#أنا_وخاطفي

البارت الاول

#أنا_وخاطفي
البارت الاول…
بقلمي #شمس

هل يمكن ان يأتي يوما وتحبي شخص .. في يوما كان خاطفكي .. وان تعشقي عينيه التي قست عليكي .. وان تشعري بصوته وانفاسه قبل رؤيته .. هذي انا وقصتي الغريبه ..

ملاحظه.. حفاظا ع الخصوصيه لن اتعمق بسرد التفاصيل التي تخص عمل والد البطله ..
اسمي شهلاء عمري 22 سنه طولي متوسط عيوني شهل وبيضه كنت حلوه ع ماما لان بابا حنطاوي وحتى اخواني طلعوا يشبهون بابا اني اخر مرحله علوم حاسبات .. بنت لشخص مهم بالدوله عندي اثنين اخوان اكبر مني .. يشتغلون وي بابا مااعرف شي عن عملهم لان مااشوفهم هواي وماعندي اختلاط بيهم .. بس ماما احبها اموت عليها انسانه رائعه بس هي دايما ع خلاف وي بابا ومترضى ع شغله ليش ماادري .. ماما محجبه ولان اني احب اقتدي بيها .. تحجبت هم واعتمد ع نفسي بكولشي ماما كانت مديره مدرسه وماتركت شغله بعد ما بابا استلم منصب مهم بالدوله وهو رئيس المكافحه .. ماتحب تعتمد ع احد وكانت دايما ماتنطيني هي فلوس وتگولي لتطلبين من احد بس مني .. حتى بالبيت بابا جاب خدامه بس هي خلتها للشغل بس الطبخ هي تهتم بي متحب تاكل من ايد احد ..
بس الصراحه ماعرفت ماما ليش ماخذه موقف هيج من بابا .. بابا يحبني واحبه بس مو دايما اشوفه لهذا علاقتنا مو مثل علاقة اي اب ببنته .. علاقه سطحيه حتى اخوتي  ايمن زين علاقتي احسن من ايسر .. ايمن متزوج ريام بنت عمي .. بس ايسر لا ممتزوج لان هو عنده هوايه علاقات ومونس روحه فيگول ماكو داعي اتزوج كل الي اريدها تجيني .. وكنا دايما نترفز اني وماما من كلامه .. وحتى ماما تگوله لتلعب ع بنات الناس عندك اخت تقبل احد يسوي بيها هيج ..
ايسر .. هههههه الا ارجعه البطن امه الي يفكر يمس شعره من شهلاء ..
اني ميعجبني كلامه اعوفه وادخل الغرفتي .. ايسر حنطاوي وعنده لحيه خفيفه وجسمه رياضي وضخم ..
بابا متباهي بيهم ويگول واحد ايدي اليمنى وواحد ايدي اليسرى وناطيهم جميع الصلاحيات ..
ايمن تزوج بنت عمي مو عن حب بس بابا خطبهه اله لان بنت اخوه .. وعمو متوفي لان مره صار كمين ورادوا يغتالوه البابا وعمو فداه بروحه وصار گبال بابا وتصوب بمكانه ومات .. وماعنده بس هاي البنيه وولد مسافر فزوجها الايمن .. وايمن گام يحبها او ريام الي خلته يحبها لان هي منفذه طلباته كولها وابد متسأله وين رايح ومنين جاي والي يطلبه منها تگوله حاظر .. بمده شهر
تزوجوا بسرعه وطلعوا كم يوم البنان تونسوا ورجعوا لان كان عمو جديد متوفي مسوو حفله .. صارلهم ثلاث اشهر متزوجين وعلاقتهم حلوه ..
اني احبها الريام من قبل متتزوج وهسا بعد اكثر لان صارت ويانه نفس البيت هي اكبر مني بسنتين .. بس متفاهمين لان ماعندي اخت والله عوضني .. كنت كولشي اسولفلها ..
هسا نرجع للجامعه .. اكو ولد اسمه رافد كان معجب بيه وصارحني كم مره اني هم معجبه بي ..بس مو حب مجرد اعجاب بس صديقتي رفل هذي مقربه الي گلتلي مخاسره شي اذا تعرفتي عليه وخاصه انتي معجبه بي فصرنا عادي نتقابل ومرات ويانه رفل لان استحي وحدي وبقينا نمشي سويه ونگعد سويه بس منطلع للان عندي سايق خاص يوصلني ويجيبني وحرس .. فما أگدر ..
بيوم من الايام عزمني رافد نتغدا بره .. واني مو من هذا النوع الي يطلع مطاعم وكذا حتى وي صديقاتي مااطلع .. بس هو الح عليه ورفل گالت اطلعوا قبل موعد انتهاء الدوام وقبل ليجي السايق والحرس ارجعوا ..
صدوگ طلعنا الساعه 11 ونص من الجامعه .. عساس نتغدا بسرعه ونرجع ..
طلعنا اخذني رافد بسيارته وتغدينا وتونسنا عشت ساعتين معايشتهن بحياتي لان كلما نطلع وي اهلي حرس وهوسه مناخذ راحتنا ومنتونس .. واني اتضايق من هيج اجواء ..
فأثناء رجعتنا للجامعه .. لاحگتنا سيارتين وحده گدامنا ووحده ورانا .. اني خفت .. ورافد يريد يطلع عنهم مگدر حاوطوه ووگفوه .. ونزلوا ولد ملثمين يمكن عددهن سته او اكثر ماانتبهت .. اني بس اعيط نزلني واحد عيونه حلوه زرگ بس بيهن نضره حاده .. وضربوا رافد وگلوله اصعد سيارتك وامشي احسن مانقتلك .. هو الخسيس هم ماصدگ صعد سيارته واني اعيط واگوله رافد لتعوفني رافد واصرخ وصوتي راح وهو عافني وحرك سيارته حتى ماباوع وراه .. اني ضربت هذا ابو عيون 👀 الزرگ بالمنطقه الحساسه واركض ورى سياره رافد ووراهه سمعت صوت اطلاق ناري ورجليه انشلت .. انضربت برجليه .. من شفت رجلي تنزف اغمى عليه .. وماحسيت ع روحي ..
الالم موتني صحيت ع نفسي بسياره واون من الالم افتح عيوني واسدهن .. ابو عيون 👀 الزرگ منيمني بالورى ومخلي رجليه ع رجله رافعهن ونازع قميصه لاف رجليه عبالي دا يسويلي شي همزين لابسه بنطرون بيومهه وقميص طويل .. بس الولد رافع رجليه وضاغط عليها حتى يتوقف النزيف ويعيط ع واحد گاعد بالصدر ذاك نازع اللثام ولد اسمر واسمه يمكن ياسر لان سمعته يگوله ياسر شلون تتهور وتضربها اني مو گلتلكم لاتأذوهه .. وذاك يگوله دكتور مشفتها رادت تشرد وتضيع تعبنا الاشهر .. اني ممنتبهه الاي شي من كلامهم لان الالم موتني .. واون واگولهم عفيه رجعوني الماما حموت .. بس هذا الي يصيحوله دكتور ابو عيون الزرگ يگولي لتخافين ترجعين بس ناخذ الي نريده . اني گمت اعيط واگوله حقير ماعندك اخوات .. عبالي يريد يغتصبني واعيط تالي رجع اغمى عليه ..
#شمس
يتبع… غير محلل نشر القصه دون اسمي😘