📚
أحداث القصه هي عن بنيه اسمها شمس عدها اخ اسمه حسن وأبوهم جان بي حاله نفسيه وعدواني بس كدام الناس انسان عادي وكريم وصاحب نخوه ويساعد الناس وحتى أكثر الأحيان يصرف على الناس وينطي للأيتام والفقراء ومؤمن يحب الدين كلش والناس تحبه وتحسد مرته و ولده...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
٤📚{الجزء الرابع}
(ام شمس)يمه فدوه لعينج انتي واخوج مظلومين ادعو بلكت الله يسمع دعائكم ويفرجها علينه ونخلص،، ومرت الايام وبيوم من الايام ابو شمس فجأه تعرض لجلطه ونشل نص جسمه تدهورت احواله ودخل لمستشفى ضل تحت العلاج ومراقبة الطبيب ام شمس بقت وياه بالمستشفى لانه ضل فتره يتعالج.. شمس وحسن بكثر العذاب الي شافو من ابوهم جانو يتمنون كل يوم يسمعون خبر موت ابوهم حتى يخلصون من هل عذاب (شمس)اووف ياربي لك حسن البيت هدوء يخبل هاي اول مره احس بالحريه بيتنه احس جنه عايشين بجحيم بسبب ابويه دمرنه حتى نخاف نحجي نخاف نضحك رأساً يكتلنه يارب كون ما يرجع اتمنى نخلص منه هذه مو أب هذه ظالم احسه عدو النه والله يساعد امي فوك كل العذاب والقهر الي شافته منه بس بقت وياه بالمستشفى وتعتني بي (حسن) اي والله ياشمس امي ماكو مثلها بهل دنيا رغم كل الي صار بيها بسبب ابويه بس بقت تعتني بي ولو هو مايستاهل الواحد يرحمه بس امي حنينه وكلبها طيب واحسن منه.. وبهل لحظه دك الموبايل على حسن (حسن) شمس هاي امي كاعد تتصل (شمس)اي افتح خط شوفها خاف بيها شي(حسن)الوو ها يمه عيني شلونج (ام شمس) هله يمه كلبي اشلونك حسن حبيبي اختك اشلونها خومابيكم شي شوكت رجعتو من الدوام (حسن)يمه قبل ساعه رجعنه وكاعد نسوي غده اني وشمس حتى نتغده ونكعد نقره باجر عندي امتحان وشمس هم واجبات هوايه عدها (ام شمس)يمه حسن ابوكم كاعد يبجي من الصبح ليهسه وانشلع كلبي من وراه وهسه كوه افتهمت منه يريد يشوفكم انته وشمس يمه عيني اتصلت بخالك علي راح يمر عليكم انته وشمس اتحظرو حتى يجيبكم للمستشفى (حسن)يمه احنه مانريد نشوفه ابويه الي سواه بينه موقليل تأذينه منه هوايه مافهمنه شي من طفولتنه كله كتل وأهانه وحرمان من كل شي (ام شمس)يمه حبيبي لاتكول هيج ميخالف اعرف كل شي اني وادري بيك مقهور منه بس يمي لخاطري تعال هذه ابوكم والله يمه اول مره اشوفه هيج مكسور ويبجي عليكم وحتى علاج مدايقبل ياخذ معاند اله يشوفكم فدوه لعينك اتحظرو خالك علي راح يجي عليكم ماشي يمه (حسن)يمه والله بس لخاطرج راح نجي (ام شمس)اي يمه فدوه لكلبك الطيب (حسن) شمس هذه ابويه يريد يشوفنه تكول امي خالي علي راح يجي ياخذنه للمستشفى ولخاطر امي خل نروح نشوفه شبي خابص الدنيا علينه (شمس)والله لو ماامي تتوسل فلا اروح للمستشفى اهوو هم راح اشوفه (حسن)يله خل نلحك ناكل لكمه ونبدل قبل لايجي خالي علي (شمس)يله ماشي روح انته اتحظر واني راح اكمل الاكل ع سريع،، وره نص ساعه ندكت الباب (حسن)شمس هذه يمكن خالي علي اجه يله بسرعه كملتي (شمس)اي اي كملت بس بين ماتفتح الباب اني راح الف الشال (حسن)فتح الباب هله خالي اشلونك (علي)هلا حسن اشلونكم خالو شاخباركم (حسن)الحمدلله خالي زينين تعال طب جوه اكعد شويه اشرب مي شي هسه الحر كاتلك بالطريق (علي)لاخالو مو مال كعده يله بسرعه صيحلها لأختك حتى نروح للمستشفى امك كالت ضروري جيبهم يله بسرعه منتضركم بالسياره (حسن)اي خالي هسه نجي دخل حسن للبيت (حسن)لج شمس يله عاد وين صرتي ماكملتي(شمس)لا لا كملت هسه جايه طلعو شمس وحسن صعدو بالسياره راحو للمستشفى وصلو سئلو الاستعلامات على غرفة ابوهم وبس دخلو للغرفه وشافهم ابوهم...
