قتلتني ساحره

10

#قتلتني_ساحره
الجزء العاشر
همسات الليل(ام آيه)

بده الدوام وداني يوسف اول يوم والنار تشب وتطفي بي والغيره مشتعله...
كتله اذا راح تبدي ويايه كلي حتى احول لجامعه الانبار واخلص منك..
لا مااسوي شي..بس اني اغار عليج من الهوى
واني جاوبته امووت عليك بكد الهوى وصدك ميملي عيني اي احدد و وعد ماصير لغيرك لان انت روحي وكلشي الي وماتخيل نفسي بحضن غيرك..
يوسف: بصراحه نعشتني واطتني مغذي ههههه..
مرت الايام وسووت خط لان اني مرتبط بداومي ..
يوميه تزيد حلاه وروحي تشتعل من يمي من تمر وعطرها ولبسها موتتني..
بديت اجمع من راتبي واسوي سلف واهلي يساعدوني وبديت اشتغل واحضر لخطوبتنه وعرسنه..
صبغت الغرفه واشتريت بلازما وسبلت ..وره فتره
رحت للكليه على عبير..
خابرتها اني بالباب جان نهايه دوام كلتلها كولي للبنات لينتظروج بالخط اني اوديج...
صعدت ويا بالسياره هلو حبي شجابك..هلو عمري الشوق جابني..اممم يابختي بيك..
محضرلج مفاجئه..؟؟
شنيه؟؟
..متصير مفاجئه اذا اكلج ..
وصلنا لمعرض اثاث بالاسكان..وكالي نزلي نزلت وكال اختاري غرفتنه طبعااا مصدكت كمت ابجي كلي وج صعدي بالسياره خزيتينا شيكولون العالم...
صعدت كملت بجي من الفرحه ومسحت دموعي وعدلت كحلتي ونزلت..
كلي صدك مخبله..
كتله لتحبك هم عدهااا عقل..
نزلنا واختارينا غرفه تخبل بيضه وبيها وردي والستائر ستن ابيض وشيفون وردي والتيبللامات
هم وردي وابيض..تجنن فد شي روعه..
وره يومين اجوي اهل المعرض وشدوها ونصبوا الستائر ..
وصاحني اني وخاله وفتنه وخاله تبجي وتصيح اللهم صلي على النبي ..
بالمناسبه عمو ابو يوسف دره بسالفتنه لان جان شاك بس تحضيرات يوسف كشفته..
باركولنا ودعولنا الله يتمم بخير..
تقريباا جهزنا كلشي والذهب عمو اتبرع منه والنيشان من نريد نزوج اخذه حتى اشوف موسم زواجنا واخذ هدوم على الموسم...
كملت امتحانات الكورس الثاني ورحت الاهلي وكلي اني اجيب النتيجه مالتج واجيب اهلي واجي اخطبج وبالعطله نزوج..
اووف كلتها بتنهيده هم اصدك انجمع وياك بغرفه شوحاسه كلبي مقبوض وفرحتنا متكمل..
ليش حبيبتي تحجين هيج وتخوفيني..ميمنعني عنج بس الموووت..اسم الله يوسف امووت وراك والله..
وظلينه نتخابر يوميه ..فديوم سحر باتت يمنه وبهذا اليوم اتفقنا منحجي لان نعرفها حقيره وتخرب..
واني نايمه اجاني مسج وسحر الحقيره قاريته..
سحر: جتها رساله وهي نايمه واني ظليت احوص اخذت المبايل وقريت الاسم مكتوب يوسف الروح والرقم رقم يوسف..كاتبلها
(انتي الحنونه التي احببتها ذات يوما وانتي المستوطنه داخل قلبي الي الابد اعشقكي بجنون
تصبحين على خير يا ملاكي)
سحر: نار وشبت بيه وحلفت الا ادخل بينكم واخرب مخططاتكم ..كعدت الصبح ارجف دزيت رساله لاامي وجتي اخذتني..
عبير:كعدنا الصبح ماكو سحر ..خابرت ماما على امها جاوبتها اي والله رحت للسوك ومريت من يمكم خابرتها وطلعتلي ورحنا بنفس التكسي..
وامي عاتبتها ادري ياام احمد هيج تهبطينا غير تحجين..
ام سحر:اي والله  صحيح هبطتكم حقج عليه ..

#ومن_هنا_بدء_الالم
#يتبع