#أنا_وخاطفي

البارت الثاني عشر

البارت الثاني عشر
#انا_وخاطفي
بقلمي #شمس

حازم .. يارجال ..
ايسر .. واحد اسمه رزاق عبد الله يوسف ..
حازم .. مو هذا الي بسيارته اغتالونا وتوفى عمك .. شلون يقشمرك يااثول ..
ايسر..  ماادري هو هددني يفضحنا .. يعني ابنه هذا الي ضربني گدام الناس صار شگد ادور عليه .. لك ايمن غبي غير تگلي .. هذا السرسري هو الي خطف شهلاء ..
شهلاء .. من عرف ايسر بيوسف عصب واجه جرني لج هم سوالج شي گولي اكيد انتقم مني بيج ..
شهلاء .. وخر ايدك الي تحجي عليه . احسن منك شهر اني عندهم مالمسني او اتقربلي ونقذ حياتي وعالجني. وانتو شنو سويتو ضيعتو مستقبله وسجنتو ابوه .. لو واحد غيره كان سوه بيه كولشي حتى يتتقم. .

اشو هذا راد يضربني وايمن لزمه وماما ضربته ..
ايمن .. لك افتهم ياغبي انتو لزكتوا بالرجال وهو بايع سيارته وهاي المكاتبه شوفوها .. تحققت منها الرجال ناصبين عليه بهويه مزوره يعني ماله ذنب .. كافي ظلم ..
ايسر..  بسيطه اني اعرف شلون اطلعه منهم اكيد رجعوا البيتهم . 
ايمن .. اذا اذيتهم .. متلوم الا نفسك ..
حازم .. لك تهددنا ايمن اشو كنت صوتك ميطلع هسا السانك طايل لتنسى انت ويانا بكل شي ..
ايمن .. اني من باجر استقيل واخذ زوجتي وامي وشهلاء وامشي ..
حازم .. ههههه الله وياك روح والي يريد يبيعني ويروح خلي يروح بس مصيركم ترجعون تحت رجلي ..
ماما .. اصلا بس تخلص شهلاء جامعتها اني اخذها واطلع واعوفلك البلد كوله .. والاحسن ان تطلگني لان. مستحيل اكون ع ذمة شخص مثلك ..
شهلاء .. مااتحملت اهلي هيج فقدت گمت اعيط كاااافي كاااافي ارحموني لك اني بنتكم وكنت مخطوفه بمكان ماتحضنوني تواسوني تخافون عليه دا تتعاركون وتصفون حسابات .. ياليتني ميته ومااشوفكم هيج .. وعفتهم ودخلت الغرفتي ابجي ..اجت ريام حضنتني گالت لتبجين ياعيني تحملي هو هذا وضع السياسين والي يطيح بيها اولادهم وزوجاتهم ..
مابقالج شي للامتحانات قوي نفسج ومحاضرات هوايه فاتتج .. خلصي السنه ع خير وبعدين ايمن گال نسافر اربعتنا .. اني وياج وعمتي وهو ..
شهلاء .. الله كريم . اني محتاجه ابعد وارتاح من هذا الوضع ..
شويه دخل ايمن هو وماما  .. گلي شهلاء حبيبتي اتصلت ع يوسف وخبرته يطلعون من البلد بأسرع وقت لان مانعرف ايسر ممكن شيسوي ..
ماما .. يالا حبيبتي قوي نفسج وارتاحي اليوم وباجر حتى تكملين الامتحانات ونخلص منا اتحملي مبقى شي .
وفعلا .. رجعت للجامعه وشفت رافد .. هههه يشوفني منا يطفر للجهه الثانيه .. من خوفه
وتلگوني الطلاب كولهم ..
واجت رفل حضنتني وتبجي .. لج شهلاء من سمعت تخبلت شلون هيج صار
شهلاء..  اذا اگولج انتي السبب وانتي الي ساعدتيهم يخطفوني ..
رفل .. ماممكن. شلون تفكرين هيج بيه اني مستحيل ابيعج العصابه واخليهم يخطوفج ..
شهلاء .. رفل انتي ساعدتيهم بطريقه غير مباشره ..
رفل ..  شلون يعني
شهلاء .. تعرفين ياسر المعجب بيج ..
رفل .. اي هذا اقربائكم بس طفر مني يامعجب ..
شهلاء ... هههه غير طفر بعد ماخطفوني وثاني شي كذب عليج مو اقاربي  ..
رفل .. معقوله ياسر الي خطفج واگول هويسأل عليج هوايه واني الغبيه اسولف مااسكت.
اوووف شهلاء .. مااعرف شأكولج من غبائي تعرضتي للخطر ورافد هم خطيه مقاومهم وشابعي كتل ..
شهلاء ..ههههههههه لج صدوگ ضحكتيني من زمان مضاحكه هيج لج شنو مقاومهم اول مگلوله روح ركب سيارته وطفر .. حتى مااتباوع عليه ولافكر شنو حيصير بيه وهاي الضربات ايسر شابعه كتل 😂..
رفل .. شگد خسيس وگاعد هنا گدام الطلاب يبيع البطولات ..
شهلاء .. لج يوسف الي خطفني حافظ عليه اكثر من رافد ..
رفل .. احم احم .. يعني شلون ومنو ذولي
شهلاء .. اوووف ذكرتيني تدرين اشتاقيت اليوسف ونضراته وصوته وكولشي بي ..
رفل .. عيني عيني اول مره اشوف وحده تحجي هيج ع الي خطفها ..
شهلاء .. لج هو دكتور ومثقف بس اضطر يسوي هيج لان عنده حساب وي بابا .. بس مأذاني ابد ولا اتقربلي اووووف رفل هاي قصه طويله فد يوم اسولفهه الج انتي وريام سويه لان هم تلح عليه ..
رفل .. لاعيني بابا منبه عليه بعد مااروحلكم بعد الي سواه اخوج ايسر ..
شهلاء .. لاتخافين اني اروح واعتذر منه بنفسي ..
ديلا گومي ندخل محاظره هواي فاتني اريد اعوض كولشي ..
#شمس
يتبع