ﺳﻼﻡ ﺳﻤﺮ ... ﺍﻫﻠﻴﻦ ﻭﻟﻴﺪ .... ﺍﺧﺒﺎﺭﻙ ﺷﻨﻮ . . ﺍﻟﺤﻤﺪﻟﻠﻪ ﺑﺨﻴﺮ ﺍﻟﺠﺎﺑﻚ ﻫﻨﺎ ﺷﻨﻮ ﻋﻨﺪﻙ ﺯﻭﻝ ﺑﺪﺭﺱ ﻫﻨﺎ .... ﻻﻻ ﻭﺍﻟﻠﻪ ﺑﺲ ﻛﻨﺖ ﻣﺎﺭﻱ ﺑﺠﺎﻱ .. ﻭﺷﻔﺘﻚ ﺻﺪﻓﻪ ﻗﻠﺖ ﺁﺳﻠﻢ ﻋﻠﻴﻚ ... ! ﺍﻳﻮﺍﺍﺍ ﺗﻤﺎﻡ ﺗﺴﻠﻢ ﻛﺘﻴﺮ ... ﺍﻟﻠﻪ ﻳﺴﻠﻤﻚ ﻃﻴﺐ ﺍﺳﺘﺄﺫﻥ ﻣﻨﻚ ... ﺍﺫﻧﻚ ﻣﻌﺎﻙ .... ﺟﺎﺕ ﻣﻨﻲ ﺻﺤﺒﺔ ﺳﻤﺮ ﻭﻟﻘﺘﻬﺎ ﻭﺍﻗﻔﻪ ... . ﺩﻩ ﻣﻨﻮ ﻳﺎ ﺳﻤﺮ ﺍﻟﻮﺩ ﺍﻟﻤﺰ ﺩﻩ ..
ﺩﻩ ﻭﻟﻴﺪ ﺻﺎﺣﺐ ﻋﺎﺻﻢ ﺍﻟﻌﺎﻳﺰ ﻳﺘﻘﺪﻡ ﻟﻲ ﺍﻳﻤﺎﻥ ... ﻋﻠﻴﻚ ﺍﻟﻠﻪ ﻋﺮﻓﻴﻨﻲ ﻋﻠﻴﻮ ﻳﺎ ﺳﻤﺮ
ﺳﻤﺮ ﺍﺗﻐﺎﺯﺕ ﻣﻦ ﻣﻨﻲ ﻭﻗﺎﻟﺖ ﻟﻴﻬﺎ ﺍﺑﻴﺖ ﻣﺎ ﺑﻌﺮﻓﻚ ﻋﻠﻲ
ﻳﻼ ﺧﻠﻴﻨﺎ ﻧﻤﺸﻲ ... ﺗﻤﺸﻲ ﻣﻜﺴﺮﻩ
ﻫﻮﻱ ﻳﺎ ﺑﺖ ﻣﺎﻟﻚ ﻣﻜﺴﺮﺍﻧﻲ ﺩﻩ ﻛﻠﻮ ﻋﺸﺎﻥ ﻗﻠﺖ ﻟﻴﻚ ﻋﺮﻓﻴﻨﻲ ﺑﻴﻬﻮ ﻏﺎﻳﺘﻮ ﺟﻨﺲ ﺷﺊ
ﻃﻴﺐ ﺧﻠﻴﻨﺎ ﻧﻤﺸﻲ
***********
ﺍﻟﺠﻴﺮﺍﻥ ﺳﻤﻌﻮﺍ ﺻﻮﺕ ﺍﻟﺰﻏﺎﺭﻳﺪ ﻓﻲ ﺑﻴﺖ ﺣﺎﺟﻪ ﻧﺎﻫﺪ .... ﻛﻠﻬﻢ ﺟﻮ ﻭﻋﺮﻓﻮﺍ ﺍﻧﻮ ﺍﻳﻤﺎﻥ ﺍﺗﻘﺪﻣﻮﺍ ﻟﻴﻬﺎ ... ﻭﺍﻟﺸﺎﺏ ﻣﺎﺷﺎﺀﺍﻟﻠﻪ ﻣﻦ ﻋﻴﻠﻪ ﻣﻌﺮﻭﻓﻪ ﻭﻧﺎﺱ ﻣﺮﻭﻗﻴﻴﻴﻴﻦ .... ﻗﻌﺪﻭﺍ ﻣﻌﺎﻫﻢ ﻭﻗﺎﻣﻮﺍ ﺑﻮﺍﺟﺐ ﺍﻟﺠﻴﺮﻩ ... ﻭﺧﻼﺹ ﺣﺪﺩﻭ ﺍﻟﺨﻄﺒﻪ ﺑﻌﺪ ﺁﺳﺒﻮﻋﻴﻦ ﻣﻦ ﺗﺎﺭﻳﺦ ﺍﻟﻴﻮﻡ ﻵﻧﻮ ﺍﻟﻮﻗﺖ ﺩﻩ ﺑﻜﻮﻥ ﻋﺎﺻﻢ ﻃﺎﺏ ﻃﻠﻊ ﻣﻦ ﺍﻟﻤﺴﺘﺸﻔﻲ ﻧﻬﺎﺋﻲ ...
