صديقتى ساعدينى

١٣

فى الصباح ذهب يوسف برفقة والده الى منزل حبيبة للرؤية الشرعية دخل يوسف لغرفة الجلوس وبجانبه والده وامه
وفى مقابلهم تجلس منى ويمنى
يمنى : طنط فين حبيبة ؟؟!
منى : بتجهز لسة يا حبيبتى
لو عاوزة تدخلى ليها !
يمنى : اه هدخل لها
دخلت يمنى لحبيبة
يمنى : طق طق طق ينفع أدخل يا عروسة ؟؟
حبيبة : وانتى من امتى بتستأذنى يا اختى ادخلى
يمنى : على طول ظلمانى كدهوت
حبيبة : بس أبوت
يمنى : بس ايه الحلاوة دى حتى فى الاسود قمر بس ليه كل الميكب ده يا عسل ؟
ده انتى قمر يا بت من غيره شيليه يلا بسرعة
وبعدين هو جاى يشوفك علشان هتفضلوا سوا طول العمر يعنى ينفع يشوفك دلوقتى بمكياج وبعد الزواج يشوفك جعفر مثلا
حبيبة : جعفر فى عينك
يمنى : يا حبيبة انا بنصحك علشان خايفة عليكى وبعدين دلوقتى امسحى بقي علشان نطلع لهم
حبيبة : انا خايفة يا يمنى
خايفة اتزوجه ومش يناسبنى ؟
يمنى : بصي بقي ماتفكريش كتير وانا متأكدة انه هيعجبك وتحبيه كمان
حبيبة باستهزاء : أحبه ده انتى بتحلمى ده جواز مصلحة يعنى كلها أسبوع بالكتير اتنين وهنطلق وكل واحد يروح لحاله
يمنى : خير بس يلا بقي
لم ترض يمنى ان تتحدث طويلا فى هذا الموضوع فهى تعلم مدى حب أخيها لحبيبة
خرجت العروس وأثناء المقابلة
حبيبة : انت بتبصلي كدة ليه
يوسف : علشان ده حقى واحنا قاعدين دلوقتى علشان تشوفينى وأشوفك حتى لو الزواج ده مش على هوانا
حبيبة : طيب
يوسف : مش عاوزة تسألينى حاجة ؟
حبيبة : لا مش عاوزة انا طلبت اقابلك علشان عاوزة أفهم نظام الزواج ده ايه
يوسف : زواج يعنى زواج هنتزوج ونعيش سوا
حبيبة : بس انا مش عاوزة الزواج ده
يوسف : بصي يا حبيبة ده ظرف واتدبسنا فيه فلازم نتعامل معاه ولا ايه رأيك
حبيبة : تمام
يوسف : دلوقتى احنا هنعقد قرانا بعد ٣ أيام ونفضل كدة شوية وبعد كدة نتطلق لو عاوزة ايه رأيك ؟؟!
حبيبة : تمام جدا ... شكرا لتفهمك
يوسف فى نفسه : نفسي أقولك كلام كتيييير بس معلش متعوضة
ثم قال لها : ولا يهمك
توجهت حبيبة للداخل وهى تشعر بشعور غريب ترى ماذا يحدث لها هل بدأ يوسف بدق باب قلبها وهل سيدوم هذا الزواج أم ينتهِ كما خططت له ؟؟!
___________________

وبعد ٣ أيام من الرؤية تم عقد القران وعمل حفل زفاف ( على الضيق ) نظرا للظروف ثم توجه كل من حبيبة ويوسف لبيتهما الجديد
ترى ماذا سيحدث بينهما ؟؟!
وهل ستتعلق حبيبة بيوسف وتحبه ؟؟؟!
وكيف ستسير حياتهما سويا ؟؟؟!

تابعونى