قتلتني ساحره

15

#قتلتني_ساحره
الجزء الخامس عشر
بقلمي همسات الليل(ام آيه)

عبير: من شفته فات متت وحسيت كلبي ديبجي مو عيوني ..
من كام يبجي ويتعذرلي ويطلب سماحاي حسيت نفسي تريده ومستعده اسامحه..
ومن فاتت سحر اتعجبت من موقفه شلون ضربها وطلعهااا.
خالتي كالت الحمدلله رب العالمين مراد يفضحج وفكرتي صح ونجيتي من مكر صديقتج..
بس ابني يوسف سوده عليه انلعب عليه وكع بمصيده سحر وامها..والايام كفيله تثبتلج براءته..
متأثرت بكلام خالتي وكلت هاي ام ومتغلط ابنها
راحت خالتي وبقيت ابجي على حظي من جهه حبي ضاع ومن جهه مستقبلي كان للحظه جان اندمر..
خالتي قبل لتطلع كلتلي متحجين ابد سبب جيتج..بس كولي صار زخم بالغرفه وانتي جيتي يمنه حتى تقرين علمود الامتحان..
فتت سبحت وصليت وارتاحيت واجه عمي بوسني وكال توه نور البيت..
صاحتني خالتي على الريوك جان بيومها جمعه رحت كعدت وسحر كاعده وتباوع وترجف وتاكل باظافرها ويوسف كاعد شكله مكسور موذاك يوسف الي اعرفه
بس مهما يصير حاله ميكسر خاطري ضيعنا ثنينا بلحظه ضعف وطيش منه..
اكلت لكمتين وكمت داغسل ماعوني وكوب الجاي..
سحر راح تركض كدامي وفتحت باب غرفتها وفتت اني وبينت الغرفه كدامي ورجعت بيه الذكريات وبكل تفصيله بيهااا
تكولي تعالي شوفي عشنا وتاشر على الجربايه وتكول هنااا توجنا حبنا..
شكد تافهه
عفتها وفتت للغرفه وقفلت الباب وكمت ابجي من حجيها واتخيل شلون من يتقربلها كل ليله واتخبل..
نمت من البجي وحسيت خالتي تدك بالباب وكعدت داتغده كتلها خاله مااشتهي فدوه عوفيني ..
راحت جابت غدايه وكالت لتطلعين حتى متنقهرين وارتاحي واقري..وابقي هنا واني اجيب كلشي يمج..
بالمناسبه خالتي طلعت تقاعد صار 3 اشهر يعني ربه بيت صارت..
ضليت يمهم وسويت خط  ويه ولد ويانه طالب بنفس منطقه بيت عمي بس فتره الامتحانات اسبوعين..
طلبت من خالتي ليصير كبالي وماريد اشوفه.
كمت مااشوف يوسف... وسحر احاول اجنبها اصلا
خالتي مدللتني ومتخليني اطلع بس للكليه وللحمام.
بليله ودااقره اندك الباب وفاتت سحر لابسه سيت نوم فاضح ..
باوعت عليها كلت شكد ساقطه متستحي من عمي جايه هيج..كتلها خير شتريدين؟؟
بلكت الكه عندج كلينس تعرفين متزوجين وكذا وتضحك لان  رجلي يوسف نسه يجيب ودزني كال تلكين بغرفتي على الميز..
تعالي اخذي ..
اخذته وطلعت..
طاح حظج وحظ رجلج وياج ياحثاله اثنينكم ..
ادمرت وبجيت وكلت لازم انساه هو عايش حياته واني ادفن نفسي بالحياه..
ثاني يوم هم جتني لابسه اتعس من القبله بكيني وعليه تول مخازي ..
تكولي اريد صبغ اظافر ذهبي ويوسف لح الا هسه تصبغين ذهبي واني ماعندي وكلي شوفي عبير..
جاوبتها  اني اصلي لا اصبغ ولا اي شي ..روحي بابا لفلفي رجلج ونامي..
طلعت ودعيت عليهم الله ينتقم منهم.

ثالث يوم طلعت من الغرفه قبل متجي كمت اعرف وقتهااا وكعدت بالمطبخ ومطفيه الاضويه  وكاعده على الكرسي دكت باب غرفتي وفاتت ملكتني كامت تكمز ولابسه لعبان نفس وقرف اجتي كبل فتحت باب الغرفه الصغيره ..خالتي خالتها للضيوف ..
دكت الباب مقفوله..وتصيح افتح لا هسه اسوي مصيبه
فتح الباب وفاتت تصيح وين مختلها  يوسف ملكيتها بغرفتها..
عبير:اني مصدومه يعني هنا ينام..لا لا اكيد متزاعلين اليوم لان يوميه تلبس وتجي..المهم  هي سدت الباب ورحت اسمع ..
هو يشتم بيها ويضربها يكلها والله ماخليج اطخيني ..
وقشمري نفسج بالبلوه البليتيني انتي وامج اني مطخيتج ولا واصل يمج شوفي منو قشمرج وتذبين بلاويج عليه
اني عبير حب حياتي مصخيت الزمها الابالحلال هالنوبه انتي الصخله ...
احلمي تنامين ويايه بفراش واحد ..لج بابا ماعندج كرامه يوميه ذابه نفسج واني رافضج اطلعي بره ...
عبير: من صاح بيها تطلع طبيت غرفتي كبل ..
وجان هي تطلع وجتني فاتت تمثل رآسا كلبت وجهها
وين جنتي عبير.؟؟.
جنت بالحمام ليش ؟؟
هيج لحالي اسأل ..
مو على بعضج سحر اليوم؟؟..
وجانت تضحك كالت اوف كوه فكيت روحي منه مهروش ابن عمج ميشبع..
اضحك بنصب عليها كتلها الله يهنيكم..
طلعت من يمي وراحت ولت..
قفلت عليه الباب بصراحه خفت..هو ولد قافل خايف منها واني بنيه وهم اخاف تسويلي بلوه...
بجيت وربطت الاحداث من باتت يمنه وعرفت مفتشه بجهازي ولاكفه رسائل يوسف وهو مسولفلي قبل معترفتله بحبها وهو رافضها...
بعدين كلت ميفيد الندم..ارضى بنصيبي..وهو لو صدك.مجان طلكهة عليش باقي وياها..
ثاني يوم اجه الولد اخذني بالخط وكملت دوامي ورجعت لبيت عمي..ومن دانزل جلب الكعب بلاستيكه مال الباب وفلتت وجلبت رجلي..بهالاثناء يوسف اجه من الدوام وصارنه 5 ايام ممتشاوفين..
المهم نزل الولد ودنك يم رجليه ديخلصلي الكعب
ويوسف شب وطفه لان حيل يغار..
شكو شدسوي اخويه؟؟
كعب عبير مجلب ودفلته وابوك الله يرحمه
جر الحذاء وكلي يله لبسي وفوتي
.وانته مشكور اخويه الله وياك..
صعدت بالسياره وادردم شكد خبل ابن عمهااا..هاي ومتزوج لو بعده جان كلت يحبهااا..

ام ايه