ﺍﻳﻤﺎﻥ ﺍﻟﻔﺮﺣﻪ ﻣﺎ ﺳﺎﻳﻌﺎﻫﺎ ﺧﻼﺹ ﺍﻡ ﻋﺎﺻﻢ ﺍﻟﻜﺎﻧﺖ ﻣﺎ ﻃﺎﻳﻘﻪ ﺣﺎﺟﻪ ﺍﺳﻤﻬﺎ ﺍﻳﻤﺎﻥ ﺑﻘﺖ ﺗﺤﺒﻬﺎ ﻛﺄﻧﻮ ﺑﻨﺘﻬﺎ .... ﻭﻋﺎﺻﻢ ﻳﺸﻴﻞ ﻭﻳﺘﺼﻞ ﻋﻠﻲ ﺍﻣﻪ ﻋﺸﺎﻥ ﻳﻌﺮﻑ ﺍﻟﻤﻮﺿﻮﻉ ﺗﻢ ﻭﻻ ﻟﺴﻪ ... ﻭﺍﻣﻪ ﻧﻬﺎﺋﻲ ﻣﺎ ﻋﺎﻳﺰﻩ ﺗﺮﺩ ﻋﻠﻲ ﻗﺎﻟﺖ ﺗﺨﻠﻴﻬﺎ ﻣﻔﺎﺟﺄﻩ ﺑﻌﺪ ﺗﻤﺸﻲ ﻟﻴﻬﻮ ﺍﻟﻤﺴﺘﺸﻔﻲ ﺗﻜﻠﻤﻮﺍ . .. ﻫﻢ ﺯﺍﺗﻮ ﺧﻼﺹ ﺣﺪﺩﻭ ﺍﻟﻴﻮﻡ ﻭﻃﻠﻌﻮﺍ ﻣﺎﺷﻴﻦ ﻋﻠﻲ ﺍﻟﻤﺴﺘﺸﻔﻲ
..
***************
ﻋﺎﺻﻢ ﻗﺎﻋﺪ ﺑﺮﺍﻫﻮ ﻭﻣﺸﺘﺎﻕ ﻟﻲ ﺍﻳﻤﺎﻥ ﻟﻴﻬﻮ ﻳﻮﻣﻴﻦ ﻣﺎ ﺣﻜﻲ ﻣﻌﺎﻫﺎ ﻵﻧﻮ ﺗﻠﻔﻮﻧﻬﺎ ﻭﻗﻊ ﻓﻲ ﺍﻟﻤﻮﻳﻪ ﻭﻛﺘﻢ .... ﺑﻘﻲ ﻣﻘﻠﻖ ﻣﻦ ﺍﻟﻘﻌﺪﻩ ﺑﺮﺍﻫﻮ ...
