توجهت الفتاتان الى قاعة الاختبار وفى طريقهما قامت يمنى بتذكير صديقتها بأذكار الاختبار فقالت لها عند دخولك للجنة الاختبار تذكرى هذا الدعاء ( رب أدخلنى مدخل صدق وأخرجنى مخرج صدق واجعل لى من لدنك سلطانا نصيرا )
وعند استلامك لورقة الأسئلة ( اللهم لا سهل إلا ما جعلته سهلا وأنت تجعل الحَزَن إذا ما شئت سهلا اللهم علمنى علم النبيين وحفظنى حفظ الملائكة المقربين ويسر الصعب على يارب العالمين )
وعند الانتهاء من الاجابة ( الحمد لله الذى بنعمته تتم الصالحات اللهم إنى أستودعك هذه الإجابات فردها الى بتقدير كذا )
ثم دخلتا كل الى لجنتها على وعد باللقاء عقب الامتحان عند نقطة معينة
....................................................
وبعد ساعتين:
يمنى: ها يا حبيبة عملتى ايه
حبيبة: الحمد لله كان سهل وافتكرت الأدعية اللى حفظتيهالى وريحتنى كتييير
وانتى عملتى ايه
يمنى: طب الحمد لله
انا حليت برضه الحمد لله
حبيبة: طب الحمد لله
يلا بقى خلينا نخلع علشان تعبت
يمنى: يلا بينا انا كلمت يوسف وهيجي ياخدنا يروحنا
حبيبة: لا يا ستى انا هروح لواحدى
يمنى: لا خلاص هو جه اهو يلا علشان مايزعلش
حبيبة: أمرى لله يلا
وفى السيارة: يوسف ها يا مينو عملتى إيه
يمنى: الحمد لله كان سهل جدا هو فى حاجة تقف على أختك برضه
يوسف بضحك: ربنا يستر أهو أنا مابخافش من حاجة غير الثقة الزايدة دى
يمنى: لا يا اخويا ماتخافش أختك جامدة برضه
--------------------------------------
بعد ان أوصل يوسف ويمنى حبيبة: توجهت لوالدتها ووالدها الذين كانا فى غرفة المعيشة وطمأنتهما عليها وعلى الاختبار ثم توجهت لغرفتها لتغط فى نوم عميق وناسية أداء فروضها
أما عند يمنى: فتوجهت لوالديها وقامت بطمأنتهما على إختباراتها وعلى نفيها
ثم قامت بالوضوء وأداء فرضها وصلت ركعتى شكر لربها ان سهل عليها اختبارها ثم توجهت للنوم
------
فى مكان اخر وتحديدا فى شركة الياسمين الهندسية : يوسف: سلام عليكم
عمار: وعليكم السلام تعالى يا يوسف كنت عاوزك فى حاجة
يوسف: خير يا بابا فى ايه
ناوى تجوزنى ولا ايه ههههههههههههه
عمار: هههههههههه لا يا حبيبي ناوى اسافر
يوسف وقد بدا على وجهه القلق: ايه يا بابا بتقول ايه
عمار: بقولك هسافر بس مش هطول باذن الله كله شهر واحد بس انا عاوزك انت تمسك الشغل كله وانا مسافر وان شاء الله هتابعك على طول
يوسف: بس انا
عمار مقاطعا: لا يا يوسف انا ماقدرش اعتمد على حد غيرك وكمان كل حاجة تحت ايدك من دلوقتى انا عملتلك وكالة عامة علشان تعرف تتصرف فى كل حاجة
يوسف: طيب ممكن حضرتك تقولى هتسافر فين وليه ؟
عمار: هسافر ألمانيا فى شغل هناك واقف ولازم ابقي موجود علشان يمشي
يوسف طيب توصل بالسلامة يا بابا
-------------------------------
كان هذا هو الغطاء الذى تستر ورائه عمار فى رغبته للسفر ترى ماذا سيكون السبب الحقيقي
تابعونى
أنت تقرأ
صديقتى ساعدينى
Romanceهذه اول قصة ابدأ فى كتابتها فى حياتى أبداها باسم الله ولا أنسي من ساعدنى فيها ومن قام بتشجيعي عليها أمى الحبيبة وأختى أية أشكركن من كل قلبي تتحدث الرواية عن فتاة تحاول الالتزام ولكن ماذا سيحصل لها هذا ما سنراه في هذه الرواية تابعونى
