قتلتني ساحره

5

#قتلتني_ساحره
الجزء الخامس
همسات الليل(ام آيه)

.....   
بدلت وطلعت على الشارع دااجيب كارت ومحتاج معطر جسم ..
بيت عمتي ايمان بنهايه الشارع اباوع اريد اروح ومتردد واكول بداخلي شبيه اشو مشاعري مخربطه رحت وصلت قريب من يم بيتهم لفت وجهي ورجعت كلت شبيه تخبلت شنو داراهق..
بهالاثناء فات اخو عموسعد اسمه وائل بالسياره وهو كلش مستهتر وطاير ومشغل اغاني ووكف يم بيت عمتي..
اشو اني صعدت عندي حيل وشكولي داغار عليها
رجلي ودتني ماعرف شلون..
دكيت الباب وفتت ولكيت عمتي وعبير ديسوون بالدولمه والاكل والافندي وائل اخو عمو سعد متخوصر باب المطبخ وعيونه تريد تاكل عبير والفطيره تسولف وتضحك..
فتت وسلمت صار عينها بعيني ردتلي السلام ودنكت جانت لابسه تنوره وقميص مستورات بس بدون حجاب..وهي كلش حلوه بدون مكياج ومتحط اي شي على الطبيعه..
سلمت على عمتي وكالت كيف جره وجابتك رجليك يمنه استحيت كتلها خالتي دزتني وكالت روح خاف يحتاجون شي عمك سعد بالدوام..طبعاا جذبت..
عمه محتاجه شي اجيبلج من السوك..لاحبيب عمه كلشي عندي ..كمت احجي ويه وائل الرزيل وهو يحجي كلمه ويايا وعينه على عبير فرت صرت نار وعمتي بهالاثناء جان تصيحله وائل تعال جوه دانطيك فلوس روح جيبلي سلك معوزه مادام عندك سياره...
فاتوا جوا...واني لا اراديا جريت عبير من عكسها وكلتلها البسي حجابج  الولد غريب وبطلي فطاريه وجالكه حلحكج وتتمضحكين ..حسيت على نفسي وخرت ايدي لان اذيتها بلزمتي..
اتفاجئت بتصرفه من لزمني وبقيت اباوع بعيونه حسيت بشي غريب وهدني وطلع حتى بدون ميسلم على عمتي..
وغوركت عيوني ولبست الحجاب راسااا طلع وائل راح دزته عمتي يجيب سلك..وجتي عمتي لعد وين يوسف كتلها راح..
شبيج يولي من منو لبستي حجابج خاف مستحيه مني مخبله..كبل بجيت كتلها اشو يوسف لزمني قوي وهيج وهيج رزلني وطلع حرام ابن اخوج مخبل..
ضحكت عمتي وكالت اي غير ابن عمج وخايف عليج وهو عايش وياكم وميريد حجايه عليج..
العمه:طبعااا من فات يوسف تفاجئت وكتله شعجب جاينه وطول الحجي ويا وائل حسيته مغضب وغيران على عبير وتحججت بالسلك حتى ازحلك وائل وكملتها عبير وسولفتلي شلون محاجيها افتهمت يحبها وغيران عليها..بس اني محسست عبير لان هيه على ابواب سادس..واذا مقسومين لبعض فكلشي يجي بوقته..
وزعنا الثواب للجوارين وكت المغرب وجان خير من الله دولمه وبرياني ودجاج وحلاوه..وعمتي دزت على كرم ويوسف ديوزعون ..بس اجه كرم..لان يوسف كاللهم راسه مصدع..اني فهمت زعلان مني من وره وائل..
كملنا وانطتنه عمتي حصتنا للعشى وعمو سعد جابلي عطر كلش هادئ وكالي حلاوه تعبج عبوره ..
شكرته وسلمت على عمتي ورجعنه للبيت..
فتنه لكيت امي وابويه ويوسف بالهول فات كرم عليهم واني حطيت الاكل حار على الطباخ وغطيته بالخاولي وصعدت فتت للحمام سبحت وبدلت جنت لابسه تراكسووت اسود والسترابلس احمر كلش حلو ورفعت شعري وخدودي حمر  وحطيت ريحه من  الي انطانياها عمو سعد ونزلت..
فتت على الهول سلمت وردولي السلام بس يوسف لا..
سألتني ماما شلون جان ثوابكم كتلها يخبل الاكل ماشاءالله ومتعبنه بي وكلش تونسنه اني وعمتي اليوم..كالوا واصل  هي وبابا..
ويوسف ذب حجايه طبعاا تونستوا وضحك ويه الرايح والجاي بالعافيه عمي..
باوعت عليه بالله شنو اجاوبه شنو معنى كلامه غيره وحب لو انانيه والله خبلني..
رحت للمطبخ صبيت وحضرت الزلايط والطرشي وصحتهم واجوي وفات العينتين ويباوع من جوه ليجوه عليه..
سطرتني بعطرهااا وجماله لابسه اسود وخدودها حمر عبالك تفاحه..
كملنه العشه واحس بي يباوعلي من جوه لجوه كملت اول وحده عسايه وكمت حطيت الجاي على النار بين ميكملوون..
دك الجرس ويوسف جان توه مكمل عشى ديروح يغسل فطلع للباب وفتحها ولكه ولد عمي احمد وعلي جايين يتعللون فوتهم للحديقه وكلهم هسه اغسل واجيكم..
فات كال هذوله علي واحمد بالحديقه..عمي كله روح طببهم قابل غربه هو مرتبك ويباوع عليه لاعمو يريدون بره يتعللون يله كملو خل نطلع يمهم..
كملوا العشى وغسلوا وطلعوا وبابا كال كملي الجاي وجيبي بره عبوره..صار بابا ادلل..
اني سمعت عمي كلها جيبي الجاي انجنيت..
طلعنه وره 5 دقايق فتت للمطبخ داشوف الجاي خدر ..
كالت اي هسه داجيبه كلها لا اني اخذه انتي كملي شغلج..ومن ديطلع باوع عليه كلي لايكلج الاسود ودار وجهه ومشه..
اني من كلي هيج ذبت لان هو بس يكسر بخاطري ابد ميجبر..معقوله يحبني..
لا عبير شيلي هالافكار من راسج والتفتي لدروسج..هو البارحه جان يبجي على حبيبته...مثل مكالت عمتي يخاف عليه لان بيت واحد...
اني واكفه على السنك دااجلف المواعين