📚
أحداث القصه هي عن بنيه اسمها شمس عدها اخ اسمه حسن وأبوهم جان بي حاله نفسيه وعدواني بس كدام الناس انسان عادي وكريم وصاحب نخوه ويساعد الناس وحتى أكثر الأحيان يصرف على الناس وينطي للأيتام والفقراء ومؤمن يحب الدين كلش والناس تحبه وتحسد مرته و ولده...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
(يافرحة عمري وتعب سنيني)❌...
١٥📚{الجزء الخامس عشر} تخربطت شمس فجأه وتخبلو بيت احمد ودوها للدكتور جان تطلع شمس حامل طارو من الفرح بيت احمد ومرت الايام وشمس فديوم بنص الليل كعدت تبجي وتعيط تخبل احمد وطلع يصيح لأمه(احمد)لج يمه الحكي شمس مادري شبيها بس تعيط وتكول بطني تموتني (ام احمد)يمه لا تخاف هي اليوم الصبح هم هيج صار عدها هاي يمكن عدها ولاده امشي بسرعه روح على جيرانه عنده سياره خل نوديها للمستشفى، راحو للمستشفى وهناك كالت الدكتوره بنتكم عدها ولاده (ام احمد)يمه احمد خابر على اهلها لازم يجون مايصير بتهم دتولد وهمه ماموجودين، احمد اتصل على اهلها(احمد)الوو ها حسن اشلونك (حسن)هلا بيك احمد الحمدلله ياستار ليش دتصل بهل ليل خو مابيكم شي(احمد)لاحسن ماكو شي بس احنه بالمستشفى شمس عدها ولاده واتصلت بيك حتى تجون (حسن)صدك ياالله هسه اروح اكعد امي وابويه ونجيكم بس انطيني اسم المستشفى حتى نجي، راح حسن وكعد امه وابوه(حسن)يمه اكعدي(ام شمس)ها يمه اشبيك بهل ليل كعدتني(حسن)لايمه مابيه شي بس احمد خابر يكول شمس عدها ولاده وهمه هسه بالمستشفى يكول تعالو يله كعدي لابويه بين ماابدل حتى نروحلهم(ام شمس)اي يمه عيني هسه اكعد ابوك ونتحظر(ام شمس)ابو شمس اكعد شمس عدها ولاده وبالمستشفى هسه(ابو شمس) شنو ولاده هسه منو كلج (ام شمس)هسه احمد متصل على حسن وكاله، ابو شمس من سمع هيج رأساً تغيرت احواله لاول مره اجاه احساس غريب انه هو راح يصير جد ضل صافن ويفكر ويه نفسه راحو للمستشفى وهو طول الطريق وجهه اصفر ويفكر وصلو للمستشفى شاف احمد واهله خايفين وام احمد تبجي وابو احمد يفتر رايح جاي ويندعي الله يسهل امرها وخايف عليها كلش وهناك جان يسمع صوتها دتعيط من الألم اول مره بحياته يتأثر وينقهر عليها كعد على الكرسي وضل يبجي ومتندم على كل لحظه أذاهم بيها هي وحسن وأمهم ويدعي من الله كون تكوم بالسلامه وشاف ام شمس تبجي وماكعدت ولا لحظه من الخوف على بتها كام راح يمها ويهدء بيها (ابو شمس)كافي لاتضلين تبجين ادعيلها الله يسهل عليها اني اول مره احس بيها وصوت البجي والعياط مالتها كطع كلبي (ام شمس)اني ابجي عليها لانه مظلومه ماشافت يوم واحد بي راحه كله ظلم وعذاب اني اتخبل ولا يصير بيهم شي هي وحسن (ابو شمس)اني متندم على كل شي صار ماعرف شنو الي جان يخليني أذيهم هيج واكتل بيهم اني هسه كل شي ماريد بس اريدها تكوم بالسلامه وهاي هيه، وره شويه ولدت شمس وجابت بنوته تجنن حلوه وعيونها كبار خدوها حمره تخبلو اهل شمس واهل احمد بيها وقررو يسموها {بسمه}بكثر ماجانو فرحانين وكلهم يضحكون من شافوها وهي وجها يجنن من الجمال شالها ابوشمس وفرح بيها كلش وباسها لشمس من راسها واعتذر منها شمس اتعجبت من ابوها شلون يبجي وفرحان وشكد اتأذت من الولاده بس بداخلها جانت فرحانه لأول مره تحس بأبوها خايف عليها وفرحان بيها،، وراها مرت الايام وشمس كملت السادس علمي ورغم انه عدها طفل والبيت بس طلعت معدل زين وانقبلت بكلية الصيدلة وعاشو هي واحمد احلا عيشه، وبالصدفه حسن اخو شمس جانت وياه بنفس الكليه سمر اخت احمد جانو اثنينهم طالعه الهم كلية الاداب حسن حبها لسمر وكال لامه عليها امه كيفت لانه سمر حبابه وخوش بنيه ومؤدبه كلش ف خطبها لسمر اهل احمد وافقو على حسن لانه ولد عاقل وحباب وشخصيته حلوه وهمه جان بعدلهم سنه وحده ويكملون ف أتفقو من بعد السنه يتزوجون، ابو شمس صار طبعه حلو وصار زين وياهم بحيث كام كل كم يوم يخابر على احمد حتى يجيب شمس وبسمه يشوفهم، وعوضها لام شمس عن كل سنين التعب والقهر الي شافتها وياه وراحو هو وياها عمره وراها بفتره قدمو على الحج وطلع اسمها قبله ف راحت للحج وترك البخل كام يصرف عليهم واتخبل على بسمه بين فتره وفتره يروح لبيت احمد حتى يشوفها وياخذلها وياه هدايا مره ياخذلها ملابس ومره العاب وعاشو احلا عيشه..
شنو رأيكم بالقصه طبعاً هل قصه حقيقيه بس اني ضفتلها كم شغله حتى تبين احلى وتستمتعون بيها أكثر📚🌹 مجرد اعجابكم او تعليقكم بكلمه وحده راح تفرحني واحس اكو ناس مهتمه وتقرأ القصه القصه من واقعنه..
