حب من طرف تالت (Completed )

الحلقه ال15 والاخيره

"حب من طرف تالت" #الحلقه_ال15_والاخيره 😯😃✌💙

"انا مش عدوك افهمي..
اني أما بقفش او بثور
مبكونش فعلا ديكتاتور..
او قصدي افرض رأي..
او اسلوب حوار..
كل الحكايه وبإختصار..
"انا لسه شايفك عيله"
وشايفني أب..."-محمد ابراهيم

غضب ممزوج بقلق ممزوج بحيره، سلمي واقفه مكانها شايفاه ومش عارفه تعمل ايه، كان هاين عليها تجري وتسيبه بس مكنتش قادره حتي ترمش بعنيها..
مصطفي: سلمي؟! انتي ايه اللي جابك دلوقتي؟! انا مش قايل لعمو انك تيجي 7 ونص!
سلمي *بحيره وتوتر*: ا..اه..بس هي فرقت؟!
مصطفي: ايوه فرقت! اتفضلي بقي بره دلوقتي! يلا *بيزوقها بره البوابه وبيزغر للsecurity*
سلمي: ايه التخلف دا! مصطفي؟!
مصطفي: روحي اتمشيلك روبع ساعه وارجعي..
سلمي: انت بتهزر؟!
مصطفي: لا والله ما بهزر

مصطفي: الغبي فتحلها! مع اني قايله ميفتحش قبل 7 ونص.
محمود:و انت عملت ايه؟! هي فين دلوقتي؟!
مصطفي: منا خرجتها تاني...
محمود: يخربيتك! في الشارع كدا لوحدها دلوقتي؟! انت بتستهبل والله انا هروح اشوفها!
شروق: طب والمفجأه! باظت خلاص؟!
محمود: لا! كل حاجه هتمشي زي ما اتفقنا بس بدل ما هي اللي هتيجي انا هخروجلها واجبها.
شروق: تمام ماشي
مصطفي: طب اجري روحلها بقي قبل ما تمشي وتروح..
شروق: حد يعمل اللي انت عملته دا يا حمار.
مصطفي: متقوليش حمار بس متنسيش ان انا اصلا اللي مظبط كل حاجه هنا.
شروق: اه ما عشان كدا مفيش حاجه خلصت لحد دلوقتي..
مصطفي *بيحدف عليها كيس بلالين*: انغفخي يا ختي في البلالين بدل ما انتي شغاله نفخ فيا من الصبح.
شروق *بتضحك*: حمار..
مصطفي: بس متنكريش انك بتحبي الحمار دا..
شروق: لا طبعا..
مصطفي: نعم؟!
شروق: لا طبعاً منكرش...

محمود: سلمي! استني!
سلمي: محمود؟!
محمود:اه محمود...
سلمي: انا مش فهمه حاجه..

يوسف: مش كل مره اجي اتكلم تسبيني وتمشي!
هنا: يوسف! بلاش...
يوسف: بلاش ايه بظبط...
هنا: بلاش تكمل كلام...

سلمي: يعني انت اللي عامل كل دا؟!
محمود: ايوه يا ستي انا، طبعا بمساعدة شروق ومصطفي
سلمي: بس ازاي مش انت وشروق مخطوبين؟!
محمود: كان لازم نمثل عليكوا الخطوبه عشان اشوف واتأكد..
سلمي: تتأكد من ايه؟
محمود: اتأكد ان في مشاعر منك اتجاهي...
سلمي: واتأكدت؟
محمود: مممم...يعني نوعاً ما.
سلمي: وانت بقي قدرت تخاطر وتاخد خطوه زي دي عشان انت متأكد نوعاً ما من مشاعري؟ ورايح تقول لبابا انك متأكد وبتاع..
محمود *بيضحك*: طب انا عايز اتأكد دلوقتي علي فكره...

يوسف: يا هنا اديني فرصه!
هنا: فرصه؟! فرصه عشان تقولي انك بتحب جارتي المره دي؟!
يوسف: يادي النيله...يا بنتي سبيني اكمل كلامي...
هنا: لا اسفه!
يوسف: هنا! انا بحبك يا متخلفه!

مصطفي: بس انتي كنتي بتعذبيني مش بتأدبيني علي فكره...
شروق *بتبتسم وفي دموع بسيطه في عنيها*: اتأخروا صح؟
مصطفي: هما مين؟!
شروق: محمود وسلمي...
مصطفي: شوفي انا بقولك ايه وانتي بتقولي ايه!

