صديقتى ساعدينى

الوصية

"بسم الله الرحمن الرحيم
اوصي انا المهندس عمر عبد الله وانا بكامل قواى العقلية انه لا يتم توزيع تركتى بالكامل الا فى حال واحدة وهى ان يتم زواج ابنتى الكبري حبيبة من ابن اخى وصديقي المهندس : عمار عبد الرحيم المهندس يوسف
وان لم يتم هذا الزواج فى خلال ثلاثة أسابيع من تاريخ قراءة الوصية
تتحول كل أملاكى وممتلكاتى الى الجمعيات الخيرية
والله الموفق "

كان هذا هو نص وصية والد حبيبة المهندس عمر الذى حكم عليها كما تقول بالسجن المؤبد بهذا الزواج
حبيبة : هو ازاى بابا يعمل كدة فيا مستحيل هتجوز من يوسف مستحيييييل
حاولت والدتها الدخول لها ومحادثتها كثيرا ولكن لم تستطع بسبب كثرة بكائها
فى اليوم التالى :
منى : حبيبة يا حبيبتى ابوكى عمره ما يعمل كدة الا لو عاوز مصلحتك وانتى عارفة ان يوسف شخصية محترمة وكويسة جدا
وكمان عارفة اخته كويس ودايما سوا
طيب ليه تزعلى وتعيطى ؟
حبيبة : يا ماما انتى عارفة انى بحب يمنى وبعتبرها اختى بس يوسف لا يوسف شخص قفيل ومعقد وخنيق بقي يرضيكى اتجوز واحد معقد يحكم عليا بحاجات مش عاوزاها
وبعدين ليه بابا يعمل كدة ها
ليه يعمل فيا كدة انا عمرى ما زعلته ولا هو عمره جبرنى على فعل حاجة مش عاوزاها
فليه دلوقتى يعمل كدة ؟؟؟
منى : هى دى الحاجة اللى مش فاهماها
ممكن علشان انتوا بنات بس واخوكى هيسافر يكمل تعليمه فى ألمانيا بعد السنة دى
وكمان هو لسة صغير على المسؤولية
ممكن مش كدة
حبيبة : ممكن
منى : وكمان يا حبيبتى يرضيكى ان شركة والدك اللى تعب فيها وشقي طول عمره علشان يكبرها ويبقي ليها اسمها فى العالم كله
يرضيكى انها تنهار وتضيع بسرعة البرق وتتحول كلها للجمعيات الخيرية
حبيبة : لا طبعا يا ماما مش يرضينى بس مش على حسابي وحساب حريتى
منى : يا حبيبة مش معنى انه ملتزم يبقي معقد لا يا حبيبتى هو كويس وممكن تتخطبي له اسبوعين وتحاولى تشوفى تصرفاته وحياته ولو مش عجبك يبقي نتصرف وقتها
حبيبة : حاضر بس مش هتخطب له دلوقتى بعد شوية كدة

منى : لا يا حبيبة مافيش وقت لازم الخطوبة تبقي بعد ٣ ايام بالكتير
حبيبة : حاضر بس عاوزة اشوفه واتكلم معاه قبل الخطوبة
منى : حاضر هشوف
>>>>>>>>>>>>>><>>>>>>>>>>>><

وفى الاتجاه الاخر عند يوسف :
يوسف : هو ازاى عمى يعمل كدة يا بابا انت عارف ان حبيبة مش بتحبنى ومش عاوزانى
عمار : يا حبيبي هو عمره ما هيعمل كدة الا لمصلحتكم وبعدين انت عارف ان احمد لسة صغير ومش هيعرف يشغل الشركة فلازم يبقي معاهم راجل يسندهم ويشيل عنهم الحمل
دى حتى حبيبة كليتها لا تمت للهندسة بصلة
فلازم حد يبقي معاهم
يوسف : ماشي يا بابا بس انا عاوز اعمل رؤية شرعية قبل الخطوبة لو سمحت
عمار : طيب يا حبيبي هقولهم ويارب يوافقوا

************
يمنى تفكر : يا سبحان الله كنت دايما تتمنى تتزوجها يا يوسف ربنا يوفقك يا حبيبة ويوفقك يا يوسف
اما اكلم حبيبة اشوف حالتها ايه !!
اتصلت يمنى بحبيبة
يمنى : السلام عليكم
حبيبة : وعليكم السلام
يمنى : حبيبة انتى عاملة ايه
وطنط عاملة ايه
حبيبة : انا الحمد لله كويسة وماما بخير
يمنى : الحمد لله سلمى عليها كتير
حبيبة : يوصل باذن الله
يمنى : حبيبة...
هو ممكن اسألك سؤال
حبيبة : طبعا يا يمنى اتفضلي
يمنى بدون اى مقدمات : هو انتى ايه رأيك فى اللى حاصل ده كله
حبيبة : انا زعلانة جدا من بابا ازاى يحكم عليا بالسجن المؤبد ده ده جواز مش اى كلام بجد زعلانه منه جدا جدا
يمنى : طيب ايه اللى يخليكى تقولى سجن مش يمكن يكون جنة
حبيبة : ازاى يعنى وانتى عارفة ان يوسف قفيل ومش بيحب يتكلم مع البنات وخصوصا انا
يمنى : يا حبيبة يوسف بيتقي ربنا فيا علشان عارف انه كما تدين تدان وانه لو هو كلم بنت او بص على بنت بصة حرام او عمل اى حاجة فى اى بنت هتترد فيا انا او امى او اختى او حتى زوجته المستقبلية او بنته فى المستقبل
حبيبة : بلاش الكلام ده دلوقتى يا يمنى انا عارفة انك هتدافعى عنه علشان اخوكى بس انا يحسه قفيل ومش بيحبنى ولا بيحب يبص فى وشى
يمنى فى عقلها : آه لو تعرفى بيحبك قد ايه
يمنى : يا حبيبتى هو مش عاوز يبصلك علشان مايدخلش النار لانه عارف حديث النبي صل الله عليه وسلم " لا تتبع النظرة النظرة فانها سهم مسموم من سهام الشيطان "
حبيبة : صدق رسول الله
بس برضه مش بيحبنى
يمنى : بكرة تشوفى وتحكمي بس ما قولتيش هتعملى ايه
حبيبة بكل صراحة : انا اتفقت مع ماما انى اتخطب ليه بس عاوزة اشوفه الاول
يمنى : يا سبحان الله يوسف قال نفس الكلام
حبيبة : صدفة غريبة
يمنى : يمكن !
حبيبة : طيب انا هقفل علشان اشوف ماما عاوزانى
يمنى : اوك يلا سلام عليكم
حبيبة : وعليكم السلام

انتهت مكالمة حبيبة ويمنى وتوجهت يمنى لتخبر اخيها وابيها برغبة حبيبة ثم اتصلوا لتحديد موعد الرؤية الشرعية
ترى ماذا سيحدث ؟
وماذا ستقول حبيبة بعدها ؟
انتظرونى