حبيبة: ازاى يعنى لا مش ممكن ازاى يا ماما ازاى
منى: بصي يا حبيبتى بابا لازم يسافر علشان شغله وبعدين هو مش هيطول المرة دى هو وعدنى
حبيبة بحزن: وعدك زى ما وعدنى قبل كدة انه مش هيسافر تانى
ثم تابعت بانهيار: انا معدتش هصدقه فى اى حاجة ده وعدنى يا ماما وعدنى ينفع حد يخلف وعده
منى بغضب: ايه الكلام ده يا حبيبة انتى مش فى وعيك ولا ايه ماينفعش تتكلمى عن بابا كدة وكمان هو غصب عنه والا عمره ما كان هيخلف وعده ويسافر إلا فى ظروف قهرية
مع نطق منى لاخر كلمة دخلت جنى مصدومة مما سمعت
جنى: هو بابا هيسافر تانى
منى: جنى بابا لازم يسافر بس هو هيرجع تانى بسرعة
جنى: اسرعت خارجة من الغرفة واتجهت لحجرة المكتب التى يتواجد بها والدها
جنى ببكاء: انت فعلا هتسافر تانى
عمر بدهشة من شكلها: اه يا حبيبتى هو شهر واحد وراجع على طول
جنى: مش انت وعدتنا مش هتسافر تانى
عمر: اه يا حبيبتى بس ده ظرف قهرى ماينفعش ما أسافر
والا هنخسر كتير
جنى: بس انت وعدتنا واحنا مش عاوزينك تبعد عننا احنا عاوزينك فى وسطنا محتاجينك جنبنا عاوزين نخرج معاك ونتكلم معاك ومش عاوزينك تمشي
عمر وهو يحتضنها: خلاص يا حبيبتى ماتزعليش منى بس دى ان شاء الله هتبقي اخر سفرية وبعد كدة مش هسيبكم وزى ما قولتلك مش هتأخر باذن الله
جنى: هتسافر امتى ؟
عمر: بعد اسبوع ان شاء الله
جنى: بس مش تتأخر والا هخاصمك ومش هكلمك تانى
عمر وقد تهللت أساريره: حاضر مش هتأخر
كانت حبيبة ووالدتها يتابعان الموقف من بعيد وعندما توقفت جنى عن البكاء دخلت حبيبة قائلة: هتسافر فين يا بابا
عمر: هسافر ألمانيا فى شغل واقف هناك ولو ماسافرتش مش هيتم وهنخسر كتير
حبيبة بابتسامة تخفى ألمها: تسافر وترجع بالسلامة
بعد اذنكم
واتجهت لغرفتها ثم دخلتها وأغلقت بابها خلفها وبدأت بالبكاء فهى متعلقة بأبيها جدا وكل مرة يسافر lrفيها يحدث لها حالة عميقة من الحزن كما انه كان معظم حياتها مسافرا ولم يكن معهم سوي وقت قليل
رغم بعده الا انهم يحبونه حبا جما ومتعلقين به
وقد كان عذر العمل أيضا غطاء لأمر جلل سوف يحدث ترى ما هو ؟
******************
عند يمنى
يمنى: يوسف انت فين
يوسف على الهاتف: جاى فى السريع اقصد فى الطريق
يمنى: مش وقتك يا خفيف أبوك عاوزنا كلنا نجمع يلا ماتتأخرش
يوسف: حاضر يا أبلتى
يمنى بضحكة: يحضر لك الطيب يا أوختى
يوسف يغلق الخط ويضحك بشدة: مجنونة
ثم يفكر فى من سكنت روحه ويتمنى لها الهداية والتوفيق
يصل يوسف للمنزل ويجد الأسرة بأكملها مجتمعة وبانتظاره
يوسف: متجمعين عند النبي
دعاء والبقية بصوت واحد: آمين
بسمة تركض تجاهه: أبيه يوثف جيبتلى ثيكولاتة
يوسف بحنان : مش لما تقوليلي الأول حفظتى ايه
بسمة: حفظت ثورة قل أعوذ برب الفلق
يوسف: شطوووورة يا بسبس
يلا اتفضلى جايزتك وأخرج لها شيكولاتة كبيرة مما تفضلى
احتضنته بسمة بفرح ثم همست له بثمة بتحب أبيه يوثف
ضحك يوسف وضحكت الاسرة كلها
ثم تحدث الاب قائلا: بصو بقي انا جمعتكم انهاردة علشان اقولكم على خبر
يمنى بفضول: خير يا بابا
عمار: انا هسافر باذن الله بعد أسبوع
أنت تقرأ
صديقتى ساعدينى
Romanceهذه اول قصة ابدأ فى كتابتها فى حياتى أبداها باسم الله ولا أنسي من ساعدنى فيها ومن قام بتشجيعي عليها أمى الحبيبة وأختى أية أشكركن من كل قلبي تتحدث الرواية عن فتاة تحاول الالتزام ولكن ماذا سيحصل لها هذا ما سنراه في هذه الرواية تابعونى
