قتلتني ساحره

14

#قتلتني_ساحره
#الجزء الرابع عشر
بقلمي همسات الليل(ام آيه)

عبير:عشت اصعب اللحضات وتمنيت اكثر الاوقات الموت..
اجتي خالتي في يوم من الايام..
وحجت لاامي شنو صار وتبجي وتتعذر ..وامي مصدومه..
اني من سمعت هيج حقدت وكلت هذا حيوان وميحس على روحه وكلت الحمدلله انكشفلي على حقيقته لو مزوجته ويخوني يمكن امووت..
امي تعاطفت وياااا خالتي وصدكت بيها وباابنها
بس اني حاقده ومااكدر اسامحا ابد..
بده الدوام وهنااا الحيره وين اروح ماكو غير بيت خالتي واني ماطبه على جثتي..
تعبت امي تقنعني واني رافضه..وكلتلهم اروح بقسم داخلي لو ابطل وطز هي حياتي كلها انتهت بيوم الي خاني بيها الحقيررر.
بده الدوام ورحت للقسم وجنه 4 بنات بالغرفه 2 رابع واني ثاني وبنيه ثالث..
اتفقنى على الاكل وترتيبات الغرفه ومن هالسوالف..
يوسف: بده دوام عبير واني كلبي يرجف ومشتاق اشوفهااا..
واني كاعد بسيارتي فاتت للكليه وكلبي راد يوكف وبدون وعي بجيت شلون ضعتي مني ولعنت الوكت الي فرقنه..بس شكد جانت ضعفانه وذبلانه..
درت وجهي ورجعت..
يوسف: وراها بده دوامي بكليتي وكمت اداوم وكل اسبوع اجي اشوفها بدون متدرري شلون واحد بي سرطان ياخذ جرعة كيمياوي ..عشت 5 اشهر قهر جسد بلا روح..
وسحر ميأست ويوميه ذابه نفسها واني اصدها حتى ضرب ضربتعا وهيه ماعدها كرامه..
عبير:كالعاده رجعنه من الكليه جنه دنمتحن  امتحانات الكورس الاول سوينه غده وبالليل اتعشينه ..
احنه مقسمين التنظيف يوميه على وحده والغده والعشى والمواعين مقسمه هم ..
المهم
كملنا دناام وبنيه ويانه بالثالث مو راحه كلش كالت واحد يريدج ويكول شتريد انطيها..
صرت عصبيه وكتلها الا اشتكي عليج يم مدير القسم كالت اشتكي وشوفي..
ثاني يوم كعدت ورحت كبل اشتكيت ودزوا عليها  وسوو مجلس تحقيق ونكرت..وتحلفتلي...
المهم وره يومين بنات الرابع يمتحنون يوم واحد بهذا الاسبوع وكالوا نروح لا اهلنا وحده من الحله والثانيه من ديالى ..
وبقيت وحدي ويه هاي الحقيره صدك خفت بعدين كلت شتكدر تسويلي ..
اني نايمه دك تلفونها وطلعت باوعت عليهاااا اخذت عبايه وطلعت ..
اشو اني خفت والفار لعب وكلبي رجف..كمت جبت سجينه حاده مال لحم وكلت وين متصير خل تصير..
اني نايمه وانفتح الباب وماشوف الااحد فوكايه وضربته بالسجينه وعيطت وراسا التمن البنات ..
وطلع ولد مطببته وجايبته عليه ..
وراسا شرطه القسم جوي لزموها هي والولد ..الولد الضربه صارت بطنه بالجانب  واخذوهم وسمعت بيهم انحكموا اثنينهم..

طبعاااا..
ضليت مصدومه والشرطه فوكايه والبنات وابجي..
الشرطه كالوا منو عدها هنااا بغداد جاوبت صديقتها  المقربه بس بغرفه ثانيه بيت خالتها ام يوسف اخذ الشرطي تلفونها ودك على  ام يوسف طبعاا الحجي ساعه 11 بالليل..
ام يوسف:كاعده يم يوسف يبجي على عبير واواسي واصبره ودك تلفوني لني رقم عبير
كمت لحيلي ياستار شعدهاا داكه وهي حتى متريد تسمع صوتنا..
فتحت الخط وكلت الووو برجفه
السلام عليكم ام يوسف ان شرطي ورايديج تتفضلين للقسم الداخلي..خير شكو شصاير..
كام يوسف ركض لبس واني حطيت جبتي وكعدت ابو يوسف كتله ضغطي صعد اضرب ابره واجي..كلي روحي الله وياج متعود دائما اطلع بهيج وقت من يرتفع ضغطي..
صار الدرب علينه سنه ويوسف ساكت بس مرتبك..واني بس اضرب بايدي
وصلنا وطببونا وفتنه لكينه البنات ملتمات وعبير بس تبجي والشرطي يمها..
ام يوسف: شكو يمه حضنتها شبيها بنيتي ويوسف واكف مصدوم سال الضابط خير شنو الي صاير..
الضابط: حاله اعداء واحد طفر بمساعده بنيه بس بتكم سبعه وطعنته ولزمنا ..
يمه بنتي متبقين دقيقه هناااا.
لمت صديقتها كل غراضها ولبست رداءها
وقعنا على استلامهاااا..واخذناها للبيت وهي بعدها تبجي وقريت على راسها وغطيتها ونمت وياها بغرفه يوسف ..ويوسف راح بغير غرفه..
كعدنه الصبح مثل كل يوم سحر الساقطه ماكو حياء لبس يخزي واغاني شاعله بالمطبخ ولاشغله ولا عمله..
كعدت لكيت خالتي حاضنتني
وحست خالتي هايمه كعدتي
خاله اريد اروح لاهلي كلتلي اني اهلج يابعد اهلي وكرايبي خلصي هذا الكورس واوديج لا امج...
ندك الباب كالت امي تفضل ..فات يوسف وسد الباب راسا عبير دارت وجهه وكلتله اطلع بره تره اموت روحي هسه
وهو يبجي ويكلها مخنتج والله وخالتي تبجي يمه والله يحبج..
كافي حطمتني شتريد بعد
عبير على الجربايه وهو بالكاع حاط راسه عليها ويبجي..والله مسويت شي والله هي دمرتني... كتلهم لخاطر الله ودوني لااهلي...
يوسف: راح اطلع وماضوجج كملي امتحانات وروحي لا اهلج
بهالاثناء طبت سحر ترجف هاي شجابها تحجي وتعيط ويوسف يسكت بيها وهيه لسان دلاله واخر شي جرها من شعرها وطلعها وكتلها.

ام ايه