حب من طرف تالت (Completed )

الحلقه ال13

"حب من طرف تالت" #الحلقه_ال13 ✌💙

"عارفه حبيبتي المشكله كات ايه؟!
انا وانتي بنحب المسافه..
ابعد تحبي تقربي..
وإن جيت اقرب
نفترق ونغيب..
وإن جيت اجرب اسيب احن..
وإن جيت أجرب أحن
اسيب..
كل اللي فات
شماعه من قسمه ونصيب.."-محمد ابراهيم

هنا: المشكله ان سلمي مش قادره تقتنع انك مش وحش زي ما هي فاكره.
مصطفى: حقها، انتي عارفه الوحيده اللي فهمتني كانت شروق، ممكن تعتبري دا سبب من الاسباب ارتبطنا، حستها وقفت جنبي فحين ان ناس كتير اعرفهم من زمان رفضوا يقربوا.
هنا: يعني انت بتعترف دلوقتي ان شروق كويسه
مصطفى: انا عمري ما قولت انها غير كدا، عارف انها كانت بتبعد كتير وكانت مهملاني، بس اللي كان ديما بيشفعلها عندي الوقت اللي كانت بتبقي جنبي فيه..
هنا: ايا كان اللي كان بينكوا انت حان الوقت انك تنسي..
مصطفى: مش هعرف...حتي لو مثلت اني عارف اعيش من غيرها برجع افتكرها...
هنا: طب انت مجربتش تقرب من حد غيرها، يعني جربت تدخل فعلاقه جديده؟
مصطفى: لو عملت كدا هبقي بظلم اللي هرتبط بيها دي معايا، مينفعش ازود الطين بله وادخل حد المتاهه اللي انا فيها...كفايه ناس لحد كدا.

"وانا كداب..
صحيح سبتك انا لكن..
انا المتساب...
انا المتساب بأفعالك..
وإهمالك..
وإحساسي اني فس حياتك
مجرد طيف..."-محمد ابراهيم

محمود: مش كفايه كدا علي مصطفي؟
شروق: انا خايفه...
محمود: من ايه؟!
شروق: خايفه اجي اقرب منه تاني الاقيه نسيني خلاص، او خايفه يكون بيحاول يعيش حيانه وانا ارجع اخربها من تاني...
محمود: لا! ايه الكلام دا! وبعدين احنا مش اتفقنا انك قبل ما تخدي خطوه بعد كدا هتيجي تقوليلي الاول عشان ميحصلش غلط زي اللي كان بيحصل قبل كدا؟
شروق: ايوا بس يا محمود اخر مره هو اللي سابني، يبقي هو كان حاسس اانه بيتعب وهو معايا...
محمود: وبيتعب من غيرك...

سلمي: والله دا شكله حد فاضي، كدا كدا انا قولت لبابا انه يقوله اني فاضيه بعد اسبوعين كدا.
هند: اسبوعين؟! هو رايح يكشف؟! وبعدين الفضول مش هيقتلك في الاسبوعين دول؟
سلمي: خليني اتقل شويه..
هند: بس تفتكري مين؟ دا بيقول انه متأكد انك هتوفقي!
سلمي: ما دي الحاجه اللي هتجنني..
هند: مسيرنا نعرف.

الاب: علي فكره النهرده اكس جالي الشركه وقالي علي المكان اللي عايز يقابلك فيه.
سلمي: اكس؟!
الاب: اه ما هو قالي مقولش هو مين فا انا قررت اسميه اكس.
سلمي: مش عارفه ايه شغل الفوازير دا بس ماشي، فين بقي؟
الاب: متستغربيش بس هو عايز يقابلك في المدرسه اللي كنتي فيها...
سلمي: المدرسه! ايه الهزار دا بقي؟! بابا دا مقلب؟!
الاب: مقلب ايه يا بنتي، والله هو اللي طالب كدا..
سلمي: وانت موافق علي الكلام دا!
الاب: بصراحه هو شكله كويس وعارف هو بيعمل ايه.
سلمي: مدرستي؟! ايه اللي انا فيه دا يربي.

شروق: اه وانتي هتروحي؟
سلمي: خلينا مع الكداب....
شروق*بتضحك*: إن شاء الله ميبقاش كداب ولا حاجه...
سلمي: مش عارفه ليه كل دا، شكله كان بيحب الفوازير وهو صغير..

شروق: تصدق انك ندل بقي ومش هساعدك في حاجه بعد كدا....
محمود: ليه بس!!!!
شروق: مقولتليش ليه انك اخدت خطوه مع سلمي...
محمود: خطوة؟! خطوة ايه؟!
شروق: ايوا استهبل استهبل...مقولتليش ليه انك روحت كلمت باباها ومعيشها في جو الفوازير ومش راضي تخلي باباها يقولها انت مين.
محمود: ايه دا! انا معملتش حاجه من اللي قولتيه دا! مين قالك الكلام دا!