#أنا_وخاطفي

البارت الثامن

البارت الثامن ..
#انا_وخاطفي
بقلمي #شمس
شهلاء .. اعتقد كنت خافي وجهك عن الحسد ..
يوسف .. هههههه والله انتي فايخه هم مخطوفه وهم تحششين ..
شهلاء .. تدري من ضحكت صرت احلى ..
اشو هذا گلب وجهه بسرعه . وفتح الابره يجهزها ..
گلتله .. لتحاول تخفي شكلك وتصرفاتك توحي انت انسان واعي ومثقف مو مال خطف لازم اكو شي گولي شنو سووه بابا الابوك ..
هو ضرب الابره بالكانونه بغضب .. وگلي اذا اسولفلج اخليج تكرهين ابوج .. راد يگوم سحبته من ايده ..
بعدين سحبتها الايدي .. وبداخلي ياربي هاي شنو اني شبيه .. نصيت راسي .. وسويت نفسي اعدل بالكانونه ..
گعد گبالي گلي مستعده تسمعين ..
شهلاء .. رفعت راسي بلي
گلي .. شوفي راح اسولفلج ع جبروت ابوج .. ابويه انسان ع گد حاله ومتقاعد .. استلم تعويض نهايه الخدمه وراد يبدل سيارته .. فباعه واشتره غيرهه .. وكان فرحان بيهه .. ثاني يوم اني بالمستشفى عندي خفاره  رجعت لگيت امي تعيط .. گلتلي ابوك اجو مسلحين اخذوه وماتدري وين .. دورنا بكل المراكز ماكو .. تالي عدنا واحد عرف بالمكافحه .. گللنه انه شافه دخلوه للمكافحه وبعدين اختفى ومايعرف وين اخذوه گالي اذا ملحگتوا عليه يروح بالرجلين .. جربنا كل الطرق ماكو وجمعت ولد عمي وولد خالي وقررنا نهجم ع البيت بس ماشاء الله محاوطيه انتو بالحرس ومن عرفنا انتي الوحيده عنده گولنا اكيد يخاف عليج ويرجع ابويه اذا هددناه بيج بس صدگيني ياسر اتصرف وحده واطلق عليج ماكان عدنا نيه نقتلج او نأذيج ..
#شمس
بس هم السبب وماكفاهم الي سووه هجموا ع المستشفى .. يردون يعتقلوني واخوج ايسر ضربني بالشباك لان قاومته وشوه وجهي ورگبتي بس اني ماسكتت ضربته وشردت من الشباك بقى يرمي وراي بس الله ستر وشردت عبالك عصابه مو دوله ويمكن لسا يدور عليه واكيد راح يطلع قهره بأبويه .. ضيعوا مستقبلي ومهنتي واني هستوني تخرجت وصرت دكتور وفرحت اهلي ..
شهلاء .. هو يحجي واني ابجي معقوله هذا ابويه معقوله هيج عنده حياة الناس سهله ويسجن ويقتل بسهوله ..
#شمس
يوسف .. معقوله انتي متدرين بأفعال ابوج ..
شهلاء .. وربي مااعرف بابا ميسولف اي شي وماما دايما كانت تنتقده ومااعرف ليش بس هسا عرفت .. ياليت ميته ولا اعرف كل هذا ..
يوسف .. واخوانج ايمن وايسر هم نسخه ثانيه من الوالد ..
شهلاء .. لا ايسر اي قاسي صحيح وطايش وتصرفاته متعجبني بس ايمن لا يختلف صدگني .. واذا عرف بابا هيج سوى اكيد حيساعدك ..
يوسف .. لعد الصبح خابريه ونشوف شسوه ..
شهلاء اوك ..
يوسف . يالا نامي تصبحين ع خير
شهلاء .. وانت من اهل الخير يوسف
ابتسم وراح .. اوووف ياربي معقوله حبيت جلادي وخاطفي .. بس اهلي السبب هم الي خلوه هيج يصير بيوم وليله خربوا حياة عائله ..
نمت ودموعي بعيوني .. وكرهت بابا وايسر بس ايمن معقوله مثلهم ..
صار الصبح .. اجه يوسف گعدني وجابلي ريوگ وعلاجي ..
بس قبل مااكل گوتله نطيني موبايلي اتصل ع ايمن ..
يوسف . وليش موبايلج ..
شهلاء .. لتخاف يوسف اني اريد اساعدك ..
جاب موبايلي كان مغلق فتحه . اتصلت ع ايمن .. اتأخر يالا رد..
ايمن .. الو شهلاء حبيبتي هاي انتي ..
شهلاء .. اي ايمن منو يمك لتحسس احد
ايمن .. اوك بس اغلقيه واتصلي من غير رقم لان اخاف مراقبين رقمج ..
اوك غلقته واتصلت من موبايل نطانياه يوسف
رد ايمن .. الو حبيبتي خبريني انتي شلونج سمعت متصاوبه احد اذاج
شهلاء .  لتخاف اني زينه ..  بمبيه شي .معقوله ايمن انتو هيج تسوون بالعالم خطف وسجن وتعذيب اتوقع كولشي من ايسر بس منك لا ..
ايمن .. شهلاء وداعتج مااعرف كولشي البارحه من كلولي ع الاسم تحققت وعرفت بلاوي اني ماكنت متوقعتها ..
شهلاء .. واني هم مصدگت ..بس گولي شسويت بالاسم الي نطوكياه البارحه ..
ايمن .. شوفي شهلاء قبل كولشي .. لازم محد يعرف انتي خاطفيج لاجل هذا الشخص لان يقتلوه هو رافد ودمروه بالتعذيب ..
شهلاء .. رافد . وهو شعليه صحيح هو جبان وتركني وراح بس ماله ذنب حرام ..
ايمن .. هسا رافد بعدين نخلصه .. بس خلي نخلصج .. اگلج منو يمج .. هذا الاسم نفسه الشخص الي تم الاغتيال بسيارته وانقتل بي عمو تتذكرين هو صاحب السياره واخذوا ع ضوء هذا الشي واكو اتنين اسمهم رزاق اريد اعرف اسم رزاق الثلاثي شنو ..
يوسف فاتح مكبر صوت ويسمع وياي بسرعه سحبه گله رزاق عبدالله يوسف .. بس اذا امكن تجيب رقم السياره لان ابويه باع وحده واشتره وحده خاف صاير اشتباه واخذوا ابويه بالخالي بلاش ..
#شمس
يتبع…