عاملة_تايد🚺😂
#الحلقة_الخامسة_عشر
#خبث😡😳👌
°°°°°°°°°°°°°°°°°°°
_بس انا ياحبيبى مبسوطة انك جيت عندى انهاردة ومبسوطة ااوى انك قولتلهم اننا متجوزين ماتتصورش فرحتى عاملة ازاى
_بس قصاد الفرحة بنتى فى المستشفى
_بكرة تقوم مافيش حاجة يعنى
وهى تضع قطع التفاح فى فمه فنهض شاكر مبتعداً بيدها
_ماليش نفس...انا داخل ارتاح شوية
وبعد ان دخل شاكر الغرفة قامت هند بإلتقاط هاتفها لتعمل مكالمة اتصال بينهما وبين فريال ليرن هاتفها لتقوم من نومها على سماعه
_ بتتصلى بيا دلوقتى ليه؟
تكلمت هند بصوت منخفض واخذت تتلفت يمينها ويسارها فى تنبؤ
_نيجار بنت شاكر بيه فى المستشفى
_ايه نيجار فى المستشفى؟ وانتى ايه اللى عرفك
لترتبك شيرى
_ااا..قابلت اسمه ممتاز صاحب امير قالى ...اصله سكرتير زيى
_طيب فين المستشفى دى يعنى؟
_ماعرفش انا اللى عرفته انها تعبانة وبس
_ ماشى اقفلى اقفلى
يقفا فى قلق منتظران خبر يلاشى قلقهم حتى خرج الطبيب من الغرفة محدثاً لهما
_الحمد لله الضغط منتظم عندها بس لسة مافاقتش من الصدمة اللى كانت فيها
امير/يعنى ينفع ادخلها؟
_ينفع تدخلوا دلوقت بس ارجوا ابتعادها عن اى شئ من الزعل
غادرهما الطبيب ليدخل امير الى نيجار مسرعاً،ومعه سوريا؛جلس امير على منكبيه مماسكاً بأيدى نيجار،وتقف سوريا بجانبه تنظر لها فى حنو وشفقة
امير/الحمد لله ياحبيبتى..انتى بخير؟
حاسة بحاجة؟
لتنهار نيجار من البكاء
_بابى...انا مش جاية اسرقوا والله العظيم ما جاية علشان اسرقوا ماحدش حاسس بيا مامى سابتنى لما قولتلها عايزة تعيش معاك ماقلتليش حاجة والله ماقلتلى حاجة
لم يستطع امير بأن يرى شقيقته الصغيرة هكذا حتى فرّت دمعة من عينيه بغير ارادته حتى قام ليقول لسوريا
_سوريا ممكن اخد موبايلك اعمل مكالمة
_آه طبعاً الموبايل دقيقة بس افتح الباسورد..اهو
خرج امير مسرعاً من الغرفة بعد ان اخذ من سوريا الهاتف وقام بتوصيّتها ان تقون بتهدئة نيجار
قامت سوريا بسحب كرسى لتجلس عليه ومن حسن حظها بأن جميع كراسى الغرفة كبيرة جلست بجانب نيجار التى مازالت تبكى وقامت بالتقاط منديل ورقياً من العبوة التى توجد فوق الكوميدينوا
_خودى المنديل ده بس والله ماتعيطى ولا تحرقى دمك اقولك ايه بس ابوكى ده ولا جوز امك احمدى ربنا ان معاكى اخ خايف عليكى طيب انتى تعرفى ده كان هايموت نفسه عليكى اه والله المهم
الدكتور قالك ابعدى عن الزعل علشان خاطرى
لتهدأ نيجار قليلاً
_انتى كنتى هنا من امبارح؟
_آه..ااا ..اخوكى قالى انى اروح بس انا مارضتش والله الا لما تقومى بالسلامة
_ليه بس ياسوريا انتى شكلك تعبانة ماكنتى تروحى وتيجيلى الصبح
_لا ما انا هاروّح واجيلك تانى
بعد انتهاء امير من المكالمة ليدخل الغرفة حاملاً بالهاتف يقول لسوريا
_فيه واحدة بتتصل بيكى..
_اخذت منه الهاتف لتراها الاستاذة رحاب
_دى مديرة المكتبة
نيجار بصوت منخفض يملئه التعب
_طيب روحى يا سوريا انتى المكتبة انا بقيت كويسة خلاص
امير/خلاص روحى انا معاها وهى زى ماقالت بقت كويسة
لتأخذ سوريا حقيبتها وعلى وشك المغادرة
_ماشى بس بعد ما اخلص الشغل هاجيلك تانى
ثم غادرت حتى التفت امير لنيجار
_تعرفى سوريا دى بنت جادعة تصورى فضلت معايا من امبارح مارضتش تروح الا لما تفوقى
_شوفت بقى علشان تعرف الناس من المواقف زى مابيقولوا هنا حاجة كده
_معادن الناس بتبان فى المواقف
_آه هى دى
•••••
_شيرى قومى..اصحى دلوقتى
قامت متظفرة
_يوووه! ايه يا مامى؟
_نيجار بنت خالك فى المستشفى
_ايه؟بتقولى نيجار مالها؟
_فى المستشفى اتصلى بشاكر واعملى نفسك بتطمنى عليه هو ونيجار وطبعاً هايقولك انها فى المستشفى وخودى منه العنوان علشان نروحلها
_دلوقتى..طب سبينى انام
_لأ مافيش وقت اتصلى بيه
أنت تقرأ
عاملة تايد
Comédieالإرادة صفة عامة بمعنى(القوة)،(التحمل) اياً كان نوع التحمل اذ كان تحمل الضغوط او تحمل المشاكل التى نتعرض إليها من خلال حياتنا المتواصلة بشكل يومى او بمعنى اكثر دقة للإرادة بأنها تُوصف بالعزم على القوة،حاول بأن توّلد الارادة من داخل اعماقك ابحث وستجد...