ﺑﻌﺪ ﺷﻮﻳﺘﻴﻦ ﺟﺎﺕ ﺍﻣﻪ ﻭﻣﻌﺎﻫﺎ ﺍﺑﻮ ﺟﻮ ﺩﺍﺧﻠﻴﻦ ﻭﻗﻌﺪﻭﺍ ... ﻭﻋﺎﺻﻢ ﺭﺍﺟﻴﻬﻢ ﻳﺘﻜﻠﻤﻮﺍ ﻭﻳﺨﺒﺮﻭﺍ
ﺍﻻﺧﺒﺎﺭ ﺍﻟﺴﻤﺤﻪ .... ﺍﻫﺎ ﻳﺎ ﺍﻣﻲ ﻣﺎﻟﻜﻢ ﺳﺎﻛﺘﻴﻦ .... ﺍﻣﻪ ﻋﺎﻳﻨﺖ ﻟﻴﻬﻮ ﻭﻗﺎﻟﺖ ﻟﻲ ﻣﺎﻟﻚ ﻣﺴﺘﻌﺠﻞ ﺧﻠﻴﻨﻲ ﺍﺭﺗﺎﺡ ﺷﻮﻳﻪ .... ﺗﺮﺗﺎﺣﻲ ﺷﻨﻮ ﻳﺎ ﺍﻣﻲ ﻳﺎﺥ ﺍﺗﻜﻠﻤﻲ ﻭﺭﻳﺤﻴﻨﻲ ﺍﻫﺎ ﺍﻫﻠﻪ ﻭﺍﻓﻘﻮﺍ .... ﺧﻼﺹ ﻳﺎ ﺍﺑﻮﻱ ﻗﻮﻝ ﻟﻲ ﺍﻧﺖ ﺍﻣﻲ ﻋﺎﻳﺰﻩ ﺗﺤﺮﻗﻲ ﺍﻋﺼﺎﺑﻲ .... ﺍﺑﻮ ﺑﻘﻲ ﻳﻀﺤﻚ ﻫﻬﻬﻬﻪ . ﺗﻤﺎﻡ ﻳﺎ ﺳﻴﺪﻱ ﻧﺤﻦ ﻣﺸﻴﻨﺎ ﻭﺣﺪﺩﻧﺎ ﻟﻴﻚ ﻣﻮﻋﺪ ﺍﻟﺨﻄﺒﻪ ﺍﻟﺠﻤﻌﻪ ﺍﻟﺒﻌﺪ ﺍﻟﺠﺎﻳﻪ ﻛﺪﻩ ﺧﻼﺹ ﻗﻠﺒﻚ ﺍﺭﺗﺎﺡ .... ﻋﺎﺻﻢ ﺑﺎﻧﺖ ﻋﻠﻴﻬﻮ ﺍﻟﻔﺮﺣﻪ ﻭﺑﻘﻲ ﻳﺒﺘﺴﻢ ﻭﻓﺠﺎﻩ ﺍﺗﺬﻛﺮ ﺣﻴﺎﻩ ..... ﻭﻗﺎﻝ ﻟﻲ ﺍﻣﻪ ﺍﻧﺘﻲ ﻳﺎ ﺍﻣﻲ ﺣﻴﺎﻩ ﻭﻳﻦ ﻣﻦ ﺭﻗﺪﺕ ﻓﻲ ﺍﻟﻤﺴﺘﺸﻔﻲ ﺷﻔﺘﻬﺎ ﺗﻼﺗﻪ ﻣﺮﺍﺕ ﺑﺲ .. ﺍﻣﻪ ﺍﺑﺘﺴﻤﺖ ﻭﻗﺎﻟﺖ ﻟﻲ ﺣﻴﺎﻩ ﺍﻟﺤﻤﺪﻟﻠﻪ ﺍﻟﻠﻪ ﺭﺯﻗﻬﺎ ﺑﺸﺎﺏ ﻣﺤﺘﺮﻡ ﻭ ﻭﺩ ﻧﺎﺱ ﻭﺟﺎﻱ ﻳﺘﻘﺪﻡ ﻟﻴﻬﺎ ﺑﻌﺪ ﺑﻜﺮﻩ ... ﻋﺎﺻﻢ ﺍﺳﺘﻐﺮﺏ
