوه عارفه بس يعني خلاص احنا سنتين ونتخرج والسنين بتعدي هوا .
_والله يا فريدة انا رافضه الموضوع ده تماما ، لكن بابا كل يوم جايبلي عريس وبيقلي فيها ايه أما تدرسي وانتي مخطوبه او متجوزه ، وحصلت بينا أنا وبابا مشاكل كتيرة اوي في الفترة الأخيرة بسبب الموضوع لحد ما تخيلت أن بابا عاوز يخلص مني .
_لا هو اكيد بيحبك يعني وعاوز يطمن عليكي ، زي ماما كده لما بتزن علي أدهم اخويا عشان يخطب .
_ايوه بس اخوكي اتخرج يعني مفيش مشكله .
*فقالت فريدة مندفعه بدون تفكير :
_بس هو مستني واحده بتدرس شفتي المصيبه .
_ايه ده بجد هههه
_ايه الي انا قلته ده ده منبه عليا ما اقلش لحد . بس قليلي يا مني لو حد اتقدملك زي أدهم كده وانتي لسه بتدرسي وعاوز يخطبك هتوافقي ؟
*ارتبكت مني وقالت:
_لا .بس بابا هيوافق هههه اصل بابا ما بيهموش رايي