#قتلتني_ساحره
الجزء الثاني عشر
همسات الليل(ام آيه)
يوسف:اتعشينا وكملنا ورحنا للهول وسحر ساعدت امي بالمطبخ واليوم اخلاق صايره ومتتمضحك وماكو تفاهات..عجيب امرهاااا..
سحر:كملت المواعين وجنت مسويتلهم كيكه تركيه وسويت عصير وحطيت بعصير يوسف حبوب منومه ورحت قدمتلهم وامي بهالاثناء كامت تمشي عود تحسنت...
المهم انطيتهم العصير ويوسف شرب الطعم ..
وكاعدين نتعلل يوسف بين عليه النعاس وترخص وكام..
وره شويه امي كالت تعبانه وكلتلي سحوره وديني نعست..
ابويه ينام بالهول واني وامي نام بغرفه مال ضيوف..
بيت عمتي جبير وبي كم غرفه جوه..
المهم عمي ومرت عمي راحوا نامووو....
سحر:صارت ساعه 2 وامي كالت يله كومي رحت طبيت للغرفه..
اول شغله سويتها دزيت رساله من تلفون يوسف لتلفوني مكتوب بيها سحر تعالي لزمني دمار برجليه..
وثاني شغله فتحت قميص يوسف ونزعته البنطلون وهو محاس وبعدين جرحت ايدي من فوك شويه ولطخت الشرشف بشويه دم وحطيت لزكه جروح على ايدي ..واتغطيت ويااا ونمنا ..
اجتي امي تدور عليه ساعه 6 وكان هذا اتفاقنا وكامت تمشي لان على اساس اتحسنت و دورت بكل مكان اخرشي جتي وفتحت غرفه يوسف وعاطت..
غرفه عمي لزك على غرفه يوسف..
سحر:كعدت ام يوسف على العيطه وحس يوسف وكام غطه نفسه واني ابجي وادعي عليه وامي سوت فضيحه وكعد ابويه وعمي وامي تبجي واني ابجي ويوسف يصيح شجابج هنا واني اكله انت دزيتلي رساله واضربه وابجي
الله لاينطيك كتبتلي حتى الحكك لان رجلك اتشنجت الله لاينطيك قشمرتني وكتلي تحبني وراح تخطبني وتزوجني..
اني مكلت هيج انتي جذابه ..
زين والرساله الي دزيتلياها
جر تلفونه وشاف صحيح..ظل مدنك مسطور..
ام سحر شالت الغطه وشافت العلامه وكامت تعيط عزه العزاك وين ننطي وجهنه والعار والعالم راح تاكل كلوبنا..
ابويه مصدوم.
وعمي ابو يوسف كال نلم السالفه ونزوجهم..
يوسف:امي تبجي وعيونها تعتب عليه شلون تخون عبير ..
واحاجيها بعيوني مامسوي شي يمه ومااذكر كلشي..
يوسف: كعدت مصدوم ولعبانه نفسي من نفسي والمشكله ماذكر شي بس راسي ثكل ورحت نمت وراها مااذكر شي..
عمي ابو احمد خجلان وفشلان وشكل عنده السكر من الهبطه وراساا كام ياخذ انسولين..
والشريرات سحر وامها ركصن بجفيه بس مسويات نفسهم مقهورين..
يوسف: غلقت تلفوني لان مااتحمل اسمع صوت عبير ودائماا تكلي خايفه..وتالي صار الي مو على البال..
عبير: اشو يوسف اليوم كله ماااكوو شنو السالفه وخاله مترد..اووف كلبي مو مرتاح..
عبير: ثاني يوم وصلنه الخبر من عمتي ايمان يوسف الخميس يتزوج سحر وخاطبيها ومكملين الترتيبات..
من سمعت الخبر كبل اغمى عليه ورحت بعالم ثاني ومحسيت الانفسي بالمستشفى صار عدي هبوط حاد بالسكر وهمزين تلاحكولي جان دخلت بغيبوبه
وياريت ممتلاحكيلي وميته وخلصانه...
سحر: كطعنا مهر بالمحكمه وام سحر هلهلت وامي ساكته
اليوم خميس..
سحر لبست البدله وفرحانه هي والحيه امهااا..
واني عبالك زافيني للكبر فاتت امي واثنينا بجينا..
أنت تقرأ
قتلتني ساحره
Romanceالقصه تتكلم عن شاب بسبب سوء الاوضاع ينجبر يغير حياته ويعيش مع اقربائه ، ويطرق الحب باب قلبه