سلمي: انت قولتلي بتحبني بقالك قد ايه؟
محمود: 3 سنين وشهرين و اسبوع ويومين و 13 ساعه بظبط..
سلمي*بتضحك*: مممم لا تستاهل فرصه برضو حرام بعد كل دا ارفضك...
محمود: يا سلام؟! يعني انتي مش هتوافقي غير عشان بتشفقي عليا؟!
سلمي: انت عبيط ولا ايه؟! هو في بنت عاقله برضو تربط نفسها بواحد عشان بتشفق عليه؟!
محمود: تصدقي لا مفيش!
سلمي: وانا مش عاقله.
محمود: دا بجد؟!
سلمي: بهزر!
محمود*بيضحك*: طب يلا عشان اكمل المفجأه.

مصطفي: ما لسه بدري!
محمود: انت السبب علي فكره...
محمود وسلمي طلعوا ومصطفي وشروق فضلوا تحت.
مصطفي: عايز اعترفلك بحاجه ....
شروق: ممممم
مصطفي: انتي كنتي وحشاني اوي...
شروق: كنت؟!
مصطفي: اه طبيعي لاني مكنتش بشوفك دلوقتى انتي ادامي و..
شروق: ااااه ادامك!!! يعني انت زهقت مني! لحقت؟!
مصطفي: اقسم بالله انتي مجنونه...

محمود: انا عارف ان الطريقه دي غير تقليديه بس انا حبيت اجيبك اول مكان شوفتك فيه، فاكره ؟ الفصل دا بتعنا لما كنا في اولي اعدادي، كنا ديما بنراجع مع بعض قبل اي امتحان...
سلمي: اكيد فاكره، فاكره امتحان العربي اللي كنت منهاره قبليه ولولاك مكنتش عرفت اهدي ولا كنت عرفت احل حاجه..
محمود *بيبتسم*: انا فاكر كل التفاصيل اللي عشناها هنا في المدرسه دي، تعلقي بالذكريات دي كانت سبب من اسباب اللي خلتني اخد بالي من حبي ليكي..

يوسف: ايه؟! ساكته ليه؟! قولي اي حاجه؟!  ادي اي ريأكشن طيب؟
هنا *بتتنهد*: يوسف انت اتأخرت...
يوسف: لا! متقوليش كدا ! صدقيني انا بس مكنتش عارف اجبهالك ازاي.
هنا: .يوسف اسمعني للاخر...
يوسف: حاضر اتفضلي كملي....
هنا: انت عارف ان انا مليش في جو الارتبباط دا اللي هو تلبسي ايه ومتلبسيش ايه...تكلمي مين ومتكلميش مين الجو دا بيخنقني ...وانت مش مريم يا يوسف...
يوسف: والله عارف....عارف كل الكلام دا، عارف انك رافضه فكرة الارتباط من اصله انا بس كل اللي عايزه انك تعرفي اني بحبك وانا هفضل احبك لحد ما نكبر وابقي قادر ساعتها اني ارتبط رسمي بيكي...
هنا: ولو خلفت عن كلامك و بطلت تحبني؟
يوسف: مع اني متاكد انه مستحيل بس ساعتها هاجي اقولك بنفسي...

محمود: طيب احنا لفينا كتير وهزرنا، دلوقتي وقت الجد، سلمي...
سلمي: ايون....
محمود: تقبلي اننا نحافظ علي ذكريتنا ونبني عليها جديد مع بعض؟
سلمي *بإبتسامه*: اه اقبل طبعاً.
محمود: مش قولتلك كنت متاكد انك هتوافقي....

مصطفي: شروق..
شروق: ايوا...
مصطفي: انتي لازم تعقلي...
شروق: شايفني مجنونه يعني؟
مصطفي: يا حبيبتي افهمي...انا عشان عارف انك عمرك ما هتهدي وهتبطلي تاخدي قراراتك السريعه دي فا انا قررت اخد قرار مش سريع خالص وفكرت فيه كويس وحاسس انه هيريحنا احنا الاتنين.
شروق: هتسبني تاني؟
مصطفي: اسيبك تاني؟! هو انا مجنون، لا مش هسيبك تاني..
شروق: امال ايه؟
مصطفي* قعد علي ركبته وطلع خاتم من جيبه*: تتجوزيني...
شروق *مصدومه*: دا بجد؟
مصطفي:لا بهزار *قام ولسه هيمشي*
شروق: استني بس! انا موافقه...
مصطفي: ودا مكنش طلب..
شروق: نعم!
مصطفي: دا كان امر!

"احساسي بالخوف ناحيتك
اوقات كتير يأيدك...
لكن اكيد نفسي اسعدك
وبجد عايزك تفرحي....
شوفي الحياه من مطرحي...
يمكن تشوفي الفرق قبل ما نفترق..."-محمد ابراهيم