📚
أحداث القصه هي عن بنيه اسمها شمس عدها اخ اسمه حسن وأبوهم جان بي حاله نفسيه وعدواني بس كدام الناس انسان عادي وكريم وصاحب نخوه ويساعد الناس وحتى أكثر الأحيان يصرف على الناس وينطي للأيتام والفقراء ومؤمن يحب الدين كلش والناس تحبه وتحسد مرته و ولده...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
(ام احمد) اشكرج خيه بعد كلبي مو تنسين الموضوع واني كم يوم وامرلكم ان شاءالله (ام شمس)الله كريم عيني الي بي الخير الله يقدمه،، رجعت ام احمد للبيت كعدو بالليل هي وابو احمد واحمد (ام احمد)يمه احمد بس هل مره خل نشوف هل بنيه وبلكي تعجبك والله خوش بنيه حلوه وملامحها بريئه وصغيره وثكيله واهلها مبينين خوش ناس اني وابوك سئلنه عليهم المنطقه قبل لا اروحلهم وطلعو حبابين (احمد)يمه اني كتلج ماريد اتزوج وصار كم وحده تروحين تحجين بيها واشوفها وماتعجبني ولاتدخل كلبي (ام احمد)لايمه هاي تختلف عنهم والله اني دخلت لكلبي من اول ماشفتها واذا من ناحية الجمال البنيه مو قاصره رشيقه وشعرها حلو ومن ناحية الاخلاق اهلها خوش ناس وحتى هي الكل يمدح بأدبها واخلاقها(ابو احمد)يابه احمد انته امورك جاهزه ومحامي وهم تشتغل ويايه بالسوبر ماركت وعمرك زين للزواج وتحمل المسؤوليه ف على شنو كاعد تعترض ومصعب الامور (احمد)يمه يابه اني الخاطركم هل مره راح اقبل بس بشرط اشوفها بالاول للبنيه وبعدين اقرر ومن بعدها اذا ماعجبتني تتركون الموضوع نهائياً(ابو احمد)زين واذا رحنه وشفتهم والبنيه عجبتك شلون ابدي احجي ويه الناس واكلهم احنه موافقين (احمد)يابه عود اذا عجبتني اغمزلك وانته افتح الموضوع(ابو احمد)الله كريم ان شاءالله خير،، نرجع هسه على بيت شمس ام شمس بالليل كعدت تحجي ويه شمس(ام شمس)يمه شمس تعالي داحجي وياج بموضوع (شمس)خير يمه شنو الموضوع(ام شمس) يمه عيني هاي صار كم عريس يجي وترفضي ومدافهم اشبيج انتي واكثرهم قسمه زينه والعريس زين وخوش ادمي وانتي رأساً ترفضين يمه الى متى تبقين هيج اني مو متعاجزه منج لا والله بس اريدلج الخير واريد تعيشين مرتاحه اخاف تبقين تدرسين وتكبرين وراها مايجيج واحد زين اريدلج نصيب الزين الي يرتاح بالج وحياتج تصير حلوه يمه هاي المره ام احمد جتي تخطبج لأبنها اني مانطيتها خبر كتلها نفكر والله كريم يمه ابنها تكول خوش ولد ومحامي وعمره ٢٤ وعنده سوبر ماركت هو وابوه وماعدهم احد بس هو واخته بكد حسن اخوج اسمها سمر وهو شاب حلو امه شوفتني صورته بالموبايل يمه اني مااجبرج على شي بس خلي نسئل عليه وعلى اهله الناس ونعرف عنهم كل شي وبلكت يطلعون صدك خوش ناس ومحترمين واذا طلعو زينين يمه لاتفوتين الفرصه من ايدج ويروح النصيب الزين عليج اني اريدلج الخير (شمس)يمه اني اتمنى اعيش غير حياة واتمنى ارتاح من هذا العذاب الي عايشته ويه ابويه بس يمه اني ارفض العريس لانه اخاف يطلع مثل ابويه ويظلمني اني ماريد استعجل وبعدين اندم على قراري يمه صح اني صغيره بس عقلي جبير واعرف شلون افكر وماريد يصير اي غلط بحياتي (ام شمس)يمه مو كل اصابعج سوه تره مو كل الناس مثل ابوج وطبعه اكو ناس زينين ويشيلون المره فوك راسهم يمه خلي احاول اقنع ابوج حتى يسئل عنهم ابوج تره من يوم الي تمرض شويه معاملته تحسنت ولو اني ادري بي فتره ويرجع لسوالفه فلا تعاندين وتخلي يرجع لعصبيته وانتي تدرين بي من يخليج براسه شيسوي بينه خل افكر شلون افتح الموضوع وياه والله كريم ،، راحت ام شمس كعدت تحجيله لابو شمس على الي صار اليوم(ام شمس) اكلك ابو شمس اكو موضوع اريد احجيلك عنه (ابو شمس)خير شنو الموضوع...
