📚
أحداث القصه هي عن بنيه اسمها شمس عدها اخ اسمه حسن وأبوهم جان بي حاله نفسيه وعدواني بس كدام الناس انسان عادي وكريم وصاحب نخوه ويساعد الناس وحتى أكثر الأحيان يصرف على الناس وينطي للأيتام والفقراء ومؤمن يحب الدين كلش والناس تحبه وتحسد مرته و ولده...
سئلو الاستعلامات على غرفة ابوهم وبس دخلو للغرفه وشافهم ابوهم كام يبجي وعينه عليهم شمس وحسن استغربو من شافو بهل حال ويبجي أبوهم بداخله جان حاسس بالذنب بس كوه يحجي لانه بسبب الجلطه حكله انعوج وماينفهم كلامه بس كل الي فهمو انه هو غلطان بحقهم ومتندم على كل شي صار الهم بسببه،، وره فتره شويه تحسنت حالته وطلع من المستشفى بس جان تعبان وبهاي الأيام جان حسن المسؤوليه فوك راسه يعني هم لازم الشغل وهم ضغط الدراسه جان اخر سنه وامتحانات سادس ادبي شمس نجحت من الرابع علمي وبالعطله فديوم جانت رايحه هي وامها لعرس صديقتها ساره جيرانهم شمس بدلت وسشورت شعرها هي شعرها طويل لونه بني وشكلها حلو حنطاويه وجهه بريء ورشيقه جانو كل الناس يحسدوها على شكلها راحت هي وامها للعرس وهناك من ضمن المعازيم جانت اكو مره كرايب بيت صديقتها ساره يصيحولها (ام احمد)من اول مادخلت شمس وام احمد عينها عليها وسئلت ام ساره على شمس وعرفت بيتهم وين بس شمس ماجانت منتبهه على ام احمد لانه معازيم هوايه وهي جانت ملتهيه تسولف ويه ساره وفرحانه بيها،،
وبيوم من الايام ندكت الباب على بيت شمس (ام شمس)يمه شمس افتحي الباب داغسل الهدوم شوفي منو بسرعه(شمس)اي يمه هسه راح افتحها فتحت شمس الباب جان تلكه مره بالباب(شمس)نعم خاله اتفضلي منو حظرتج (ام احمد)خاله اني كرايب صديقتج ساره امج موجوده (شمس)اهلاً وسهلاً خاله اي موجوده امي تفضلي شمس دخلتها لام احمد لغرفة الضيوف وراحت على امها(شمس)يمه تعالي هاي المره تكول اني ام احمد كرايب بيت ساره صديقتي كعدتها بغرفة الضيوف (ام شمس)يمه بين ماروح يم المره انتي سوي جاي وكليجه وتعاي قدمي كدام المره عيب هاي اول مره تجينه راحت ام شمس استقبلت المره(ام شمس)اهلاً وسهلاً بيج عيني (ام احمد)وبيج اكثر عيني تسلمين (ام شمس)زارتنه البركه تفضلي عيني اكعدي (ام احمد)فدوه لعينج خيه اشكرج،، اجتي شمس وبأيدها صينية الجاي (شمس)تفضلي خاله (ام احمد)فدوه لهل وجه الحلو تسلمين يمه (شمس)تدللين خاله راحت شمس تخلص غسل الهدوم وره ساعه طلعت ام احمد (ام شمس)الله وياج خيه زارتنه البركه (ام احمد) اشكرج خيه بعد كلبي مو تنسين الموضوع واني كم يوم وامرلكم ان شاءالله (ام شمس)الله كريم عيني الي بي الخير الله يقدمه...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
