#أنا_وخاطفي

البارت السابع

البارت السابع ..
#انا_وخاطفي
بقلمي #شمس
طلعت ورحت للمقر بسرعه ادور بالسجلات ماكو معقوله هذا الاسم خافي عليه اكيد ايسر يعرفه او بسجلاته لان اسرار الوالد اغلبها عنده ابويه يثق بأيسر اكثر مني لان گلبه ميت .. بس شلون ادخل الغرفه ايسر .
#شمس
ياسر .. خلص الاتصال گلتلهه هذا منو منهم .. گالت اخويه ايمن وهي تبجي .. بهذي الاثناء اتصلت صديقتها رفل ع جهازي .. سألني محمد منو گلتله البلوه رفل لسا ماخلصت منها لازم. ازحلگها ..
شهلاء .. من سمعت اسم رفل تخبلت .. گوتله شنو يربطك برفل هي الي باعتني الك مو .
ياسر .. هههه هاي صديقتج ناقصه حنان ونضحك اني ومحمد .. لج اشهر واحنا حايرين شلون نخطفج والحرس محاوطج .. وفكرنا بصديقتج اتعرفت عليها وسويت نفسي معجب واخذت رقمها وبقينا نسولف وگلتلها انتي اقاربنا بس متخالفين ولاتسولفيلها عني وهي صدگت الخبله وكل يوم اتصل بيها واعرف اخبارج بكلمتين حب تتقشمر ههههه وذاك اليوم الخطفناج بي .. بالصدفه خابرتها وسألتها عليج گلتلي حتطلعين من الجامعه عندج موعد واحنا كنا كل يوم ننتصر قريب ع الجامعه وراقبناج الى ان طلعتوا ورحتي تغديتي وي هذا الجبان ههه والباقي تعرفيه .. يعني انتي كل خبل ترحين تصادقيه ههههه
#شمس
شهلاء .. كافي اسكتوا .. همج تتونسون ع عذاب العالم تستغل صديقتي حتى توصلني .. وهي الي حبتك ووثقت بيك .. بس الحمد لله طلعت رفل غبيه وخبله احسن مما تطلع خاينه وتغدر بيه ..

يوسف .. سمعت الكلام كوله وشلون ينرفزون بيها .. صحت الهم محمد ياسر تعالو .. طلعوا سحبت الباب وقفلته ..
انتو گولتلكم خابروا اهلها لو گعدتو تسولفون قصه رفل وتتمضحكون ..
گولولي شگاللكم ايمن ..
ماگال شي احنه خبرناه وباجر هم نتصل ونشوف ..
يوسف لا الباقي عليه اني اتصرف ..
#شمس
شهلاء .. مر يومين ..  ويوسف ماكو الاكل والادويه يدزها بيد ياسر ..
اشتاقيت لعيونه وصوته . اووووف معقوله شهلاء تشتاقين الشخص خطفج وضربج كل هذا الضرب . لج انتي ولد الجامعه كولهم مااهتميتي الهم .. هسا واحد مجرم مااعرف شنو مسوي تفكرين بي ..
#شمس
ايمن .. دورت السجلات كولها ماكو .. مابقت بس السجلات السريه .. وهاي بالخزنه عند ايسر شلون اطلعها ..
ابويه وايسر ملتهين برافد داگين بي ضرب .. وهو يصيح مااعرف وماادري مااتحملت الوضع وهمه دا يعذبوه اشد انواع العذاب يمكن تورط لان طلع وي شهلاء ..
گلت الايسر .. اريد اوراق ادققها بالخزنه مالتك ..
هو عفس وجهه ..
وگلي يعني انت متشوف احنه حايرين بأختك وانت حاير باوراق .. لك صدوگ من يگول ابويه عليك بارد . 
ايمن .. انت وابويه دا تدورون وتحققون .. خليني اهتم بالشغل احسن مانضيع الاول والتالي ..
ايسر .. هو گوه اجيبلك احساس .. هاك هاي المفاتيح بس تخلص اقفلها وجيب المفتاح افتهمت .
ايمن .. لاتخاف مااكلهه .. اخذت المفتاح وطرت للمكتب .  فتحته وايدي ترجف .. اخذت الاوراق وبقيت ادور ماكو وعيني ع الباب اخاف يجي بأي وقت طلعت الاوراق كلها ماكو تالي اتباوعت لگيت علبه صغيره فتحتها بيها رام .  اخذته وفتحته ع الابتوب مال ايسر بعد الخوف كتلني اكثر .. فتحته .. لگيت اسماء وصور كولهه تابعه المقر سري مسويه جوه الگاع بواحد من السجون .. تخبلت وين عايشين احنه معقوله وصلت الدنيا بينا الهيج نقتل ونحبس ناس جوه الگاع .. قرأت الاسماء .. انتبهت الاسم رزاق عبدالله يوسف .. والثاني رزاق عبدالله خلف معقوله مخلين اسمين متشابهين حتى يوهمون ..
صورت موبايلي كولشي .. ورجعت كولشي بمكانه وطلعت ..
شفت بلاوي .. ابوي مو مدير مكافحه طلع مدير منظمه ارهابيه ..
كرهتهم وكرهت نفسي لان اشتغل وياهم .. وايسر هم قابل ومساند ابويه وعمي هم . بعدين تذكرت هذا الاسم مار عليه سمعت صاحب السياره الي اغتال ابويه وانقتل عمي بيها اسمه رزاق معقوله هو ..
#شمس
يوسف لليل .. فكرت بشهلاء صار يومين .. مشفت جرحها وحتى ابر ماضاربها .. خفت الجرح يلتهب اخذت تعقيم وكانونه جديده لان اكيد ذيج خربت .. ودخلت لگيتها نايمه تقربت منها. .
فتحت الشاش مال رجليها فزت وتعيط گلتلها .. اشششش لتخافين اريد اشوف الجرح ..
شهلاء .. حسيت واحد لزم رجلي خفت .. فزيت وسحبت رجلي واعيط .  شفته يوسف اطمأنيت ..
هو فتح الشاش وشاف رجلي وعقمها وشكلي كانونه جديده من غير ميحجي ولاكلمه .. اووووف اشتاقيت الصوته .. هاي شبيه اني .. اتجرأت وگوتله يوسف ممكن اسألك سؤال ؟
هو بسرعه تباوعلي شنو عرفج بأسمي ..
شهلاء .. سمعتهم يگلولك يوسف .. وبعدين ليش انت خافي اسمك ووجهك يعني تخاف لا اعرفك وافضحك اشو هم كولهم شفتهم اگدر من خلالهم اوصلك..
هو اتباوعلي😡 ..
اني مخافي شي وبعدين ليش اخاف منج وشاله ايده وسحب اللثام الي مخليه ع وجهه ..
من شفته تخبلت شعره طويل ونزل ع وجهه ورفعه بأيده وعنده لحيه خفيفه وعيونه يخبلن بس عنده جرح كبير بخده ورگبته يمكن خافي وجهه من وراهم . #شمس
يتبع