#عاملة_تايد🚺😂
#الحلقة_الثالثة_عشر
#صدمة_ومقابة_ثانية✋👭
°°°°°°°°°°°°°°°°°°°°°°°°°
هاى متابعينى كتكتتتتت🐣👋يلا بقى مستنيين انتوا الحلقة بفارغ الصبر عارفة يلا ادخلوا واسرحوا😍👇
°°°°°°°°°°°°°°°°°°°°°°°°°°°°°°°°°
صباح جديد يبدأ بنزول سوريا مبكراً تستقل الاتوبيس العمومى كعادتها الصباحية لذهابها الى المكتبة حتى وصلت لتجد محمود ينادى عليها
_صباح الخير يا محمود
_صباح الخير ياسوريا؟ عايزك فى موضوع
_ايه المواضيع الى عمالة تتحدف عليا من امبارح دى؟ ايه هو؟
_هى الانسة اللى جاتلك امبارح دى صاحبتك؟
_مين؟
_الى ركبتى معاها التاكسى
_آه نيجار؟ اه صاحبتى..مالها؟
ليرتبك محمود
_هى اسمها نيجار..طب خلاص..خلاص
لتلاحظه سوريا وادركت ما الذى بباله لكى يسأل على نيجار
_انت معجب بيها؟
نظر محمود لسوريا فى ذهول لايعرف ان ذكائها لهذا الحد او انه لايدرى بتصرفاته التى جعلت سوريا تكتشف ما برأسه لتكرر هذه الجملة ثانيةً
_انت معجب بيها يا محمود؟ قول ماتتكسفش
تدخلت ام اكرم ممازحة فى كلامهما
_لا يا انسة سوريا ده عايز يركب معاها التاكسى
سوريا/ ايه ده انتى رامية ودنك معانا
_محمود/اه يا ام اكرم يا سوسة
لترد ام اكرم عليهما رداً مبرراً
_لا رامية ودنى ولا حاجة هو من اول ما شافها مع الراجل الكبارة ده من ساعتها لابيتحرك من على الكرسى وسهتان كده وسرحان فى الشارع واول ما جات اخر مرة قام نط من على الكرسى ودخلك على طول...يعنى بالعقل كده معجب بيها ولا لأ ده ادهول وقع كمان
محمود/جرا ايه يا ام اكرم؟
_ياعم امشى انا عارفة ايه شباب اليومين دول اول ما يشوفوا واحدة حلوة يدلقوا عليها
لتتكلم بنبرة مليئة بالحزن والندم
_حتى الواد اكرم اول ماشاف بت حلوة من بلاد برة اتجوزها وسافر معاها ولحد دلوقتى ماسألش فيا بقاله سنتين
طال النظر بين محمود وسوريا شفقتاً على ام اكرم حتى اقتربت سوريا منها لتجذبها تحت ذراعها وتضع برأسها على كتفها
_ايه يا ام اكرم ما انا اهو مش بنتك وصاحبتك
_بس انا مش عايزة الواد محمود يخيب زى اكرم ده زى ابنى وانتى بتقولى البت دى من بلاد برة انا مش عايزاه يعمل زى الواد اكرم
ليقترب محمود منها ثم يقول فى حنو
_خلاص يا ام اكرم يعنى شايفانى كلمتها وطيرت على برة يا عالم اصلا هاشوفها تانى ولا لأ
سوريا/وانا هاخليك تكلمها يا محمود بس اصبر عليا يومين كده
_بجد يا سوريا والله انتى اجدع واحدة انا شوفتها
ليجرى محمود على مكانه
ام اكرم/يوووه شوفى الواد فرحان ازاى؟
_سيبك منه يا ام اكرم ادعيلى انهاردة اول يوم ليا
_اول يوم فى ايه؟
_انتى دايما لازم تعرفى كده كل حاجة ادعيلى بس وخلاص
•••••
يدخل ممتاز لامير بعد ان طلب منه بالدخول له فى الحال
امير/ اندهلى اللى اسمها هند دى بسرعة
_ليه ايه اللى حصل؟ عملت ايه؟
_مش وقته يا ممتاز روح بس قولها تجيلى المكتب حالاً
_طب مالك متنرفز كده ليه؟ حاضر خلاص هاجيبها
أنت تقرأ
عاملة تايد
Humorالإرادة صفة عامة بمعنى(القوة)،(التحمل) اياً كان نوع التحمل اذ كان تحمل الضغوط او تحمل المشاكل التى نتعرض إليها من خلال حياتنا المتواصلة بشكل يومى او بمعنى اكثر دقة للإرادة بأنها تُوصف بالعزم على القوة،حاول بأن توّلد الارادة من داخل اعماقك ابحث وستجد...
