عاملة تايد

الجزء5

#عاملة_تايد
#الحلقة_الخامسة
#الشاورما_السورى🍢😋
•••••••••••••••••
      يلا جهزوا نفسكم للضحك والكوميدية مين ناوى؟ويخيهههخيووو😂💜

تقترب تلك الفتاة صاحبة الجسم النحيل من سوريا فى دهشة مختلطاً مع ذهول
_ايه ده سوريا؟
_نعم؟ حضرتك تعرفينى؟
_يخربيتك انتى سوريا صح؟
_آه انا ياستى اأمورى
_سوريا عبد الله الشامى؟مش معقول ايه ده انتى؟
_يادى النيلة هو حضرتك تعرفينى اوى كده وبتكلمينى بثقة وانا ماعرفكيش
_يخربيت عقلك بجد هههههه! انا سهى...سهى سهوكة اللى كنت معاكى فى ثانوى، طيب فاكرة البكبوظة اللى كانت معاكى فى الدسك انتى اللى كنتى بتهونى عليها وتدافعى عنها لما البنات كانت بتضربنى زمان ويقلولى يا فشلّة
_بجد...يعنى ..يعنى انتى سهى سهوكة اللى كانت معايا فى ثانوى...لأ مش معقول
_مش معقول انتى انا معرفتكيش غير من عنيكى الخضرا والله ،ايه اللى عمل فيكى كده؟
_سيبك منى انا انتى اللى بقيتى موزة خالص اتغيرتى
وتبدو علامة الاستفهام على وجه سهى
_انتى اللى اتغيرتى يا سوريا ايه اللى شقلب حالك كده بقى سوريا الشامى اللى كانت الشاورما السورى بتاعت فصلنا تبقى كده طب ازاى؟
_الشاورما السورى؟...قولى البطة السورى، الجاموسة السورى
الاكل بدل ما انا اللى اكله هو اللى كل عقلى خلاص ده غير انى كنت بروح عند دكاترة كتير وكنت باخد علاجات وبلاوى ما حوأش فيا برضو
_طب هاقولك تعرفى روحت عند دكتور عملى عملية الشفط هوا وزى ما انتى شايفانى كده بقيت عاملة ازاى قوليلى انتى وزنك كام؟
_يعنى حوالى 165كيلو
_ياخبر165...وتضحك بتقطع فى الكلام
_ بسيطة بسيطة ان شاء الله يا سوريا ده دكتور هايل خودى ده الكارت بتاع العيادة تبقى تتصلى بيهم وتحددى معاد لحسن بيكون زحمة جداا عنده...عايزة حاجة؟
_لأ عايزة سلامتك...طب كنتى هاتاخدى ايه من هنا؟
_لا بقى خلاص ابقى اجى مرة تانية هاخد الرواية اللى عايزاها وبالمرة تبقى تقوليلى عملتى ايه..يلا باى؟!
_باى!
واخيراً سوريا شعرت بسعادة لم تشعر بها منذ شهور بعد انقطاع املها فى فقدان وزنها و العفاريت الممتعضة اللى كانت على وجهها تحولت الى لملاك طائر بأجنحته والشاورما السورى سوف تعود مجدداً
                          •••••

وعند مكتب شاكر المهدى مدير الشركة شرعت السكرتيرة بالدخول تعتبر تلك السكرتيرة بفتاة لا تطاق بالنسبة الى امير  ابى بأنها تحصل على فرصة عملها فى الشركة لكنه لبى لأمر والده بأنها سوف تقوم بعمل سكرتيره لاعماله
شاكر/ هند؟..ايه ده يا مجنونة ايه اللى دخلك هنا انا مش قولتلك طول ما احنا فى الشركة ماتعمليش الجنان بتاعك ده؟
_وحشتنى يا بيبى يومين بحالهم مش بتيجى عندى ايه خلاص نسيتنى
_بس احنا اتفقنا ان ماينفعش الكلام ده هنا افرضى امير دخل علينا المكتب ولا حد من الموظفين شافك هايقول ايه
__النهاردة يوم التلات ودايماً امير اليوم فى ترفيهى عنده وماحدش يقدر يدخل مكتبك الا لما يخبط على الباب يابيبى
_طب اخرجى، اخرجى دلوقت ونتكلم بعدين
_يعنى هاتيجى تقضى اليوم معايا انهاردة؟
_اه بس امشى ددلوقت
_اوكى هاستناك بليل ماتتأخرش
                           ••••
ويأتى صباح جديد تستيقظ سوريا من فراش نومها حتى ترى الشمس التى شرعت فى الشروق تدخل سهاماً منها بداخل غرفتها فتخرج لترى السيدة نوال جالسة على الأريكة تشاهد تمارين رياضية فى التليفاز
_صباح الخير يا ماما
فتنظر لها السيدة نوال فى تساؤل
_صباح النور؟ مش عوايدك تصحى بدرى؟ الساعة لسة ما جاتش 8:00
_قولت علشان امشى براحتى مش هاركب الاتوبيس انهاردة علشان اروح للدكتور وانا خفيفة شوية كده
_هو المعاد الساعة كام؟
_الساعة8:00 اوعى تنسى والنبى يا ماما انا هاجى ع الساعة 4:00 كده ونروح على الساعة7:30 لحسن سهى بتقولى العيادة هناك زحمة فنروح بدرى،..اوعى تنسى؟
_حاضر...روحى يابنتى ربنا يجبر بخاطرك ويطلع الدكتور ده وش السعد عليكى
                          •••••
_صباح الخير يا بابا ؟
_صباح النور يا امير..رايح الشركة؟
_آه خلاص الساعة دلوقتى بقت9:00 ولازم اروح دلوقت
_انا عارف انك بتحترم مواعيدك ومنظم بس انا عايز اتكلم معاك فى موضوع مهم مجاتش من5 دقايق
_خير يا بابا؟ موضوع ايه ده؟
_انت بتعامل شيرى بنت فريال ليه كده حرام عليك البنت كانت بتكلمنى وهى منهارة من العياط وفريال زعلانة منك بقى بزمتك حد يروح يقول لبنت زى القمر انتى وزنك زاد
ويضحك متواصلاً حديثه
ده انت عارف ان عندها وسواس اسمه تخن يعنى طول الوقت عاملة فى دايت مش مستحملة تقولك كده
فيتكلم امير بسخرية: يعنى ده الموضوع المهم اللى حضرتك مأخرنى عن شغلى عشانه وهى منهارة ليه ان شاء الله كنت بهزر معاها بتزعل ماتهزرش ولا تتكلم معايا وعلى فكرة دى عاملة زى خلة السنان دايت ايه اللى عاملاه طول الوقت م فى ناس اتخن منها وعايشين مش فاهم
_طب بطّل شغل العيال بتاعك ده ولازم تصالحها دى بنت اختى الوحيدة
_شغل عيال ...انا اللى بعمل شغل عيال
_اه انت ويلا قوم عم شوقى زمانه واقف برة من بدرى
اتنظر شاكر امير حين استقل السيارة مع عم شوقى ثم تكلم بإستنكار
_انا مش عارف اعمل ايه مع الولد ده؟
                          •••••
يخيّم الليل حتى يقضى على آخر خيط من خيوط النهار لتخرج سوريا من غرفتها مهرولة
_يلا يا ماما الساعة بقت7 ونص دلوقت عقبال مانروح ده فى المقطم ولسة هانركب مواصلات
_طيب انا جهزت خلاص..يلا؟