حب من طرف تالت (Completed )

الحلقه التانيه

"حب من طرف تالت" #الحلقه_التانيه 😌💖
مريم *بإستغراب*: غلط؟! هو ايه اللي غلط بظبط؟!
هنا*بتتنهد*: كل حاجه بتعمليها ليها علاقه بيوسف غلط، لو انتي بتحبيه قوليله، انتي بترفضيه بس مش بتصديه!
مريم *بضحكة استهزاء*: يعني انا لما ابقي عايزه احافظ علي صداقة الطفوله كدا ابقي بغلط!
هنا: مريم، اسمعيني كويس، انتي وانا عارفين ان يوسف بيحبك وهو اعترفلك، وانتي رفضتي كان لازم تقعدي فتره تتكلمي بحدود مش بعشم زي ما انتي بتعملي دلوقتي..
مريم: يا هنا هو صديق الطفول...
هنا*قطعت كلامها*: متقوليش صديق الطفوله بس انا وانني عارفين كويس ان انتي مكنتيش بتطقيه...
مريم *بنرفزه*:انا قايمه اتمشي يا هنا.

بعد ما خلص اليوم الدراسي بتعهم، هنا روحت البيت مع باباها، دخلت اوضتها تغير هدومها لاقت مسدج (رساله) علي الفيسبوك..
مصطفي: هنااااا...فينك؟!
هنا: ازيك يا مصطفي، هامل ايه؟ 😃
مصطفي: انا تمام اهو، وانتي؟
هنا: الحمدلله 😄 عامل ايه مع شروق؟😉
مصطفي: الحمدلله💖 بس ادعي بس انها تعقل شويه وتبطل تمسك فأي غلطه 😞
هنا: اكيد انت بتعمل مصايب، ماهي مش هتزعل علي الفاضي.
مصطفي: والله أبداً، بالعكس، انا بدأت اعمل زي ما نصحتيني اني امتص غضبها
هنا: شطوووور.
مصطفي: ههه 😃
هنا: انا هروح اكل بقي، اكلمك بعدين.
مصطفي: اشطا ماشي. بااي.

شروق: كنت اونلاين بتكلم ميين ها؟
مصطفي: مستنيكي يا حبيبتي.
شروق: مممم ماشي ماشي.
مصطفي: عامله ايه؟؟
شروق: الحمدلله، وانت؟
مصطفي: الحمدلله كويس طول مانتي كويسه يا حبيبتي.
شروق: مش عادتك تبقي cute كدا، اكيد عامل مصيبه.
مصطفي: والله انتي ظلماني.
شروق: انا مفتريه يا سيدي.
مصطفي: لا خالص يا حبيبتي، انتي مينفعش تبقي مفتريه، انت جميله اوي بس عايزه تهدي شويه.
شروق: اصل انا مجنونه اه.
مصطفي: يا رب صبرني...

هنا: ماما، انا ورايا درس french الساعه 4 ممكن بابا يوصلني؟
الام: لا يا حبيبتي انا هاجي اوصلك انتي عارفه ان بابا بيرجع من الشغل مرهق.
الام حضرت الغدا وقعدوا ياكلوا هما التلاته.
الاب: امال ساره فين؟
الام: لسه في الكليه، بيتعبوا اوي في الكليه ربنا يعينها.
الاب: محدش قالها تدخل هندسه.
الام *بضيق*: انت عارف انك قدوتها وهي عايزه تطلع زيك.
هنا؛ انا بقي عايزه اطلع دكتوره زيك يا ماما.
الام *بتبتسم لهنا*: لا يا حبيبتي انتي عشان تقرري لازم تشوفي انتي بتحبي دراسة ايه، الواحد لما بيحب حاجه بيعرف يتفوق فيها.
الاب: ممكن اكل في هدوء؟!
الام: اكيد يا حبيبي.

بعد الغدا هنا دخلت الاوضه تراجع علي اللي اخدته الحصه اللي فاتت في الدرس، وبعد ما خلصت غيرت هدومها عشان تنزل الدرس.

يوسف: هنا، هي مريم اتأخرت علي الدرس ليه؟ مش عادتها تيجي علي المعاد بظبط.
هنا *بتتفادي انها تبص في عنيه*: مش عارفه والله انا حتي مكلمتهاش قبل ما اجي.
يوسف: طب ما تكلميها دلوقتي.
هنا *بضيق*: لا يا يوسف، *مشيت وسابته*
بدأ الدرس ومريم ماجتش، يوسف ظهر علي وشه القلق، ومكنش عارف يركز.
بعد ما الدرس خلص ومريم مكنتش جت، هنا روحت مع مامتها واول ما وصلت البيت قررت تكلم مريم وتشوف ماجتش ليه.
هنا: ماجتيش الدرس ليه انهرده؟
مريم: شوية مشاكل حصلت كدا، بابا وماما متخانقين ومحدش كان راضي يوصلني ولما قولتلهم انزل لوحدي اتخنقوا معايا.
هنا : طب انا هبقي اديكي الورق تصوريه بكره عشان تذاكري منه.
مريم: -علي اساس ان انا هذاكر يعني، بس تمام ماشي، اشوفك بكره.

اراكم الحلقه القادمه😄يا رب تعجبكم

💖