📚
أحداث القصه هي عن بنيه اسمها شمس عدها اخ اسمه حسن وأبوهم جان بي حاله نفسيه وعدواني بس كدام الناس انسان عادي وكريم وصاحب نخوه ويساعد الناس وحتى أكثر الأحيان يصرف على الناس وينطي للأيتام والفقراء ومؤمن يحب الدين كلش والناس تحبه وتحسد مرته و ولده...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
١٣📚{الجزء الثالث عشر}
شمس كامت تبجي احمد من شافها هيج تخبل يريد بس يسكتها ماتسكت من الحسره والضغط انفجرت(احمد)لج يمعوده شبيج خوفتيني احجي شكو زين ميخالف لاتحجين بس اسكتي هسه عبالهم اهلج اني حجيت عليج وكمتي تبجين، لزم ايدها وضل يهدء بيها ويسكتها لحد مابطلت بجي جان يكلها احمد (احمد)هسه انتي بجيتي وارتاحيتي خلص اني راح اوعدج واحلف مااحجي لأي احد بس احجيلي اشبيج انتي شنو مارايدتني وتخافين من اهلج زين همه جبروج عليه بس احجي حتى افتهم واذا كلتي ماريدك ميخالف اني راح افض السالفه حتى لو اطلع نفسي اني الغلطان بس احجي (شمس)شوف اني راح احجيلك عن كل شي اني ماردتك لانه اخاف تأذيني بعدين وتظلمني اني هذه وجهي من وره ابويه هيج ضربني لانه ماوافقت عليك وماردتك (احمد)زين ليش انتي تفكرين هيج انتي حتى بعدج ماعرفتيني حتى ترفضين احجي الصراحه عندج احد تحبي وماترديني (شمس)لا والله ماعندي احد اني اصلاً اضوج من كل الولد احسهم كلهم نفس الشي وكلهم من يتزوجون يظلمون نسوانهم ويأذوهم اني ماريد اصير مثلهم(احمد)شمس اني ماجبرج على شي ولا امدح بنفسي بس اكلج على شغله انطي لنفسج فرصه اتعرفي عليه وعلى اطباعي بفترة الخطوبه واني الله شاهد هسه حبيتج اكثر من اول ومستعد اسويلج الدنيا جنه وادللج بس انطي مجال وخلي فتره نتعرف ونحجي وبعدها انتي قرري بكيفج اني هسه راح اروح لانه ابويه وحده بالشغل وهذه الموبايل فتحي وموجود بي السيم كارت وحفظت رقمي بي اليوم بالليل اتصل بيج واحجي وياج وانتي هم شوكت مايعجبج اتصلي بيه واي شي تحتاجين رأساً كولي، رجع احمد لبيتهم وبالليل اتصل على شمس وضل يحجي وياها بس هي كوه ترد عليه خجلانه منه لانه كامت تبجي وانفجرت بوجهه وضل يوم على يوم يحجي وياها لحد ماتعودت شمس عليه وكامت تحجيله على الي عاشته ويه ابوها وشنو السبب الي خلاها ترفضه بالبدايه واحمد ماقصر وياها ابد ضل بين فتره وفتره يجي ياخذها ويطلعها كل مره يوديها لمكان شكل ويجيبلها هدايا احمد حبها لشمس وصمم انه بمعاملته وحنيته يخليها تحبه أكثر وتأمن منه، شمس ضلت مستغربه من نفسها وتكول اني شعجب هيج حبيته اني الي جنت مااطيقه واخاف منه هسه كمت احس بالأمان وياه وحسيت بنفسي فعلاً انسانه يارب كون مايتغير ويبقه على هل حنيه والاخلاق الحلوه، احمد من بعد الخطوبه بشهرين فد يوم هم اتصل على شمس كالعاده بالليل وسئلها(احمد)هلو حبيبتي شلونج (شمس)هلو احمد الحمدلله انته شلونك الشغل اشلونه(احمد)يعني انتي راح تضلين هيج ولا مره كلتي حبيبي كله احمد واحمد(شمس)لاتخجلني احمد انته تدري بيه اني اخجل ومااكول هيج(احمد)يمعوده شبيج اني خطيبج وبعد فتره ونتزوج يعني هم وره الزواج راح تضلين تصيحين احمد شنو انتي تكرهيني وماتكولين حبيبي، شمس ضلت تضحك وتكوله(شمس) كافي لا تضل تخجلني كل ساع عوفني براحتي لحد مااتعود وياخذ لساني على الكلمه واكولها(احمد)ماشي نصبر على الحلو شعدنه(شمس)احمد اني اريد اطلب منك طلب ..
