حب من طرف تالت (Completed )

الحلقه التالته

"حب من طرف تالت" #الحلقه_التالته 💖

"وانا وانتي عشان قربنا اوي...
كان لازم
نبعد قد القرب...
واهو بعد ما كنا فيوم واحد..
اصبحنا خلاص..
عن بعضنا غرب...
انا اسف جداً انا ماشي..
مكسوره ومكسور وحكايه..
شافت نفسها فيا فا خافت...
كسرتني عشان كنت مراية..."-محمد ابراهيم

مصطفي: انتي مستوعبه اللي بتقوليه دا يا شروق! انتي في وعيك؟! ازاي بعد عشرة السنين دي تقولي انك اكتشفتي انك مش بتحبيني.
شروق: صدقني انا معرفش، ممكن اكون حبيت حبك ليا.
مصطفي: طب ولو نفترض مثلا ان انتي كلامك صح...انا اعمل ايه بقي وانا بحبك كدا؟! اموت؟!
شروق: متقولش كدا انت مسيرك هتنسي...انا لازم اقفل دلوقتي عشان انزل الكليه، عايز حاجه؟
مصطفي: لا يا شروق مش عايز بس انتي مش ختعرفس توصليلي بعد كدا مش كل مره تسبيني وترجعيلي انا مش لعبه في ايدك.
شروق: ماشي....سلام.

حالياً المشهد كالاتي، هنا بتجهز نفسها عشان تنزل المدرسه، الام بتجهز السندوتشات، الاب متزمر وقاعد علي السفره بيزعق عشان متأخر...
الام: خلاص انا حضرت الفطار،متخفش إن شاء الله هتوصل بدري كمان.
الاب: اوصل بدري ازاي وحضرتك مصحياني متأخر ربع ساعه.
الام: طب ممكن نتناقش بعدين عشان هنا جت....صباح الخير يا حبيبتي، انا عملتلك السندوتشات اللي بتحبيها.
هنا *بتبوس مامتها*: شكراً يا ماما، صباح الخير يا بابا *باباها اكتفي بأنه حرك راسه قال يعني بيسلم عليها*

خلصوا فطار وهنا راحت المدرسه وراحت علي الطابور علي طول من غير ما تستني تشوف مريم لانها غالباً بتيجي متأخر، بعد الطابور طلعت هنا الفصل مع باقي زمايلها ليكتشفوا ان ميس هناء بتاعت الEnglish حصلها ظروف فا مقدرتش تيجي المدرسه، بعد بداية الحصه الاحطياتي بحوالي ربع ساعه لمحت هنا باب الفصل بيتفتح توقعت انها مريم بس الحقيقه مكنتش مريم لوحدها كان معاها يوسف، ظهرت علامة تعجب علي وجه هنا.

مريم: صباح العسل اللي مغيش زيه!
هنا: اهلا! اتأخرتي ليه وانتي عارفه اني محضرالك ورق الدرس عشان تخديه الصبح؟
مريم: عادي، المهم اني جيت.
هنا *حطت ايدها في الشنطه وطلعت الملزمه اللي هي صورتها* : اتفضلي.
مريم: ايه دا انتي صورتيهالي؟؟
هنا: مش من  حبي فيكي والله انا عارفه ان انا لو ادتهالك تصوريها مش هترجعلي.
مريم *ضحكت*: كويس انك عارفاني...*بصت علي المدرسه اللي كانت قعده* امال فين ميس هناء؟
هنا: عندها ظروف فا مجتش.
مريم: غريبه يوسف مقاليش، وبعدين تفتكري ايه الظروف اللي متسمحلهاش تنزل بس تنزل ابنها المدرسه عادي.
هنا: ملناش دعوه.
مريم هزت راسها، بعدين بصت ليوسف وابتسمتله، هنا خدت بالها والغيره كانت هتولع قلبها، كانت عايزه تبعد مريم عنه بأي طريقه بس اللي كان بيمنعها دايماً انها عارفه ان يوسف بيحب مريم وهو مبسوط وهما قريبين حتي لو كانت مريم بتلعب بمشاعره.
خلص اليوم الدراسي وهنا روحت عشان تلاقي مصطفي بعتلها رساله طويله عريضه شكله كان كتبها وهو متضايق.
مصطفي: هنا، انا تعبت، شروق بجد مش طبيعيه، انهرده اكلمها الاقيها بتقولي احنا لازم نسيب بعض لاقني اكتشفت اني مش بحبك! دي المره المليون تسبني يا هنا! كل مره بسبب العن من اللي قبليه، انا قرفت بجد، انا ندمان اني بحبها بجد، هي مش مقدره حبي وكل شويه تكسرني، لا وبتتكلم بمنتهي البرود، انا عارف انها بالكتير اوي يوم زتيجي تتأسف وتقولي نرجع، بس انا مش هسبلها فرصه توصلي.
هنا غيرت هدومها وقعدت مسكة الموبايل عشان ترود عليه لاقت رساله من شروق بنفس طول ومنظر رسالة مصطفي المشكله هنا ان شروق مش close اوي من هنا عشان تحكلها.
شروق: هنا، بصي انا عارفه انك قرييه من مصطفي اوي، وكمان عارفه ان هو زمانه حكالك، انا عارفه انتي فكرتك عني وحشه واني ديما مضطربه فكل حاجه وخاصة علاقتي بمصطفي، انا محتجاكي تهديه، هو زمانه مضايق دلوقتي وييولع بس صدقيني انا لو مكنتش سبته كان زماني بظلمه لان زي ما هو قلك انا بطلت احبه او بمعني اصح اكتشفت اني مكنتش بحبه....فا ارجوكي حولي تعقليه.
هنا لسه هترود علي الاتنين لاقت رساله من مريم.
مريم: هنا....
وعشان هنا عارفه ان موضوع شروق ومصطفي هيطول قررت ترود علي مريم الاول...
هنا: ايوا. ...
مريم: انا عايزه اقولك علي حاجه حصلت امبارح بليل وانا بصراحه ضميري وجعني اني خبيت عليكي بس انا كنت خايفه من ردة فعلك.
هنا: خير؟
مريم: انا قولت ليوسف اني موافقه ارتبط بيه......

اراكم في الحلقه القادمه😄 قولولي رأيكم ولو مفيهاش ازعاج ممكن شير للقصه؟