#أنا_وخاطفي

البارت الثاني

البارت الثاني
#أنا_وخاطفي…
بقلمي #شمس

گعدت لگيت نفسي بغرفه واديه مربوطه بالسرير بس رجليه ملفوفه اتذكرت الي صار گمزت بس حسيت برجليه وجعتني .. خفت بقيت اتباوع النفسي همزين لابسه ملابسي بس البنطرون مگصوص للركبه ويمكن مطلعين الرصاصه من رجلي .. ادور ع حجابي ماكو تالي انفتحت الباب غطيت راسي بالمخده ..

اجه هذا الولد الاسمر يمكن اسمه ياسر .. هههه حمدا لله ع سلامتج
شهلاء .. انتو منو وشنو تريدون مني طلعوني لا اعيط والم الناس عليكم ..
ياسر .. ههههه عادي عادي عيطي اذا سمعج احد احنا بمكان بعيد كولش يعني لو تعيطين للصبح محد يسمعج .. وثاني شي احمدي ربج لو ما الدكتور نقذج جان هسا انتي ميته .. لازم تتشكريه ..
شهلاء .. هههه ع شنو اتشكره اشو كولكم مجرمين وثاني شي انت الي صوبتني مو يانذل وهسا جاي تضحك عليه ..
اشو هذا اجه اتجه عليه وسحلني من شعري واني اعيط ..
.. لج تسكتين لا اموتج احنا مجرمين لو ابوج واخوتج .. الكتلوا العالم .
شهلاء اني صفنت .. لك اهلي شعليهم شنو سوولك وتحجي عليهم اصلا بابا واخوتي هسا گالبين الدنيا عليه واكيد حيلگوني ومايرحموكم ياانذال ..
اشو هذا شبعني كتل گمت اعيط ..
وبسرعه اجه هذا ابو عيون 👀 الزرگ الي يصيحوله دكتور .. سحبه من ايده وعيط عليه ..
شفته هم بعده ملثم .. وبس عيونه الزرگ طالعات ..

الدكتور . اني مو گلت محد يتقرب عليها ..
ياسر بعصبيه .. لك المفروض انت اكثر واحد تدمرها . نسيت ابوك نسيت شنو ابوها واخوانها سوو ..
اني بس صافنه ومستغربه وادور ع شي يستر شعري ..
ياربي شنو الي سووه اهلي حتى هيج يسون بيه بسببهم واني شنو ذنبي .
الدكتور .. لا ماناسي واني جاي اطبخهم ع نار هاديه لتخاف ياسر حقنا ميروح بس مااريد تهور وي مصوبه هسا .. خلي تطيب وبعدين نتصرف .. اطلع انت يم الولد واني انطيهه العلاج واجي وراكم ..

طلع ياسر وهو اجه اتقرب مني جاب كرسي وگعد يمي اني ابتعدت ..
الدكتور .. لتخافين اريد اشوف حرارتج خاف مرتفعه حتى انطيج علاج وهاي جبتلج لفه وعصير اكليهن قبل العلاج .. لان من الضهر لسا مماكله شي .

اني اتباوعتله بعصبيه .. بالاول انطيني حجابي وينه شنو انتو ماعندكم غيره تنزعوني حجابي .. گام جابه واجه شمره عليه ..
الدكتور .. هاج اخذيه باعي اني مميت ع شعرج وبطلي السانج هذا .. نزعتجياه لان خدرتج من طلعت الرصاصه وخفت تختنگين ..
اتباوعت للشباك و سألته .. بيش الساعه
الدكتور .. ساعه سته .. جاوبني وهو منصي راسه دا يسوي بالابره .. واني اتباوعلها وخايفه .. بعدين گلت خليني اتوسل بلكي يعوفني ..
دكتور حباب اكيد ماما هسا ميته عليه .. عفيه عوفوني واني اصلا مااعرفك لاشكلك ولا اسمك يعني مااخبر عليكم ..
الدكتور .. ههه ضحكتني من گالت دكتور حباب .. حلوه بحلگهه ..
وگلتلها .. انسي شفتي حتى انتي گلتي ماما حتموت قلق ماگلتي ابويه او اخواني لان ذولي ماعندهم گلب ومارحمونه شلون انرحمج ..
شهلاء .. انتو منو وشنو تردون مني وگمت ابجي متحملت ..
الدكتور .. خليت المحرار بحلگهه وگلتها مو وكتها هسا بعدين تعرفين احنه منو بس صيري زينه هسا خليني اشوف حرارتج حتى اضربج ابره. .
شهلاء .. ذبيت المحرار من حلگي .. وگلتله وين تضربني ابره 😡
الدكتور .. هههه لازم متشوفين الكانونه بأيدج .. وحركلي بعينه وگلي ليش وين عبالج ..
اتباوعتله بحقد وگتله .. الله ينتقم منكم ياانذال ..
الدكتور .. لتخافين الله ينتقم من الظالم مو منا ..
وجريت ايدها اضربها ابره بالكانونه اصابعها رفيعات واضافرها اطوال ومصبغتهن كوكتيل هههه وايديها ترجف
من لزمتها حسيتها خافت فتحت الكانونه ضربت الابره وسديتها .. وگمت .. يالله اوكلي لان لهتيني بسوالفج ونسيت انطيج الاكل هاج اكلي ..
شهلاء .. اتباوعتله بغضب وگتله اكل انت بالاول ..
الدكتور .. هههههه لتخافين ماكو بيهن شي .. لو اريد اسوي شي كان سويت من خدرتج الضهر . بس اني مو ماعندي غيره .
شهلاء .. لا مبينه غيرتكم من تخطفون بنيه وتحتجزوها ..
اشو هذا عصب واجه راد يضربني اني غمضت وضرب الحايط اليمي بوكس👊 واستغفر ربه ..
الدكتور .. ياربي صبرني لج لتشوفيني هادئ ومتحملج ترى الي بيه يخليني هسا انتقم من ابوج واخوتج بيج .. بس لان مريضه ساكت وانتي ولا عبالك متصوبه بس تسولفين اشو اليشوفج يگول هادئه بس نسيت ابن البط عوام منو ابوج ..
شهلاء .. شنو سوالك بابا حتى هيج تكرهه اشو هو ممأذي احد ..
الدكتور .. ههههه الضاهر انتي نايمه متدرين شيصير بالدنيا ..
وعفتها وطلعت ..
شهلاء .. بقيت مستغربه اوووف بابا شنو مسويلهم حتى هيج يكرهوك .. وماما هسا شلونه حالج بلاي ..
تالي باوعت للفه والعصير جوعانه خليني اكل يعني شيردون يخللوي سم هم احسن حتى اموت قبل ليسولي شي ..
اخذت اللفه باوعتلها .. امم گص اموت ع الگصه اكلتها وشربت العصير .. اشو الالم بدا يهيج عليه وبديت اتأذى ..
#شمس
يتبع