📚
أحداث القصه هي عن بنيه اسمها شمس عدها اخ اسمه حسن وأبوهم جان بي حاله نفسيه وعدواني بس كدام الناس انسان عادي وكريم وصاحب نخوه ويساعد الناس وحتى أكثر الأحيان يصرف على الناس وينطي للأيتام والفقراء ومؤمن يحب الدين كلش والناس تحبه وتحسد مرته و ولده...
ابوشمس راح سحل شمس وحسن ودخلهم للغرفه وقفل الباب وموتهم كتل بالحزام (ابوشمس)اله احرك كلبج عليهم لكم انتو حيوانات اله بالضرب يله تمشون اليوم اصلخ جلدكم طايحين الحظ(حسن)اااخ يابه والله حرام احنه شمسوين ليش تضربنه والله جسمي يأذيني لاتضربنه هيج يابه الله عليك كافي والله راح نموت (ام شمس)ولك عوفهم حرام عليك الله لايوفقك ساعة السوده والله العظيم اذا ماعفتهم هسه اروح على الشرطه واخليهم يجون يسحلوك لك افتح الباب الله لا ينطيك حسبي الله عليك (شمس)يابه والله جسمي ورم من الكتل يوميه تكتلنه كافي انته ظالم حتى ماتخلينه نحترمك من وره هل تصرفات كاتمين بكلبنه وساكتين نكول حرام هذه أب مايصير نحجي بس كافي بعد انته دمرتنه اني اكرهك اموت منك من يوم الي جنه صغار وانته تكتلنه حتى شخصيتنه راحت من وراك كمنه نخاف من كل شي بسببك ادمرنه ياريتك تموت كرهت نفسي من وراك وكرهت كل أب بالدنيا(ابو شمس)بنت الكلب اني مو خوش ادمي مو اليوم اكطع الحزام على ظهرج.. ابو شمس عاف حسن وضل يكتل ب شمس لحد ماخربت من الكتل يله عافها وطلع من الغرفه (ابو شمس)هاي تربيتج مو خل يفيدوج هذوله ولدج لسانهم طويل ويجي يوم ادفنهم بأيدي (ام شمس) دخلت للغرفه،، سوده عليه يمه سوده بوجهي الله لايوفقه شسوه بيكم والله لو عندي اهل اخذكم واهج بس اووف ماعندي احد خوالكم كل واحد ملتهي بالعيشه وهم الدنيا وعائلته ولا عندي اب وام عايشين حتى ياخذون حقي منه اووف يمه لج يمه شمس كعدي ياربي دخيلك شلون بيه شمس حاجيني يمه فتحي عينج كوم حسن جيب مي خل اغسل وجهه بلكت تصحه (حسن)يمه اني مليت من هل عيشه اني كبرت وابويه دمر حياتي كله كضيتها كتل وقهر راح اتخبل اتمنى اموت واخلص(ام شمس)لايمه اسم الله عليك لاتأذي كلبي بهل حجي فدوه اروحلك.. كوم يمه عيني جيب المي بسرعه، ام شمس ضلت ترش المي على وجه شمس وبالكوه فتحت عينها وصحت وكعدت (شمس)ااخ يمه جسمي يموتني يمه اريد اموت واخلص يمه اشلون احنه نضل على هل حال حرام والله احنه مظلومين شوكت الله يخلصنه تعبت والله يمه(ام شمس)يمه فدوه لعينج انتي واخوج مظلومين ادعو بلكت الله يسمع دعائكم ويفرجها علينه ونخلص....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
