كان طارق ورفيقه ماجد فى طريقهم للخروح من الجامعه ولكنه توقف عند
سماع صوت ينادى عليه
.........: دكتور طارق
طارق: نعم. مين
.......: ايسل السيوفى
طارق( بلهفه حاول إخفاءها): اخت اسيل اقصد الدكتوره اسيل
ايسل: ايوه. بصراحه انا عايزه من حضرتك خدمه (ثم تابعت بمكر) ودى علشان
اسيل مش علشانى انا
طارق: اتفضلى اتكلمى
ايسل:فى دكتور هنا زعق لأسيل جامد علشان جت متأخره واحرجها قدام
الجروب بتاعها كله وكنت عايزه اعرف إسمه
طارق: ممكن اعرف بيديها ماده إيه
ايسل: ده سكشن ...... ولسه جديد فى الجامعه. السكشن ميعاده دلوقتى
طارق: تمام ممكن ثوانى
والتفت ونادى على صديقه
طارق: ماجد يا ماجد
ماجد: ايه ياعم تيتو فى إيه. نظر للفتاه بجانب طارق واستطرد: مش تعرفنا
على الحلوه
ايسل: نعم!!!!
طارق فى نفسه( الله بخربيتك هنتيل الدنيا انا عارفك)
قام طارق بوخز ماجد فى كتفه ثم قال: الأنسه ايسل السيوفى اخت دكتوره
اسيل.
دكتور ماجد صاحبى وفى اتحاد الطلبه هيقدر يساعدك
ماجد: اهلا
نظرت له ايسل شزرا: اهلا
طارق: ماجد فى دكتور جديد بيدى سكشن...... للفرقه الرابعه دلوقتى
ماتعرفش إسمه
ماجد: السكشن اللى شغال دلوقتى ده فى الدور التانى
طارق: ايوه تقريبا هو
ماجد: ده دكتور جاسر الفحام
ايسل:تمام شكرا تعبتكم معايا
طارق:لا ولا يهمك اهم حاجه دكتوره اسيل تكون بخير و وصليلها سلامى
ايسل: تمام عن اذنكم
........................
أما فى الشركه
انهت إيلين مقابلتها مع المهندس هشام حسن ووقعت عقدها على ان تعمل
تحت التدريب لمده شهرين وبعدها يتم تقرير مصيرها فى العمل
.......................
وصل آدم إلى الشركه
أدم: سهام اطلبيلى القهوه بتاعتى
(سهام هى سكرتيرة آدم)
سهام: حاضر يابشمهندس.
دخل إلى مكتبه. وبدأ فى العمل وبعدها طرقت سهام الباب
أدم: أدخل
سهام: القهوه يابشمهندس. حضرتك بتطلب حاجه تانى
أدم: ايوه ابعتى للمهندس سيف والمهندس هشام حسن وعايز كمان الأستاذ
اللى ماسك الحسابات قوليلهم فى اجتماع كمان ساعه
سهام: تمام. حاجه تانى
أدم: المهندس إياد جه ولا لسه
سهام: لسه يافندم
أدم:_ اول ما يجى قوليله يجى على مكتبى
سهام: تمام يابشمهندس. حاجه تانى
أدم: لا اتفضلى على شغلك انتى
سهام: تمام
بدأ آدم بشرب قهوته وفجأه قفزت صورتها إلى عقله
.
تلك الحوريه ذات أمواج البحر فى عيناها. شعر بقلبه يدق بسرعه.
أدم لنفسه: لا. لايمكن . ده اكيد مجرد إعجاب علشان هى حلوه وبس. كلهم كده
بيداروا خبثهم ورا جمالهم.
اقتحم مكتبه فجأه
إياد: عم الناس كلهم
آدم: اهلا ياخويا إيه التأخير ده
إياد: تأخير إيه يابوص انت اللى مواعيدك بدرى شويه
آدم:ماشى ياعم. المهم نزلت إعلان لمهندسين العماره
إياد: نزلته. والناس جت واتعينت كمان
آدم: ده إيه الإجتهاد ده
إياد: ياعم علشان تعرف بس انت مش مشغل معاك اى حد
آدم: اللى اتعينوا دول أساسى ولا تحت التدريب
إياد: فى كده وفى كده
آدم: خلاص انت هتشرف على تحت التدريب. الفتره اللى هيقعدوها لحد
مانشوف مين اللى هيكمل معانا.
إياد: تمام
تصاعد رنين هاتف إياد
إياد: ايوه ياحبيبتى
إياد : لا انا كلمت باباكى النهارده
إياد: تمام . يلا سلام
أدم: إيه نويت تدخل السجن برجلك
إياد: والله انت يوم ماتحب هتشوف أيام سوده
قفزت فجأه إلى عقله صورتها.
آدم: احب انت بتحلم انسى
إياد: بكره هفكرك
أدم: بكره الساعه كام
إياد: يخربيت برودك ياجدع. المهم انت هتيجى معايا اكيد
أدم: اكيد طبعا. لازم اشهد على اللحظه التاريخيه دى.
إياد: أنا هروح علشان الحق أروح للحاج جلال بدل ماينفخنى
آدم:_انت لسه جاى تروح فين
إياد: يا عم ده انا عريس فك بقى. سلام يابوص
آدم:_ سلام ياعريس
.........................
أنت تقرأ
أمواج البحر
Romanceمنذ ان رأى تلك الفتاه صاحبه امواج البحر فى عيناها حطمت جليد قلبه .توجت ملكه لعرش قلبه. هزمته بإبتسامتها وغمازاتها وجمالها وعفويتها . عشقها بجنون ، ولكن هل سيستطيع الحصول عليها فهو بعد لم يعرف عنادها الموج الأزرق فى عيناكى ينادينى نحو الأعمق (نزار...
