#عاملة_تايد🚺😂
#الحلقة_العشرون20
°°°°°°°°°°°°°°°°°°°°°°
_انا اسف يا امير بيه..ااا الشقة مكركبة بس علشان البنات كانت بتلعب
_لا ولا يهمك انا اللى جيت فجأة بس انا فكرت قبل ماجى كتير وقولت دى الطريقة اللى لازم اقبلك بيها لانى عايزك فى حاجات مهمة
_خير يا امير بيه؟
_انا عارف يامحمد انهم مشوك من الشركة مقابل فلوس تقعد بيهم صح
اومات محمد برأسه فى ندم اى نعم
_وشاكر بيه هو اللى مشانى والسكرتيرة اللى اسمها هند هى اللى مسكت القسم وبتديره مكانى هما عرضوا عليا الفلوس قولت اخدها اعيش بيهم مسطور انا وبناتى ومراتى كافى خيرى شرى احسن من انى اطرد برة الشركة بولا مليم
_طب ومافكرتش يعنى لما بناتك يكبروا ويدخلوا مدارس وجامعات هى الفلوس دى هاتكفيك العمر كله يا محمد
_يا امير بيه ماحدش ضامن عمره وانا لو كنت قادر امسك فى الشركة بإيدى وسنانى كنت مسكت بس حضرتك عارف شاكر بيه
ليرجع امير بظهره معتدلا ببذلته
_واللى يخليك ترجع الشركة تانى
رفع محمد رأسه فى تساؤل وغموض
_ارجع؟..طب ازاى؟
•••••
بعد انتهائهم من البحث والاسئلة لتأتى دادة ناهد بفنجانين من النسكافيه الساخن حسب رغبتهم وطلبهم لها ثم اخذت لتغادرهم سألت سوريا نيجار فى تردد
_بقولك يا نيجار...هو ااامير هاييجى امتى
تعجبت نيجار من سؤالها لترد عليها
_امير هاييجى دلوقتى هو دايما بييجى فى معاده ..ليه؟
_لا عادى مافيش بسألك بس
_انا زهقت ياسوريا بقيت زهقانة من ساعة ماخرجت من المستشفى طول الوقت بقعد لوحدى..بابى مابقاش ييجى وامير زى ما انتى شايفة من الصبح وهو فى الشركة ومش بييجى غير فى الوقت ده يادوب نتعشى وكل واحد يطلع ينام وكل يوم على كده
ربتت سوريا عليها قائلة
_انتى مش لوحدك يابت انتى..طب ما انا بجيلك اهو ده بقيت اقعد معاكى اكتر مابقعد مع نوال فى البيت
_مين نوال؟
_يووه ماقولتلك دى امى نوال تبقى امى نوال تبقى امى
_خلاص يا سوريا عرفت..طب ماتجبيها تقعد معانا احسن ماتبقى لوحديها فى البيت
صاحت سوريا بوجه نيجار
_ايه..انتى نسيتى انها ماتعرفش حاجة ولا ايه
_اه صح سورى نسيت والله
_لا اوعى تنسى السر اللى بينى وبينك ونبى لنروح فى داهية
سكتت نيجار قليلا لتتكلم ارتباك
_سوريا ااا انا كنت عايزة اقولك حاجة؟
التفتت لها سوريا فى تركيز
_حاجة ايه قولى؟
•••••
دخلت شيرى على فريال فى غرفتها لتراها جالسة فى وضع مستريح لها منفردة بقدميها وتريخ جسمها ناظرة بسقف الغرفة شاردة لتقطع شيرى شرودها
_مامى؟ايه رأيك؟
اعتدلت فريال فى جلستها ثم نظرت لشيرى التى ترتدى ارتداء ملائم للسهرات
_جميل ااوى..رايحة فين بقى؟
_هاروح فرح سولى انتيمتى فرحها انهاردة وقولت اروح لنيجار اخدها معايا ايه رأيك علشان الخطة تكون ماشية صح
شاحت فريال بوجهها بعيداً فى سخرية
_هه خطة ماخلاص هند هاتكويش على كل حاجة
اخذت شيرى كرسى بجوار فريال لتجلس ليست مدركة تماما لكلامها
_يعنى ايه يا مامى مش فاهمة؟
_مش لازم تفهمى يا شيرى امشى انتى روحى فرح صاحبتك
نهضت شيرى مستغربة
_اوكى..بس اروح على نيجار ولا لأ
لوّحت فريال
_روحيلها يمكن تكون خيط
_اوكى باى؟
ثم قبلت فريال من وجنتاها واخذت تغادر الغرفة
•••••
مازالت مترددة لم تعرف رد فعل سوريا عندما تعرض عليها حقيقة اكتشاف امير للسر الذى بينهما لتقرر لا ارادياً بان تتكلم
_سوريا ااا انا..انا يا سور...
قاطعها صوت سيارة امير تدخل الفلة
ليتقدم نحوهم مبتسماً لتنفجر صاعقة لاتدرى نيجار من اين اتت
•••••
أنت تقرأ
عاملة تايد
Humorالإرادة صفة عامة بمعنى(القوة)،(التحمل) اياً كان نوع التحمل اذ كان تحمل الضغوط او تحمل المشاكل التى نتعرض إليها من خلال حياتنا المتواصلة بشكل يومى او بمعنى اكثر دقة للإرادة بأنها تُوصف بالعزم على القوة،حاول بأن توّلد الارادة من داخل اعماقك ابحث وستجد...
