عاملة تايد

التعريف بشخصية الرواية

بسم الله الرحمن الرحيم
____________......................___________
الحلقة الاولى
....................
_سوريا اصحى بقى الشمس شقشقت
ييييه يادى النيلة كل يوم تقعى زى المدب كده من على السرير الجيران بيطلعوا مخضوضين يابنتى
_ كل يوم تقومينى كده ياماما...انتى السبب
_كده انا السبب طب قومى علشان بحضر الفطار دلوقت
_بجد طب هى الساعة كام؟
_الساعة9:05 دلوقت
_يالهوى يا ماما ماصحتنيش ليه من بدرى؟كل يوم تصحينى متأخر كده؟
_مش مهم روحى افطرى فى المكتبة قومى دلوقت علشان تلحقى تصليلك رقعتين الصبح وتلبسى وتلحقى تروحى يلا
_يعنى الواحد مش هايفطر...حسبى الله ونعم الوكيل الله يحرق المكتبة على الشغل اللى يحرم الواحد من الاكل
* * *
معلش سيبتكم كل ده بتسمعوا اسطوانتنا الصباحية انا وماما..اعرفكم بنفسى انا سوريا عندى 25سنة اه اسمى غريب مش كده بس عادى هو مش غريب ولا حاجة لان اصلى سورية بابا الله يرحمه كان اصله سورى وجيه هنا مصر واستقر اتقابل هو ونونا (ماما) وحبوا بعض انا ماما مصرية وسمونى سوريا على اسم جدتى وتوفى وانا فى 2ثانوى الله يرحمك يابابا دقيقة هاركب الاتوبيس، هه وصلت لحد فين؟اه انا بشتغل فى مكتبة هنا بس دى مش اى مكتبة الصراحة دى مكتبة قديمة جداا يعنى حاجة من التراث القديم المصرى كده مع انى خريجة اداب مكتبات ووثائق ثقافية بس اشتغلت فيها بالواسطة برضو اصل صاحبة المكتبة دى صاحبة ماما يعنى الانتيمة بتاعتها طنط رحاب صاحبة مكتبة الرحاب اعتق مكتبة هى عتيقة فعلا لانها متحملانى اصل انا بعيد عنكم يعنى مميزة خالص عندى عقدة صغننة كده فى حياتى...علشان اكون صريحة هى كبيرة جداا جداا وهى وزنى انا حاولت عند دكاترة كتير دكاترة سمنة وادوية تخسيس حتى ادوية للمعدة علشان تقفل شهيتى بحس انها العكس بتفتحها وتنضفها من الاكل علشان اكل تانى اللى كنت بعمله ده مش دايت ده تايد عكس دايت خالص حاجة بتنضف معدتى والله مش بهزر زى مابقولكم كده بس مافيش حل كل الدكاترة يقولولى الحل فيكى انتى طب فيا انا ازاى وانا كل ما باكل لقمة بزيد كيلوا انا جربت كل وصفات النت ،وصفات الاعشاب مافيش فايدة بس الحمد لله راضية بنفسى بس اللى مش راضيين بيا طنط رحاب وماما دايما مش سايبنى فى حالى على طول حاطين نقرهم من نقرى طبعا متغاظين منى اكمنى حلوة ومبقلظة على رأى ام اكرم...اهى ام اكرم دى الحاجة الحلوة اللى فى المكتبة هى اللى بتجيبلى سندوتشات الصبح وكوباية الشاى ام سكر زيادة من الاخر دى البيست فريند الوحيدة بتاعتى طولت عليكم ااوى بس بكرة الكاتبة منار عيد الجميلة اللى هاترويلكم حاكيتى و هاتكمل معاكوا البلوة اللى فى حياتى تصبحوا على خير.