📚
أحداث القصه هي عن بنيه اسمها شمس عدها اخ اسمه حسن وأبوهم جان بي حاله نفسيه وعدواني بس كدام الناس انسان عادي وكريم وصاحب نخوه ويساعد الناس وحتى أكثر الأحيان يصرف على الناس وينطي للأيتام والفقراء ومؤمن يحب الدين كلش والناس تحبه وتحسد مرته و ولده...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
(يافرحة عمري وتعب سنيني)❌...
١٢📚{الجزء الثاني عشر}
لحد مااجه يوم الخطوبه وعقدلهم الشيخ وطلع ف بقو الاهل واجه احمد حتى يلبسها الذهب لشمس، شمس جانت خايفه منه ورافضته ضلت تبعد ايدها ماتقبل يلبسها الحلقه احمد عباله هي مستحيه منه وخجلانه مثل كل البنات يعني شي عادي خلصت الخطوبه وراحو اهل احمد وضلت شمس ليل نهار تبجي وتفكر شلون تتخلص من احمد،، وره كم يوم اتصلت ام احمد على ام شمس (ام احمد) شلونج عيني ام شمس شاخباركم عروستنه اشلونها (ام شمس)الحمدلله عيني ام احمد زينين وشمس بخير انتو شاخباركم(ام احمد)الحمدلله على الله زينين عيني احمد يريد يجي يكعد ويه شمس يتعرف عليها يسولفون شويه (ام شمس)والله عيني اني ماكدر اتصرف بأي شي لازم اخذ موافقة ابو شمس وارجعلج خبر (ام احمد)ماشي عيني انتضر اتصالج مع السلامه(ام شمس)الله وياج عيني يصير خير ان شاءالله، راحت ام شمس حجت لابو شمس وافق ابوها يجي احمد يشوفها ويحجي وياها راحت ام شمس حجت وياها(ام شمس)يمه اتصلت ام احمد وتكول احمد يريد يجي يشوفج ويحجي وياج شويه وكلتله لابوج وهو وافق(شمس)لا لا يمه اني ماريد اكعد وياه ولايحجي ويايه يمه اني كتلج ماريده وانتو جبرتوني عليه (ام شمس)يمه كافي هل حجي بعد صار خطيبج اكعدي وياه وسولفي بلكت تغيرين رأيج عليه (شمس) ماريد ولو اموت مااكعد وياه، راحت ام شمس وكالت لابوها(ام شمس) شمس مداتقبل تشوف الولد معانده (ابو شمس)شنو بكيفها تعاند لج هاي بنتج تريد تفضحنه كدام الناس وينها خل اروح اكسر راسها(ام شمس)لاعفيه عوفها البنيه بعدها مامستقره مدتستوعب انه هذه خطيبها بعدها تخجل خل ننطيها فرصه(ابو شمس)ولج يافرصه شو وخري عن وجهي، راح ابوشمس ولزمها لشمس من شعرها(ابو شمس)لج انتي تريدين تفضحيني كدام العالم وتخجليني انتي مو مال احترام اليوم اخليج تمشين عدل ومثل الاوادم ولزمها موتها كتل وشمس تعيط وامها تتوسل بي حتى يعوفها وكوه امها جرتها من ايده (ابو شمس)اسمعي انتي تروحين هسه تخابرين بيت احمد وتكولين لامه خل يجي اليوم ويشوفها وغصباً ماعليها بنتج تكعد وتحجي وياه واذا سمعت بيها حاجيه كلام زايد اطيح حظها موتها يصير على ايدي افتهمتي(ام شمس)هو انته شبقيت بيها مو وجهه صار ازرك من الضرب شلون راح يجي الولد هيج يشوفها (ابو شمس)اسكتي وبلا حجي زايد هي هاي اذا ماتنكتل ماتمشي عدل ام راس اليابس، راحت ام شمس خابرت على ام احمد وكالتلها خل يتفضل اليوم ابوها وافق يجي واجه احمد العصر لبيت شمس ندكت الباب فتحتها ام شمس(ام شمس)هلايمه تفضل (احمد)هلابيج خاله تسلمين اشلونكم عمي اشلونه وحسن(ام شمس)الحمدلله يمه زينين بخير، كامت ام شمس كالت لاحمد من رخصتك يمه هسه اجي وراحت على شمس(ام شمس)يمه عيني فدوه لعينج كومي بدلي وانزلي لخاطري الولد منتضرج جوه عيب تتأخرين عليه واذا سئلج شبي وجهج كليله وكعت وهيج صار ماشي يمه (شمس)يمه والله حتى استحي اطلع بهل منظر كدامه وما الي نفس اكعد وياه (ام شمس)يمه لخاطري كومي عاد هسه مو وكت هل حجي الولد عيب كاعد وحده اني ماراح اخليج وحدج شويه وارجع اكعد يمج لازم يكعد الولد وياج ويتعرف عليج وتحجين وياه يله يمه كومي فدوه غسلي وجهج وبدلي وانزلي، نزلت شمس ودخلت للغرفه سلمت وكعدت كبال احمد ام شمس راحت حتى تجيب شربت تقدم لاحمد وهم تنطي فرصه يحجي وياها ويسئلها بقه احمد كاعد يباوع عليه وهي ولا نطقت بحرف واحد تالي احمد كام راح كعد يمها هي اتخبلت وضلت تحجي بكلبها، (شمس)عزه هذه شنو اجه كعد يمي هو اني ماطايقته اهووو ياربي خلصني من هل موقف وامي شعدها اتاخرت هو شربت قابل شدتجيب وتأخرت هلكد (احمد)شلونج شمس شاخبارج (شمس)الحمدلله(احمد)اني اليوم اجيت حتى اتعرف عليج واحجي وياج شويه وجبتلج هذه الموبايل هديه حتى هم اكدر اتصل بيج(شمس)شكراً(احمد)هو انتي ليش منزله راسج بيج شي(شمس)لا كل شي مابيه، وبهل أثناء دخلت ام شمس وجايبه الشربت ف من دخلت شمس رفعت راسها باوعت على امها جان احمد ينتبه على خدها ازرك رأساً اخترع وضل يحجي بكلبه(احمد)عزه هاي اشبي خدها شو ازرك شنو شبيها عبالك مسحوله سحل شنو القصه، ام شمس قدمت الشربت وتوها دتكعد جان تندك الباب راحت فتحتها طلعت كرايبهم جايه تشوفهم والتهت ام شمس وياها ف بقو احمد وشمس وحدهم بالغرفه (احمد)شمس هاي شبي خدج ازرك شمس انحرجت وكامت ترجف وعيونها دمعت تخاف تحجي ومخنوكه(شمس)لا مابي شي بس وكعت اليوم وهيج صار(احمد)لا هاي مو وكعه احد ضاربج احجي لاتخافين (شمس)لا لا محد منو قابل يضربني(احمد)اني خطيبج ومايصير تضمين عليه شي لازم تحجين كل شي انتي شنو خايفه مني لو من احد ثاني وماتحجين (شمس)داكلك مابيه شي وماخايفه(احمد)اسمعي شمس اني حبيتج من اول مره الي شفتج بيها وهسه اجيت حتى اتعرف عليج واحجي وياج انتي صرتي بحمايتي واني الي مسؤول عنج والي يمسج يمسني فلا تخافين من شي احجي واني ماراح احجي لأي احد يبقه الكلام بيني وبيج، شمس كامت تبجي احمد من شافها هيج تخبل...