ﺍﻧﺘﻲ ﺟﺎﺩﻩ ﻳﺎ ﺍﻣﻲ ... ﻭﺍﻟﻠﻪ ﺟﺎﺩﻩ .... ﻃﻴﺐ ﻣﺎﻟﻜﻢ ﻣﺎ ﺑﺘﻜﻠﻤﻮﻧﻲ ﺩﻩ ﻛﻠﻮ ﻳﺤﺼﻞ ﻭﺍﻧﺎ ﺯﻱ ﺍﻻﻃﺮﺵ ﻓﻲ ﺍﻟﺰﻓﻪ ..... ﺍﻫﻮ ﺍﻟﺤﺼﻞ ﺑﻘﻲ ﻭﺍﻟﻠﻪ ﺯﺍﺗﻮ ﺑﺤﺒﻚ ﺣﻴﺎﻩ ﺍﻟﻜﺎﻧﺖ ﻭﺍﻗﻔﻪ ﻓﻲ ﺩﺭﺑﻚ ﺧﻼﺹ ﻟﻘﺖ ﻟﻴﻬﺎ ﺷﺎﺏ ﺩﻛﺘﻮﺭ ﺍﺳﻨﺎﻥ ﻗﺪ ﺍﻟﺪﻧﻴﺎ ﻭﻫﻲ ﺗﺎﻧﻲ ﻣﺎ ﺷﺎﻳﻔﻪ ﻏﻴﺮﻭﺍ .... ﺍﻫﺎ ﺍﺳﻤﻪ ﻣﻨﻮ ﺍﻟﺸﺎﺏ ...... ﺍﺳﻤﻪ ﺗﻘﺮﻳﺒﺎ ﺷﻬﺎﺏ ﺍﻟﻔﺎﺗﺢ ﻏﺎﻳﺘﻮ ﻫﻲ ﻗﺎﻟﺖ ﻛﺪﻩ ..... ﻋﺎﺻﻢ ﻳﺴﺘﻐﺮﺏ ﺷﻬﺎﺏ ﺍﻟﻔﺎﺗﺢ
ﺍﻧﺘﻲ ﻣﺘﺎﻛﺪﻩ ﻳﺎ ﺍﻣﻲ .... ﺍﻱ ﻣﺘﺎﻛﺪﻩ ﻓﻲ ﺷﻨﻮ ﻳﺎ ﻭﻟﺪ ..... ﻻﻻ ﺑﺲ ﻵﻧﻮ ﻋﻨﺪﻱ ﺻﺪﻳﻘﻲ ﺑﻨﻔﺲ ﺍﻵﺳﻢ ﻭﺩﻛﺘﻮﺭ ﻛﻨﺎ ﺳﻮﺍ ﻓﻲ ﺍﻟﺠﺎﻣﻌﻪ ﻭﻗﺒﻞ 6 ﺷﻬﻮﺭ ﻛﺎﻥ ﻣﻌﺎﻱ ﻓﻲ ﺍﻟﺸﺮﻛﻪ .... ﺑﺲ ﺍﻧﺘﻲ ﺑﻌﺪ ﺗﻤﺸﻲ ﺍﻟﺒﻴﺖ ﺧﻠﻲ ﺣﻴﺎﻩ ﺗﺠﻴﻨﻲ .... ﺧﻼﺹ ﺑﺮﺳﻠﻬﺎ ﻟﻴﻚ
ﺳﻼﻣﺎﺕ ﻳﺎ ﺍﻫﻠﻨﺎ .... ﺍﻫﻠﻴﻦ ﻣﺎﻟﻚ ﺍﺗﺄﺧﺮﺗﻲ ﻛﺪﻩ .... ﺍﻟﺰﺣﻤﻪ ﻳﺎ ﻣﺎﻣﺎ ... ﻭﻳﻦ ﺍﻳﻤﺎﻥ .... ﻗﺎﻋﺪﻩ ﺟﻮﻩ .... ﻣﺸﺖ ﺳﻤﺮ ﻭﺩﺧﻠﺖ ﺍﻟﻐﺮﻓﻪ ﺗﺘﺴﺤﺐ ﺯﻱ ﺍﻟﺤﺮﺍﻣﻴﻪ ..... ﺑﺲ ﺍﻳﻤﺎﻥ ﺷﻌﺮﺕ ﺑﻴﻬﺎ .... ﻣﺎﻟﻚ ﻣﺎﺷﻪ ﺑﺮﺍﺣﻪ ﻛﺪﻩ ..... ﻳﻌﻨﻲ ﺍﻧﺘﻲ ﺷﻔﺘﻴﻨﻲ ﻛﻨﺖ ﻧﺎﻭﻳﻪ ﺍﻫﺠﻤﻚ ..... ﺍﻱ ﻋﺎﺭﻓﻪ ﻋﻮﺍﺭﺗﻚ ﺩﻱ ﺍﺻﻠﻚ ﻡ ﺣﺘﺨﻠﻴﻬﺎ .....
