"حب من طرف تالت" #الحلقه_الرابعه 😔💖
"ماتعتذريش..
لا حبك اخر الدنيا..
ولا وجودك سبب لحياة..
انا في "مأساه.."
بحاول اجمل المشد
وامثل اني مش مهزوز
"شبح اراجوز"
مركب وش علي وشه
عشان ميبينش ايه جواة.." -محمد إبراهيم
مجرد ما قرأت هنا رسالة مريم، وبالرغم من انها ديما بتحاول تظهر قويه الا ان من كسرتها عيطت، شافت ابواب الدنيا اتقفلت...وكل دا عشان واحد؟! واي حد هيسمع حكايتها هيستهزأ بيها...هيقولولها انها صغيره علي الحب والمشاعر دي مكنتش حاجه غير انها حب طايش في سن مراهقة...بس اللي متعرفهوش ان الحب حب في أي سن مشكلته بس ان لما بيجي بدري بيكبرنا بدري ويوم ما بيكسرنا بنعجز...
مريم: هنا؟ انتي نمتي ولا ايه؟
هنا: لا انا معاكي اهو...
مريم: انا عارفه انتي بتفكري فيا ازاي دلوقتي، بس صدقيني انا حاسه اني بحبه...
هنا: مفيش حاجه اسمها حاسه انك بتحبيه، مش يمكن انتي بس حبيتي اهتمامه بيكي،.
مريم: هو دا برضو مش اسمه حب؟
هنا: لا، لان فيوم هو هيزهق لانه بيديكي في مشاعر ومش بياخد منك حاجه...
مريم: اهي تجربه يا هنا مش هخسر حاجه..
هنا: هتخسري كتير يا مريم...كل ما الفتره هتطول كل ما هتخسري نفسك بالتدريج...
مريم: قصدك ايه؟!
هنا: مقصديش...هكلمك بعدين بقي عشان ورايا حاجات.
هنا قعدت بصه لسقف اوضتها حبه وبتحاول تقاوم الدموع اللي عايزه تنفجر منها، بس فجأه افتكرت ان هي لسه محلتش مشكلة مصطفي وشروق.
هنا: انت صح يا مصطفي، هي مش لازم توصلك تاني، لازم تخليها تحس ان هي خسرتك خلاص، سعتها هي هتعقل وتبطل الجنان اللي هي فيه دا.
وفتحت chat شروق وكتبتلها: حاضر هعقله يا شروق، وانتي كمان لازم تبدأي تكبري في قراراتك...مينفعش تعيشي حياتك تخدي في قرارات سريعه هتوديكي فداهيه.
شروق: صدقيني دا مش قرار سريع، انا بقالي فتره حاسه اني بتخنق كل ما بكلمه.
هنا: دي فترات في كل علاقه لازم تمري بيها، انتي لوحدك اللي تفدري تتحكمي فيها، مش تخدي قرار يدمر علاقتك بالشخص الوحيد اللي عشقك بجد...
شروق: انتي شايفه كدا...؟
هنا: انا مش شايفه غير كدا.
كان يوم الجمعه لما مريم كلمت هنا عشان يخرجوا سوا، وكان معاهم صحابهم كان منهم يوسف... وزي ما الكل عارف عن هنا هي هاديه اوي ممكن يكون في بركان جواها وهي في قمة الهدوء... كانوا كلهم بيلعبوا كره بس هنا مردش تلعب معاهم وقعدت لوحدها علي جنب...جيه يوسف قعد جنبها...
يوسف: مش بتلعبي معانا ليه؟
هنا: عادي مليش مزاج...
يوسف: عليا الكلام دا؟ دا احنا صحاب من ايام الجيزه
هنا *ضحكت*: صدقني يا يوسف مليش مزاج بس...
يوسف: ماشي هعمل نفسي مصدقك، بس انا كنت عايز اسألك سؤال بس متقوليش لمريم...
هنا *بصتله بإستغراب*: اسأل...
يوسف: انتي اقرب صديقه ليها، يعني اكيد قالتلك هي حاسه ايه اتجاهي...
