📚
أحداث القصه هي عن بنيه اسمها شمس عدها اخ اسمه حسن وأبوهم جان بي حاله نفسيه وعدواني بس كدام الناس انسان عادي وكريم وصاحب نخوه ويساعد الناس وحتى أكثر الأحيان يصرف على الناس وينطي للأيتام والفقراء ومؤمن يحب الدين كلش والناس تحبه وتحسد مرته و ولده...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
٧📚{الجزء السابع}
(ام شمس) تذكر قبل فتره من كتلك صديقة شمس ساره راح تتزوج ورحنه لعرسها (ابو شمس)اي اتذكر شكو شبيها ساره (ام شمس)لامابيها شي بس بعرسها اكو مره كرايبهم شايفه شمس وعاجبتها واليوم جايه تخطبها لأبنها تكول خوش ولد وحباب ومحامي وعمره ٢٤ وعدهم سوبر ماركت وبيتهم ملك وبس هل ولد وبنيه وحده بكد حسن والمره شوفتني صورة ابنها ماشاءالله شاب حلو وموقاصر شنو رأيك تسئل ناس الي يعرفوهم ونسئل بيت اهل ساره عليهم ونشوف اخلاقهم والله مبين خوش نصيب (ابو شمس)هي شمس صار كم نصيب اجاها وتتعزز وماتقبل عليهم يعني معقوله راح تقبل على هذوله وشمدريني يجوز يطلعون ما محترمين وموخوش ناس ويصير النصيب وبعدين الفاس يوكع بالراس وتعال شيل همها وقهرها بله ماتسكتين لخاطر الله وسدي الموضوع (ام شمس) على كيفك لا تضيع النصيب هسه احنه قابل نعلم الغيب وشراح يصير احنه شخسرانين خل نسئل ونتأكد والله كريم (ابو شمس)كتلج سدي الموضوع وكافي عاد، ام شمس سكتت بس بداخلها عدها احساس هذه هو النصيب الزين ضلت تفكر انه تقنع ابو شمس حتى يوافق يروح يسئل عنهم بس كالت خل بعد اروح اكله لحسن على الموضوع لازم يعرف ام شمس راحت وحجت السالفه كلها لحسن (ام شمس)ها يمه حسن شنو رأيك بالموضوع (حسن)والله يمه خل نسئل عليهم وبلكي يطلعون خوش ناس احنه اول وتالي الحل والربط بيد ابويه وتدرين بي هو شنو واني اهم شي يطلع النصيب زين والولد حباب ويعوضها عن القهر الي شافته يمه اني ماريد شمس ياخذها واحد يأذيها ويظلم (ام شمس)فدوه لعينك يمه حبيبي ادعيلها كون يطلع نصيب زين وترتاح وياه بالعيشه،، وره يومين رجعت ام شمس فتحت الموضوع ويه ابو شمس وتوسلت بي لحد ما...
