"حب من طرف تالت" #الحلقه_ال11 😌
شروق: مصطفي؟!
سلمي: هنا؟! مصطفي؟! لحظه! ازاي...
مصطفي*بيقطع كلام سلمي*: هنا..انا لازم امشي دلوقتي، هبقي اكلمك بعدين.
شروق: مصطفي! استني!
سلمي: هنا! انتي تعرفي مصطفي منين؟!
مصطفي: نعم...
شروق: مش عايز حتي تسلم عليا؟!
مصطفي: انا اسف، بس مينفعش، انتي مخطوبه دلوقتي ومعتقدش ان ينفع ييقي بينك وبين حبييك القديم حتي سلام.
شروق: بس احنا قبل ما نكون حبايب كنا صحاب...عيب اوي اننا نتخلي عن الصداقه اللي كانت بينا عشان خاطر علاقه فشلت.
مصطفي: صداقه؟! لا معتقدش اننا اصلا ينفع نرجع صحاب..
شروق: ليه؟! انا زي ما انت لسه قايل دلوقتي مخطوبه، يعني مشاعري اتجاهك خلصت منها...
مصطفي *بيضحك بسخريه*: لسه زي ما انتي، بتفكري ديما من نحيتك انتي بس، انتي اه قدرتي تتخلصي من مشاعرك بس انا لا، انا لسه مقدرتش! انتي عارفه كويس انا حبيتك قد ايه...مش من يوم وليله كدا هصحي الاقيني خلصت من حبك...عارفه؟ انا أحياناً بتمني اني مخلصش منه...انا عارف ان دا تفكير ساذج بس انا من حبي فيكي حابب الالم والحزن اللي بحزنه علي فراقك..
سلمي: صحاب؟! صحاب منين!!! انتوا عمركوا ما اتقابلتوا قبل كدا!
هنا *بتبصلها بعدم اهتمام*: مش معني ان انتي تعرفيه يبقي لازم انا لو اعرفه يبقي عن طريقك.
هند: سلمي، مش وقته الكلام دا! بصي مين جيه! محمود! شروق فين!
سلمي: مش عار....ينهار منيل! شروق مع مصطفي! بصي حاولي تشغليه وانا هروح اناديها.
هنا: ايه يا جماعه! ليه كل دا، محمود ميعرفش مصطفي اصلا ولا يعرف انه كان حاجه بالنسبه لشروق ببساطه انا هقول انه صديقي وكان جي عشان يباركلي علي النتيجه.
سلمي وهند بصوا لبعض بإستغراب، هنا راحت لمصطفي وشروق وفهمتهم ان محمود جيه..
مصطفي: بس انا لازم امشي دلوقتي يا هنا.
هنا: تمشي ايه! اصبر، دلوقتي هو ممكن يفهم حاجه لو انت مشيت اول ما هو جيه وبعدين انا لسه معزمتكش علي فطار تشربه.
شروق: وانتي فاكره بقي يا هنا هو يفرق معاه محمود يفكر ايه..
مصطفي *بدموع في عينيه بيحاول يخبيها*: انتي عارفه كويس انه يفرق، انتي عارفه كويس اني عايزك مبسوطه..
هنا: مش وقته الكلام دا...يلا.
شروق: محمود، طبعاً انت عارف سلمي وهند، دي هنا اخت سلمي ودا مصطفي.....اممم صديق...صديق هنا.
محمود *بيوزع ابتسامات بلهاء*: انا محمود يا جماعه ازيكوا.
مصطفي بدأ يتأفف فا هنا وشوشته: اهدي شويه! مش عارف تمسك اعصابك!
مصطقي: لا مش عارف! عيل مستفز!
هنا: هو عملك حاجه!
مصطفي: لا! بس هو شكله مستفز! مضايقني! انا هروح اضربه!
هنا *شدته من دراعه*: يا بني اهدي بقي هتودينا في داهيه.
"انا وانتي واقفين والزمن..
ماشي...
والدنيا ماشيه وكل حاجه تمام
بصحي وبنام...
لكن بحس ساعات كتير اني انطفيت
وكأني ميت او شبح..
صوتي اتنبح..
بنده مفيش الا الصدي
اوقات بقول "متعوضه"
واقول خلاص هنسي وهعيش
لكن ساعات برجع وبشبط في الامل
ايه العمل؟!
وازاي وصلنا لنقطه سودا
وحيطه سد...
ازاي بجد؟!"-محمد ابراهيم
سلمي: ومقولتليش يعني انكوا صحاب.
هنا: مجاش النقاش او الوقت اللي كان لازم فيه اقولك.
سلمي: بس انا قولتلك لو في حاجه مضيقاكي قولي..
هنا: بس هو مش مضايقني، زي ما شوفتي احنا صحاب جداً واقرب من اخوات كمان، يعني مفيش حاجه هتضايقني منه.
سلمي: ماشي يا هنا بس انتي لازم تعرفي انه مش كويس! احذري منه!
مصطفى: مفيش امل في رجوعنا مش كدا؟
هنا: تاني؟! مش قولنا انك لازم تنسي وتعي حياتك بقي.
مصطفى: كنت ناوي احاول بس مجرد اني شوفتها ذكريات سنين عدت عليا في ثواني، كل لحظه شاركتني فيها لسه فاكرها، لسه فاكر كل مره ضحكتها وكنت بتلكك عشان اشوف اللمعه اللي فعينيها، لسه فاكر الاغاني اللي بتحبها، لسه فاكر اني بحبها...
"ازاي قبلنا الوضع واستسلمنا ليه
وكأني كنت في سكتك...
عابر سبيل...
او شخص ما..
ازاي بقيتي مسلمه
راضيه اني اضيع..
من غير ما تبدي اي رغبه فالجوع..
او حتي ليها تلمحي..
ازاي زمان كنتي الدوا...
وازاي باقيتي بتجرحي..."-محمد ابراهيم.
أنت تقرأ
حب من طرف تالت (Completed )
عاطفية"الحب رزق...والبعد رزق والحضن رزق...والحزن رزق واهي ترتيبات... وحاجات بتيجي مكان حاجات... الرزق واحد بإختلاف التقسيمات.. ولا شئ هتفضل يوم معاه... ولا شئ هيفضل يوم معاك... نعمه ورضا..علي طول كده. تنقص هنا... وتزيد هناك..." -محمد ابراهيم "مبنيه عن قصه...