هنا *بدأت تتوتر وخايفه دموعها تخونها*: الحقيقه يا يوسف هيا مقلتليش بس انت بتسأل ليه؟
يوسف: اصل بصراحه انا استغربت اوي لما لاقتها فجأه بتقولي انا موافقه وبتاع بعد ما كانت رافضه حبي ليها..
هنا: عادي يمكن كانت خايفه وبعد ما اتأكدة من مشاعرك قالت تاخد الخطوه دي.
يوسف *بتنهيده*: يمكن....طب عامة انتي رأيك في مريم ايه؟
هنا *ابتسمت*: ايه السؤال دا؟
يوسف *ضحك*: عادي والله اصل زي ما قولتلك انتي صاحبتها فا اكيد تعرفي عنها كل حاجه...
هنا: ممممم...بص هي جريئه شويه، مجنونه كتيير، مبتخفش من حاجه، بس عندها مشكله واحده...
يوسف: ايه هي؟!
هنا: انها متسرعه في خطوات كتير بتاخدها في حياتها...
الاب: بنتك فين؟
الام: هنا خرجت مع صحابها وسلمي في الاوضه بتذاكر...
الاب: سايبه بنتك اللي عندها 16 سنه تخرج مع صحابها؟
الام: فيها ايه؟! لازم ادي بنتي حريتها وانا متأكده من تربيتي ليها وواثقه فكل حاجه هي بتعملها.
الاب: ايوه يختي سبيها علي راحتها لحد متخرج فيوم ومترجعلكيش...
الام: بعد الشر يا اخي وبعدين انت لو خايف عليها كدا كنت خرجتنا انت، انا بلم الدور بس ادام بناتك وقولت انك مرهق من الشغل طول الاسبوع فا عايز ترتاح، متخلنيش اخرج عن شعوري.
الاب: لا اخرجي يا ختي، وبعدين مين دا اللي خايف، انا مش خايف علي حد دا انا نفسي يحصل لبناتك حاجه عشان اروح اقول لابويا هي دي اللي جوزتهالي جواز صالونات وقولتلي انها بنت صاحبك شوف حتي مش قادره تاخد بالها من بناتها...
الام: يا اخي اتقي الله بقي، ووطي صوتك عشان بنتك متسمعكش...
الاب: ما تسمع وماله، انا كدا كدا نازل علي القهوه مع حسين مش طايق اكمل ربع يوم وانا وشي في وشك...
هنا رجعت البيت لاقت مامتها بتعيط وجنبها سلمي،
هنا: في ايه يا سلمي ماما بتعيط ليه؟! بايا فين؟!
سلمي: بابا علي القهوه مع عمو حسين وماما مش راضيه تقولي هي بتعيط ليه...تعالي حولي معاها انتي...
هنا: مالك يا ماما؟!
الأم: مليش يا حبيبتي انا هقوم احضر الغدا....
وقامت مامتهم تحضر الغدا وهنا وسلمي بيبصوا لبعض بإستغراب......
شروق بتاحول تكلم مصطفي علي الفيس والواتس ومش بيرد، فا قررت تكلمه علي التليفون...
شروق: مقفول حتي موبايله مقفول....
جربت مره كمان بس المره دي رد...
مصطفي: ايوا يا شروق نعم!
شروق *بتعيط*: كنت قافل الموبايل ليه؟
مصطفي: بتعيطي ليه؟! في ايه انتي كويسه؟! انتي فين؟!
شروق: لا....انا مش كويسه ومش عارفه انا فين....
مصطفي: ايه؟؟؟!
اراكم في الحلقه القادمه😌 يا رب تكون عجبتكم 💙
منشنزا لصحابكم عشان يقرأوها وشير بقي
أنت تقرأ
حب من طرف تالت (Completed )
Romansa"الحب رزق...والبعد رزق والحضن رزق...والحزن رزق واهي ترتيبات... وحاجات بتيجي مكان حاجات... الرزق واحد بإختلاف التقسيمات.. ولا شئ هتفضل يوم معاه... ولا شئ هيفضل يوم معاك... نعمه ورضا..علي طول كده. تنقص هنا... وتزيد هناك..." -محمد ابراهيم "مبنيه عن قصه...
