"حب من طرف تالت" #الحلقه_ال14 ✌💚
"وياما بشوف من الدنيا
حاجات اغرب من السيما
وربك برضه ليه حكمه
وليه حسبه وتقسيمه
وانا اللي مشيت وانا مآمن
وسبت مشاعري واطمنت
نسيت ان البلاء وارد
وقد يأتي فهيئة "بنت"
متعتذريش."-محمد ابراهيم
يوسف: انا مبسوط اوي انك وافقتي تنزلي تقابليني.
هنا: ومنزلش ليه؟! انا عارفه ان بقالي فترة مبخرجش بس يعني مش عشان حاجه مكنش ليا مزاج بس.
يوسف: بس انا اخر مره شوفتك شاكلك كان زعلان مني، هو اما ضايقتك فحاجه؟
هنا: لا هزعل ليه؟!
يوسف: اصل انا لما قعدت مع نفسي اكتشفت ان انا كنت بكلمك بطريقه قاسيه اوي لما قولتلك علي اللي مريم قالتهولي.
هنا: لا عادي...اي حد مكانك كان دا هيبقي رد فعله...
يوسف: اه بس مش معاكي...انتي مكنش ليكي ذنب...
هنا: خلاص يا يوسف حصل خير..
يوسف: صحيح...هو مين اللي كان معاكي دا وانتي بتجيبي النتيجه؟
هنا: علي ما اتذكر انا قولتلك ساعتها.
يوسف: اه عرفت انه مصطفي وان انتوا صحاب من زمان وكدا
هنا: طب منتا فاكر اهو.
يوسف: اه بس حبيت استفسر لو في حاجه تانيه...
شروق: تفتكري مين مثلا هيبقي عنده عشم كدا انك هتوفقي؟
سلمي: والله يا شروق ما عارفه، فكرت كتير ومحدش جيه في دماغي..
شروق*بتغمزلها*: مفيش حتي حب قديم؟
سلمي *بتضحك*: لالا انتي عارفه انا مليش في الكلام دا.
شروق: ممممممم...ولا في حد اعترفلك قبل كدا بحبه ليكي؟
سلمي: مفيش غير واحد وانتي عارفه مين...
شروق: اه مصطفي....ساعت لما صحابه قالولوا يعمل الحركه القذره اللي عملها معاكي..
سلمي: اه صحابه.وهو عيل بقي ميعرفش الصح من الغلط...
شروق: بلاش نتكلم في المواضيع دي دلوقتي خلينا نركز علي المهم....هو اكيد مش مصطفي لانه اكييد متأكد انك هترفضي..
سلمي: لا واكيد عارف اني همرمط بكرامته الارض لو حاول يتقرب مني تاني.
يوسف: هنا انا عايز اعترفلك بحاجه...
هنا: خير؟! عملت مصيبة ايه؟
يوسف *بيضحك بتوتر*: لا إن شاء الله مفيش مصايب ولا حاجه.
هنا: طب في ايه؟!
يوسف: بصي انتي بجد من الناس اللي كانت علي طول جنبي صحيح بقالك فترة بعيده بس دا طبعاً مغيرش من معزتك عندي و...
هنا *قطعت كلامه*: يا خبر! انا نسيت حاجه مهمه بابا كان طلبها مني...انا لازم اقوم دلوقتي سلام!
"قلبك بالكامل مستهلك...
بين هي وهما وبين اهلك
هي: كانت بنت بتتمناك
هما: كانوا صحاب عايشين وياك
اهلك: قاسموك ضحكك وبكاك
انا انت فكنت غريب وكئيب
ومفيش ولا حد يشبهلك.."-محمد ابراهيم
الاب: انتي هتنزلي دلوقتي؟
سلمي: اه، عايز حاجه؟
الاب: لا لو عزت حاجه هقول لاختك..
سلمي: تمام ماشي، يلا باي باي
الاب: استني...سلمي حاولي تسمعيه، والله هو شخص كويس وبيحبك، اديله فرصه يثبت دا...
سلمي: الله! مش هة بيقول انه متأكد اني هوافق...
الاب: اه بس برضو، محدش عالم يمكن تكون مشاعرك اتغيرت من ناحيته مثلا!
سلمي: كل اللي ربنا يجيبه ،كويس إن شاء الله يلا سلام..
وسلمي في الطريق ومخها عمال يودي ويجيب يا طري مين يا طري مين؟! يا طري هي هتبقي مبسوطه لما تشوفه ولا لا! يا طري ايه ردة فعلها؟! "يا ربي انا متوترتش كدا من ساعت نتيجة الثانويه العامه..."
بتدخل سلمي المدرسه بإستغراب..كانوا المغرب والباب عليه security اول ما شفها فتحلها الباب بإبتسامه رغم عفوتها الا انها كانت قلقه سلمي، الغريب بقي ان المكان هناك كان متظبط اوي، زينه وposters فيها صورها من ساعة اول يوم دخلت فيه المدرسه لليوم اللي اتخرجت فيه لاول يوم في الكليه لصور اول سكشن كان الموضوع مبهر! بس هو ليه الشخص اكس دا مش حاطط ولا صوره ليه....انفاس متسارعه تتناغم مع دقات قلبها...حركة العين مستمره تبحث عن...وفجأة كل هذا توقف...
سلمي: مصطفي؟!
أنت تقرأ
حب من طرف تالت (Completed )
عاطفية"الحب رزق...والبعد رزق والحضن رزق...والحزن رزق واهي ترتيبات... وحاجات بتيجي مكان حاجات... الرزق واحد بإختلاف التقسيمات.. ولا شئ هتفضل يوم معاه... ولا شئ هيفضل يوم معاك... نعمه ورضا..علي طول كده. تنقص هنا... وتزيد هناك..." -محمد ابراهيم "مبنيه عن قصه...
