قتلتني ساحره

4

#قتلتني_ساحره
الجزء الرابع
همسات الليل(ام آيه)

رفعت راسي وتفاجئت بعد مااعرف احجي كلشي..
ميت من الخجل لابسه كلابيه بيضه مقسمه وبيها طكعه حمره من وره مريضه بالنسائيه..ومتدري بنفسها...
رجعت سألتني ودارت وجهه متجاوب خرسيت!
جاوبتها روحي للحمام عبير..
اني داساله على البيض واحاجي بثقه وهو جاوبني بصوت ناصي روحي للحمام عبير..
عفت الطاوه مشعوله وماادري بنفسي تمنيت الكاع تنشك وتبلعني صعدت لغرفتي للحمام تخبلت وبجيت من الفشله ومتت من الخجل ..شلون ياربي بعد اشوفه لو اكعد ويااااا..
صعدت والنار مشعوله كلت بعد متنزل كمت طكيت بيض وجاي وتريكت..
كملت اكل وصافن واضحك هاي عبير هيج كبرانه وصايره مره واني ابد ممنتبهلها..
لاعيب بعد مااداهرها ولو مااكدر ادري بنفسي واحجي بداخلي وابتسم وبهالاثناء فاتت خالتي وسلمت شبيك وسوفي ضحكني وياك اشو توزع ابتسامات لحالك شبيك تخبلت خاله..
ضحكت كلتلها لا خاله تذكرت سالفه ويه صديق وضحكت عليها..
ان شاءالله دومك تضحك حبيبي..اشكرج خاله ..
لعد شنو ذولي التنابل عبير وكرم بعدهم..كتلها كرم نايم وعبير صعدت تكعده..هااا خوش
يمه عبير تعالي نزلي غسلي المسواك ورتبي بالثلاجه
اشو متجاوب ..وج عبير شنو نايمه ..جاوبت لا ماما كاعده ..وره نص ساعه منزلت وخالتي صيحت لج عبير نزلي المسواك راح ينمرد والدنيا صيف ..افتهمت   راح تظل فوك مستحيه..
كمت كتلها خاله راح اروح يم ولد عمتي ننزل نتمشى على الشط ..كالتلي روح يمه ولتتاخر جايبه سمج حتى تشوي انت وكرومي..
جاوبتها بعيوني..ادللي..
من صعدت فوك امي جتي من السوك وكل شويه تصيح واني استحي انزل من الفشله..اخر شي وره كم صيحه..
كلت خل انزل لتكوم تقسم نزلت واني ميته من الخجل فتت للمطبخ ومدنكه مستحيه من يوسف ..
طبيت المطبخ جانت بس ماما وبدال متصبح هجتني ادري سنه ياله تنزلين عروس كتلج تعبانه وتعالي لمي المسواك والدنيا صيف وبسرعه يخرب..كتلها بطني توجعني لان مريضه ومبيه كوه نزلت كالت لعد غسلي المسواك وصعدي نامي..ماعدنه شي لان الغده سمج والولد راح يشوو
من يجي يوسف من بيت عمتج  والبيت نظيف..بالمناسبه اني يوميه بالليل انظف البيت والمطبخ يعني نكعد نلكه البيت مبي شي بس عل الخفايف..
اني فرحت من كالت عود صعدي وهمزين يوسف طالع ..
كملت المسواك ونظفت الصحيات وصعدت..
صار وكت الغده والولد شوو بالحديقه وكملوا وصاحت امي مجاوبتها اجا كرومي دك الباب سويت نفسي نايمه..يوم شو هاي نايمه ..
امي افتهمت كالتله عوفها يمه معدتها متخربطه هي من تكعد تاكل..
اني كلت هاي من الفشله مال الصبح دتتهزم مني اكيد ..
يوسف: خاله لعد شيلي حصتها من السمج..اي خاله هسه احطلها بالفرن ومن تكعد تحمي وتاكل..
صار وقت العصر طلعوا الولد راحوا لبيت عمي جانت اكو لعبه مال ريال وبيت عمي عدهم مشفر وبقوا تعشووا يمهم..
اني نزلت اكلت ولملمت وسويت عشه خفيف لان الولد خابروا وكالوا يتعشون بيت عمي..
سويت جبن عرب وكرفس وجاي هذا عشه امي وابويه المفضل وعشى اغلب البيوت العراقيه..
كملنا العشى ولملمت ونظفت وصارت ساعه 10 كتلها يوم بطني توجعني راح اصعد ..
اصلا جذب بس اريد انهزم..ويه صعدتي على الدرج فاتوا يوسف وكرومي وهوستهم فايز فريقهم ويضحكون ويغنون...
اول مفاتوا راسا كرم صاحني عبوره تعالي سويلنا تعليله حلاوت الفوز..
امي جاوبته صعدت نامت..
راسا عمي كاللها توها جانت هنا كتلهه شبيك يارجال صار فتره من صعدت..
يوسف:اليوم كله مشفتها بس الصبح  وحسيت بفراغ وضوجه لان مداهرتها..
ثاني يوم خابرت عمتي ايمان على امي كالتلها راح اجي اخذ عبير اريد اسوي ثواب لاابو زوجي واريدها تساعدني..كلتلها امي تعالي اخذيها بين مااكعدهااا..
عبوره عمتج ايمان جايه تاخذج تسووين ثواب لاابو رجلها كومي خطيه ساعديها ماعدها احد..
عمتي ايمان صار 10 سنين متزوجه وماعدها اطفال خطيه وهي كلش حبابه وعمو سعد رجلها ورده اخذها عن حب 4 سنين بالكليه وميقبل يتزوج عليها يكلها الاطفال قسمه شوكت ماالله يكتبلنه الحمدلله واذا مامقسوملنه هم الحمدلله...
من سمعت امي كالتلي فرحت حتى انهزم من فشلتي بدلت لبست وجتي عمتي اخذتني لبيتهم..
يوسف:نزلت الصبح وعيونه تدور على عبير كعدت يم خالتي بالمطبخ وبدت تحضر ريوك واني حضرت كوابه الجاي ..اشو عبير لسه نايمه وعايفتج..
كالت اجتي عمتك ايمان اخذتها ديسوون ثواب لاابو سعد...اي شكو بيها ان شاءالله واصل..
اشو اني خالتي من حجت حسيت نفسي ضجت وعيوني تدور عليها شنو القصه..

ام ايه