#أنا_وخاطفي

البارت الحادي عشر

البارت الحادي عشر
#انا_وخاطفي
بقلمي #شمس ..
گمت من مكاني البيت فارغ بس اني وام يوسف .. ارتاحيت حيل دخلت للمطبخ لگيتها تسوي فطاير امممم الريحه ماكو مثلهه .. ساعدتها بالسلطه وسمعنا الباب انفتح. اجه يوسف ووياه مسواگ وفواكه ..
وكف يغسل الفواكه ويتباوعلي واني اسوي السلطه ويضحك .. گلي عبالي كولشي متعرفين تسوين ..
شهلاء .. ههههه عبالك بنت دلال .. ماما متحب اكل احد الا بيدها تطبخ وعلمتني ع كولشي .. لان كانت تگول الرجال يحب ياكل من ايد زوجته ..
اشو هذا اتقرب مني وهمس بأذني .. لعد هنياله الصاحب النصيب ..
اني انصدمت اشو هذا اتجرأ من اجت امه ..
ام يوسف .. يوووووسف روح للاستقبال احنا نكمل لتبقى بالمطبخ ..
يوسف . صار يوم واخذ خياره ياكل بيهه ويبتسم ..
شهلاء .. خاله ليش يوسف حيبقى هنا ..#شمس
اي خاله بس بالليل لان تعرفين هاي منطقه نائيه وخاف كولشي يصير ..
شهلاء .. امممم اي صحيح ..
جهزت العشا ع الطاوله بالصاله .. وكلما امر عيونه تراقبني .. واني بالگوه امشي صحيح رجليه طابت بس بعد مو كولش امشي عليها اخاف ..
گعدنا اكلنا والام وابنها شلون حلوين يسولفون وقهروني اكثر من يتذكرون ايامهم وابو يوسف .. احس بالذنب
#شمس
مرن ثلاث ايام عيشوني بيهن بأجواء عائليه تخبل وماحسيت نفسي مخطوفه ولابالوحده مثل قبل من يوم الي اجت ام يوسف لسا اني مرتاحه حبيتها كولش .. #شمس
واليوم لازم نتصل ع ايمن واتصلنا بعد مايوسف صور المكاتبه ودزاهه ..
الو ايمن شسويت .
ايمن .. طلعت هويه الي اشترى السياره مزوره وماكو اله سجلات وقدمت طلب بأنه احتالوا ع رزاق عبد الله وهو مو صاحب السياره وارهمها مدام ابويه وايسر مشغولين ..
انتصرني اذا مو اليوم باجر  .. اطلعه واتصل بيكم ونتفق شلون استلم شهلاء ..#شمس
يوسف .. اوك الباجر نتفق ..
ايمن .. لگيت بلاوي ع ابوي وايسر وكلهن حفضتهن بالرام .. خاف كولشي يصير ..
وفعلا ايسر شم خبر بأن اني اريد اطلع سجين ..
واجه تعارك وياي وهددته گوتله الشخص هذا بريئ وانتو محتجزيه واذا متطلعه .. اخبر ع السجون السريه والسجلات عندي مصوره ..
هو اتراجع وخاف ع نفسه وذب كولشي . ع ابوي شكد خسيس وگلي اني اطلعه بس يبقى كولشي بينا وماتخبر ابوي .. اتفقنا
اني صارلي شهر احاول اطلعه ماگدرت .. وايسر بتلفون منه طلعوه لان ابوي منطيه الصلاحيات كولهه ..
#شمس
دزيت رساله اليوسف رجع اتصل عليه وگتله هسا رايح اطلعه واجيبه. وانت جيب شهلاء واتفقنا ع مكان ..
#شمس
يوسف .. من سمعت الخبر صحت يوووم واعيط فرحان .. واجت هي وشهلاء ونطيتهم الخبر وفرحوا وشهلاء گالت واخيرا حرجع الماما ..
اني بقيت صافن عليها .. شلون حگدر افارگج . شلون بعد اشوفج ..
شهلاء .. من گلي يوسف كولشي خلص .. فرحت بس بقيت اتباوع بعيونه شلون اگدر افارگهم واني الي حبيته من اول ماشفتهم . اي اني احبه هذا واضح لان المفروض وحده مثلي تكرهه وتفرح لان حترجع الاهلها بس اني لا ماكرهته ابد ..
#شمس
ثاني يوم بدلت ولبست حجابي واخذنا يوسف واجه ياسر والولد ويانا عبالهم كمين .. يوسف لسا ممصدگ بأيمن ..
وصلنا مكان مااعرف وين بس يمكن ع الطريق السريع يمكن كانوا مخليني ببيت خارج بغداد ..
اجه ايمن .. ووياه رجال ..كبير ولحيته طويله وحاله صعب
نزل الرجال وراح يوسف حضنه ويبجي معقوله بابا السبب هذا الرجال صاير هيج بي .. 
اني بقيت واكفه واتباوع المشهد يبجي الحجر ونسيت ايمن تالي صاحلي اتباوعتله .. گوتله انتضر يوسف انتبه اجه اتجاهي گلي اني مااعرف اعتذر ولا اشكرج لان ساعدتينا .. وراح سلم ع ايمن .. واني حضنت خاله ام يوسف ويوستها يمكن بعد مااشوفهه والولد هم اجو اعتذروا مني .. ودعتهم وعبالك ودعت اهلي مو الي خاطفيني .. ورحت الايمن حضنته وابجي وگوتله اخذني الماما بسرعه ..
صعدت ومشا ايمن بالسياره وعيني ع يوسف وهو يتباوعلي الى ان بعدنا حسيت خلص بعد كولشي انتهى وبعد ماكو شي يجمعنا ..
يوسف .. من راحت احس اخذت قطعه من گلبي وراحت .. امي حست عليه طبطبت ع ضهري وگالت ياليتكم التقيتوا بغير هاي الضروف اخذنا الوالد ومشينا ..#شمس
شهلاء .. وصلنا للبيت لگيت ماما منتضرتني ايمن مخبرها .. حضنتها وگعدنا بالگاع وابجي وهي تبجي واجت ريام وحضنتنا وتبجي هم .. وايمن هم ويانا ..
بهذي الاثناء اجو بابا وايسر ..
استغربوا من شافوني .. اثنينهم بصوت واحد شهلاء ..
شلون اجيتي ومنو الي خطفج گولي ..
اني مسحت دموعي وگمت ماادري منين اجتني القوه ..#شمس
وگولتلهم .. وليش تردون تعرفون حتى تاخذوه وتعذبوه لو تخفوه ..
ايسر بسرعه تباوع الايمن .. انت خبرتها ..
شهلاء .. انتو شنو حتى بالكذب ماحضنتوني .. اهم شي عندكم تنتقمون .. عرفت كولشي عنكم وعن شغلكم خليتوني اكرهكم ..
بابا رفع ايده يضربني ماما عاطت بي .. حازم اياك تلمسها اني كنت منتضره بنتي ترجع واحجي . من هذي اللحظه لاعندي زوج مثل ولا ولد مثل وتأشر ع ايسر ..#شمس
ايسر .. هههه شنو هاي يوم لازم ايمن بس هو ابنج شنو الي خلاج تغيرين نضرتج عن ايمن ..
ماما .. لك ايمن ليله مانامه ورجع اخته انت شنو سويت حاير بس تعذب بالعالم صرت نسخه عن ابوك…
ايسر .. يعني ايمن الي رجعها  .. هااااااا هسا عرفت ليش اصر يطلع الرجال ..
#شمس
يتبع