#أنا_وخاطفي

البارت الرابع عشر والاخييير

البارت الرابع عشر والاخييير ..
#انا_وخاطفي
بقلمي #شمس
وطلعت بسرعه حتى ماتريگت من الفرحه ..
رحت للجامعه وحجيت الرفل كولشي .. ودخلنا المحاظره من طلعت لگيت يوسف وياسر وياه معقوله اني بحلم لو بعلم .. #شمس
رفل من شافت ياسر ضاجت حيل وگالت اني حمشي للكافتريا .. بس اني لزمت ايدها گولتلها تعالي اعرفج ع يوسف ..
اتقربنا منهم يوسف يضحك تخبل ضحكته فديته وياسر هم سلم عليه وعينه ع رفل واستأذن من عدنا وگال الرفل اريد احجي وياج .. واعتذر منها
بقينا بس اني ويوسف صدوگ عشنا مشاعر ولحظات معايشتها قبل ..
گلي اني خطفتج وانتي خطفتي گلبي . #شمس
وسألته ع خاله گلي هي دايما تسولف بيج ..
خلصنا اليوم كوله سويه وفرحانه كولش ..الى ان انتهى الدوام ..
خلص الدوام وردنا نطلع يوسف اصر يطلع وياي .. يودعني خفت لااحد يشوفه ..
وفعلا صار الي خفت منه .. شافنه الي مايرحم ايسر .. من شافنا تخبل سحب مسدسه وحراسه حاوطوا ايسر وياسر واخذوهم واني اعيط .. ايسر ضربني وجرني من حجابي ودخلني للسياره .. واشر للحراس ياخذوهم .. اني بس اعيط وابجي ساعه اتوسل بايسر واگوله عفيه لاتأذوه وساعه اغلط عليه واگوله الله ينتقم منك ياظالم .. #شمس
ايسر .. انجبي لج حسابي وياج بعدين بالبيت .. مو هذا الي خطفج ونزل كرامتنا بين الناس. هسا تدافعيله لج الله جابني اليوم للجامعه حتى اشوفه صار شگد ادور عليه والله جابه ..
اني ابجي واتوسل وماكو ..
وصلنا للبيت ودخلني ضرب ماما سمعت الصوت واجت تركض هي وريام .. عيطت عليه ماما وگالتله انكسرت ايدك لك ليش هيج تضربها گومتني ريام من الگاع واني ابجي واگولها لج ريام اخذو يوسف ورحت الماما گولتلهه يوم عفيه گوليلهم خلي يتركوه والله بعد مااقابله ولا اشوفه بس خلي يتركوه ..
ماما .. منو يوسف ..
ايسر .. حبيبيها الي خطفها وهسا تبجي عليه .. احنه طول فتره خطفها ندور عليها وهي تتمعشگ وياه ..
ماما باوعتلي وخزرتني ..
اجت صدوگ هذا الحجي
ماما والله مصار شي بينا هناك لتصدگيه. بس اجه اليوم يودعني وهو انسان واعي ومثقف ودكتور بس همه صيعوا مستقبله وهسا حيضيعون شبابه .. #شمس
ماما .. ايسر اتركه بحاله كافي مو صرت نسخه من ابوك ايسر .. هههه صدوگ تحجي صار شگد ادور عليه وهسا لگيته وتردين اتركه مستحيل .
وشبي ابويه اذا معاجبكم ليش عايشين ببيته وخيره ..
ماما عصبت وضربته .. لك هذا ياخير كوله حرام بحرام من الرشاوي والتعذيب . 
عمري مااكلت من فلوس ابوك الحمد لله عندي راتب مكفيني .. وثاني شغله اني اليوم اخذ بنتي واطلع وخلي بيت ابوك اله والك .
دخلنا للبيت ماما گالت لمي غراضج حنروح ريام گام تبجي گالت عمه شلون تعوفوني .
شويه اجه بابا وايمن وايسر . بابا ماقبل نطلع وضربني گلي كوله بسببج .. وماما طلبت الطلاق منه گلتله بعد ماكو شي يجمعنا .
ايمن گللها يوم اذا طلعتي اني وريام هم نطلع ..
وفعلا .. بعد يومين اجر ايمن النا بيت وطلعنا اربعتنا . وبيتنا القديم صار عباره عن بيت دعاره الايسر . وحتى بابا صار نفسه كرهتم حيل وحقدت عليهم ..
رتبنا البيت ودا نرتب الغراض اني وريام .. وطلبت مني ارتب وياهه غرفتها .. طلعت جنطه ايمن دا ارتب بيها وشفت اوراق ووثائق بضرف كولها تدين بابا وايسر بذيج الساعه مشفت بعيني .. وصورتهم كولهم بالموبايل قبل لتجي ريام وتشوفني .  #شمس
ردت اي شي يطلع يوسف خفت عليه يقتلوه وبنفس الوقت يوقف الظلم ..
سويت صفحه وهميه بأسم ولد وصادقت شخصيات وصحفيين واعلاميين ونشرتهم كولهم بالفيس حتى محد يحس بيه ..
بنفس اليوم الكل شاركهم والتلفزيون انخبص بيهم ومنضمه حقوق الانسان خبصت الجو ..
القوا القبض ع بابا وايسر واحالوهم للتحقيق .. محد شك بيه ايسر شك بأيمن بس ايمن حلف اله ووگف وياهم وكلف الهم محامي . يعني سوه الي عليه .. لان ايمن هم اخذوه للتحقيق بس مثبتوا عليه شي وطلعوه ..
ماردت هيج يصير بس همه جبروني .. مايهون عليه ابويه واخويه بالسجن بس عذبوا هواي ناس وقتلوا هوايه ابرياء .  صحيح البعض ينتقدني لان سويت هيج بأهلي بس ماكو حل غير هذا . ينسجون افضل من الي ديسووه بالناس .  وماانكر هذا كوله سويته حتى انقذ يوسف .
بعد شهر اعادوا التحقيق وي السجناء واكو هوايه طلعوا براءة ومن ضمنهم يوسف .. واني امتحنت وخلصت امتحاناتي بس بالگوه حتى تقدير مطلعت بس المهم نجحت . #شمس
اتصل بيه .. واول شي گلي بي .. شهلاء اني احبج ومستعد اتزوجج هسا اذا تحبيني وتوافقين گولي حتى اجي اخطبج من امج وايمن لان حسافر واريدج تسافرين وياي ..
اني وافقت بدون ماافكر . واجه خطبني وماما بالبدايه مموافقه بس بعدين وافقت من حجى وياهه ايمن ..
واتزوجنا وسافرنا التركيا وي اهله وبعدين اهلي اجو اهلي ماما وريام وايمن بعد ماصار عندهم بنوته تشبهني فديتها .. #شمس
ويوسف كمل دراسه وصار جراح .. واجانه ولد يخبل عبالك اجنبي ع امه وابوه .. وعشنا حياتنا بسعاده لاظلم ولا عذاب .#شمس. وبابا وايسر انحكم عليهم .. ايمن ماگطع بيهم كل ماتصير فرصه يروح يزورهم لان اشتغل بالتجاره ودايما يروح البغداد .. اسفه ع الاطاله حبايب هذي قصتي انا وخاطفي وحبيبي صحيح غريبه بس واقعيه ..
النهايه… تحياتي 😘😘
الكاتبه #شمس