ﻛﺪﻱ ﺗﻌﺎﻟﻲ ﻟﻤﻲ ﻣﻌﺎﻱ ﺍﻟﻬﺪﻭﻡ ﻋﺸﺎﻥ ﺁﻏﺴﻠﻬﻢ ..... ﺳﻤﺮ ﻗﺎﻟﺖ ﺗﻐﺴﻠﻲ .... ﺍﻳﻤﺎﻥ ﻗﺎﻟﺖ ﻟﻴﻬﺎ ﺍﻱ ﺁﻏﺴﻞ ﻣﺎﻟﻚ ﻣﺨﻠﻮﻋﻪ ﻛﺪﻩ ... ﻳﺎ ﺑﺖ ﻏﺴﻴﻞ ﺷﻨﻮ ﻭﺍﻧﺘﻲ ﺧﻄﺒﺘﻚ ﺑﻌﺪ ﺁﺳﺒﻮﻋﻴﻦ ..... ﺍﻳﻤﺎﻥ ﻗﺎﻟﺖ ﻟﻴﻬﺎ
ﺍﻟﺪﺧﻞ ﺍﻟﺨﻄﻮﺑﻪ ﺑﺎﻟﻐﺴﻴﻞ ﺷﻨﻮ
ﻗﺎﻟﺖ ﻟﻴﻬﺎ ﺳﻤﺮ ﻳﺎ ﺑﺘﻲ ﺍﻧﺘﻲ ﻋﺮﻭﺱ ﻳﻌﻨﻲ ﻣﺎ ﻻﺯﻡ ﺗﺸﺘﻐﻠﻲ ﺍﻭ ﺗﻐﺴﻠﻲ ﻓﻲ ﺍﻟﻔﺘﺮﻩ ﺩﻱ ﺑﺲ ﻋﻠﻴﻚ ﺗﺴﺘﻌﻤﻠﻲ ﺍﻟﻤﺮﻃﺒﺎﺕ ﻭﺑﺲ ﻭﻟﻤﻦ ﻳﺠﻲ ﻳﻮﻡ ﺍﻟﺨﻄﺒﻪ ﺣﺘﻜﻮﻧﻲ ﻗﻤﺮ ..... ﺍﻳﻤﺎﻥ ﻗﺎﻟﺖ ﻟﻴﻬﺎ ﺍﻫﺎ ﻳﺎ ﺣﻠﻮﻩ ﻟﻮ ﻣﺎ ﺁﺷﺘﻐﻠﺖ ﺍﻟﻌﺎﻳﺰ ﻳﺸﺘﻐﻞ ﻟﻴﻚ ﻣﻨﻮ ﻭﺑﻌﺪﻳﻦ ﺍﻧﺘﻲ ﻋﺎﺭﻓﻨﻲ ﻣﺎ ﺑﺤﺐ ﺍﻟﻜﺮﻳﻤﺎﺕ ﻭﺍﻟﺤﺎﺟﺎﺕ ﺩﻱ .... ﺳﻤﺮ ﻗﺎﻟﺖ ﻟﻴﻬﺎ ﺍﻧﺘﻲ ﺍﺻﻠﻚ ﻓﻘﺮﻳﻪ ﺧﻠﻴﺘﻚ ﻳﻼ ﻟﻤﻲ ﻫﺪﻭﻣﻚ ﺑﺮﺍﻙ ﻭﻏﺴﻠﻲ ﺑﺮﺍﻙ . .... ﺧﻼﺹ ﺟﻴﺒﻲ ﺗﻠﻔﻮﻧﻚ ﻋﺎﻳﺰﻩ ﺍﺗﺼﻞ ﻋﻠﻲ ﻋﺎﺻﻢ
... ﺗﻠﻘﻲ ﻓﻲ ﺍﻟﺸﻨﻄﻪ ﺑﺲ ﺍﻭﻋﻚ ﺗﻜﻤﻠﻲ ﻟﻲ ﺭﺻﻴﺪﻱ
ﺍﻳﻤﺎﻥ ﻗﺎﻟﺖ ﻟﻴﻬﺎ .. ﻗﻮﻟﻲ ﺑﺴﻢ ﺍﻟﻠﻪ ﻟﻮ ﺭﺻﻴﺪﻙ ﺧﻠﺺ ﺑﺸﺘﺮﻱ ﻟﻴﻚ ﻛﺮﺕ ﺑﺨﻤﺴﻪ ... ﺍﺗﺼﻠﺖ ﺍﻳﻤﺎﻥ ﻋﻠﻲ ﻋﺎﺻﻢ .... ﺍﻟﻮ ﺣﺒﻴﺒﻲ ... ﻋﺎﺻﻢ ﻗﺎﻝ ﻟﻴﻬﺎ ﺍﻳﻤﺎﻥ ..... ﺍﻱ ﺍﻳﻤﺎﻥ .... ﻣﺸﺘﺎﻗﻴﻦ ﻋﺪﻳﻞ ﻛﺪﻩ ﻳﺎﺥ ﺣﺮﺍﻡ ﻋﻠﻴﻚ ﻟﻲ ﻳﻮﻣﻴﻦ ﻣﺎ ﺳﻤﻌﺖ ﺻﻮﺗﻚ ... ﻣﻌﻠﻴﺶ ﺣﺒﻴﺒﻲ ﻣﺎ ﻟﻘﻴﺖ ﺗﻠﻔﻮﻥ ﻋﺸﺎﻥ ﺍﺗﺼﻞ ﻋﻠﻴﻚ ﺑﻴﻬﻮ ﻭﺳﻤﺮ ﺗﻠﻔﻮﻧﻬﺎ ﻛﺎﻥ ﺍﻟﺨﺴﺮﺍﻥ ﻳﺎﺩﺏ ﺍﻟﻠﻴﻠﻪ ﺑﺲ ﺻﻠﺤﺘﻮﺍ ... ﺗﻤﺎﻡ ﺍﺧﺒﺎﺭﻙ ﺷﻨﻮ ﺍﻧﺘﻲ .... ﻛﻮﻳﺴﻪ ﺍﻧﺖ ﻛﻴﻒ .... ﺍﻧﺎ ﻛﻮﻳﺲ ﺑﺲ ﻣﺸﺘﺎﻕ ﻟﻴﻚ ﺑﻜﺮﻩ ﺑﺘﻘﺪﺭﻱ ﺗﺠﻴﻨﻲ .... ﺍﻛﻴﺪ ﺑﺠﻴﻚ ﺑﺴﻮﻕ ﺳﻤﺮ ﻭﺑﺠﻴﻚ .... ﺧﻼﺹ ﺗﻤﺎﻡ ﻣﻨﺘﻈﺮﻙ ..... ﻗﻀﻮﺍ ﺍﻟﻤﻜﺎﻟﻤﻪ ﻭﻗﻔﻠﺖ ﺍﻳﻤﺎﻥ ﺍﻟﺨﻂ ﻭﻃﻠﻌﺖ ﻟﻲ ﻧﺎﺱ ﺍﻣﻬﺎ ﺑﺮﺍ ﻓﻲ ﺍﻟﺤﻮﺵ .... ﺍﻣﻲ .... ﺍﻳﻮﻩ ﻳﺎ ﺍﻳﻤﺎﻥ .... ﺑﻜﺮﻩ ﻣﺎﺷﻪ ﺍﻟﻤﺴﺘﺸﻔﻲ ﻟﻲ ﻋﺎﺻﻢ ﻭﻋﺎﻳﺰﻩ ﺍﺳﻮﻕ ﻣﻌﺎﻱ ﺳﻤﺮ .... ﺧﻼﺹ ﻛﻠﻤﻲ ﺍﺧﻮﻙ ﻳﻮﺻﻠﻜﻢ .... ﺍﻭﻛﻲ ﺳﻤﻌﺘﻲ ﻳﺎ ﺳﻤﺮ ﺑﻜﺮﻩ ﺣﺘﻤﺸﻲ ﻣﻌﺎﻱ ﺍﻟﻤﺴﺘﺸﻔﻲ .... ﺗﺮﺩ ﺳﻤﺮ ﺍﻱ ﺳﺎﻣﻌﻪ ﻭﻫﺴﻲ ﻗﺎﻋﺪﻩ ﺍﺟﻬﺰ ﺍﻟﻤﻼﺑﺲ ﻋﺸﺎﻥ ﺍﻟﺒﺴﻬﺎ ﺑﻜﺮﻩ ..... ﺷﻔﺘﻲ ﺍﺧﺘﻚ ﺩﻱ ﺟﺎﻫﺰﻩ ﻟﻜﻞ ﺣﺎﺟﻪ ..... ﺿﺤﻜﺖ ﺍﻳﻤﺎﻥ ﺳﻴﺒﻴﻬﺎ ﻳﺎ ﺍﻣﻲ ﻋﻠﻲ ﺭﺍﺣﺘﻬﺎ😄
يتبع
أنت تقرأ
دموع الريد
Romanceقصة تحكي عن الطلاق ومعاناة المرأة المطلقة وربنا يرزقها ب شاب يغير حياتها بعد ما كانت عايشة ف خوف وقلق من لقب المطلقة وتبدأ قصتهم المشوقة بين الدراما والرومانسة بتمني تعجبكم 😘 بقلم أمنية عوض
