بسم الله الرحمن الرحيم..
قـصة جديدة ..
بعنـووان..
{ #لانشعري_بالذنب_ياصغيرتي}
القصة هالمررة حقيقية ..ومابيها اي حدث مضاف واحداثها كلها حقيقية
وومشووقة جدا..
اتمنى تعجبكم مثل ماعجبتني ..
بقلمـي اسـاور..العزاوي..
القصة احداثها بدت من سنة ..٩٥..الى سنة راح تعرفون بالاحداث...
طبعآ الاسماء راح نغيرها للأسباب خاصة..
احم احم نبدي ..
اني .سلطان. عمري ٢٩ سنة.. طويل القامة ابيض
عيوني عسلي.. جسمي مليان .. من عائلة معروفة .. والدي كان شيخ عشيرة معروف
بين العشائر،. ..
هوايتي كرة القدم.. كل وقتي اقصي
بالعب الطوبة،. ( كرة القدم)
هوايه جانو بنات بمنطقتنة يحبون يتقربولي..
والي يتصلون بيه.. والي يبعثولي اخبار..
مرات.. جنت اتلاطف وياهم مااحب افشلهم..
ماجان ببالي اي علاقة كل همي كرة القدم
وصدقائي.. كلش احبهم.. احب جمعتهم..
هواي نطلع سفرات ونسات.. الى ان اجة اليوم.
الي جان هذا اجمل يوم بحياتي..
اهلا اني،. داليا.. عمري ١٨ سنة..
رشيقة طولي متوسط بشرتي حنطية عيوني حضراء واسعة ..
حاليا طالبة اخر سنة بالعدادية ..
هواي جنت اشوف مضايقات من الشباب وبصراحة جدا احتقرهم جنت اكول ماكو رجل صادق كلهم نفس الطينة يتمسكنون لحد ميتمكنون.. صديقتي بالدوام سرى..
كلش احبها ،. والدي ماكدر احدد عملة مااريد
القصة توصل لناس معينين راح اخفي عليكم
شنو شغلة او اختصاصه.. نكدر نكول مسؤل
جبير والى منصبة..بالدولة وهالشي طبعا سنة
(95) جنت طالعة من دوامي.. اني وسرى دنتمشى..
وبالصدفة.. شفت شاب نزل من سيارة حديثة..
اخر موديل..شاب طوويل انيق..يشبة الفنان هيثم يوسف تكدرن تكولون تؤم هو وياه.. جان لابس نضارة شمسية وساعة تخبل وعطرة ضارب بكل المكان .. جان مستعجل نزل ودخل لسوبر ماركت
اني جنت عطشانه اجيت اخذ بطل مي ..
سرى.. لج داليا دشوفين..
داليا عمه بعينج شتصيحين..
سرى.. لج هاي شنوو يموت باعي الاناقه..
داليا اشش فضحتينه الله يفظحج..
سرى حبابه خلي ناخذ غراض بعد..
داليا ناخذ مي ونمشي..
سلطان جنت راجع للبيت بعدين اتذكرت الوالدة
وصتني اغراض شفت اسواق نزلت عالسريع اخذ الغراض .. ولاكتني بالمحل.. بنت سبحان
الخالق .. سحرتني من اول نضرة..
داليا.. .. اريد اطلع شبيك واكف بالباب ممكن طريق بدون زحمة..
سلطان اني تحاجيني بس مادري وين سارح..
ذبيت النضارة ردت اشوفها اوضح..
داليا.. جان كلشي بي حلوو.. بس مستحيل
اكو بجمال عيونه .. داليا اكول يمكن انت متسمع .. سلطان .. نضرة الها نضرة استغرب..
داليا ممكن طريق اريد اطلع
سلطان. ضحكت ضحكة خفيفة .. اسف ..
لا اسمع بس الصراحة انصدمت..
داليا .. نعم..
سلطان.. لا ماكو شي تفضلي اسف اخرتج
سرى.. احنا الاسفين عيوني..
داليا..مشيت.. وضربت سرى على راسها بالكتاب .. ولج شلون تحجين وياه هالشكل
سرى.. ولج يخبل شتحجين.. انتي
داليا.. امشي تأخرنه هسه بابا يكلب الدنيه عليه
سلطان اخذت الاغرض وطلعت.. وين جانت هالبنت مضمومه عني اني هذا طريقي كل يوم
وقريب على الملعب الي العب بي الطوبة..
شلون مشايفها قبل... رجعت للبيت بس بقت صورتها براسي ولا راحت..
داليا رجعت تعبانه .. اتغديت.. ماما ..
عاشت ايدج الدولمة تخبل.. حروح انام كعديني
ساعه اربعة عندي كوومه دروس..
ام داليا.. الف عافية حبيبتي.. روحي نامي..
اني اكعدج..
داليا تمددت بفراشي اجت صورته بوجهي من ذب النظارات شلون عيووون تخبل.. اووي
شبيه افكر بي اصلا مغرور ومعاجبه العجب
نمت واني احاجي نفسي..
سلطان.. جانت عندي لعبة لعبت وكملت..
ورجعت للبيت سبحت وهم صارت ببالي صورة البنيه .. جان تبين ملسوونه تحاجيتي ولا تخاف.. باجر خلي اروح اشوفها شو عجبني اشوفها مره اخرى..
داليا.. تريكت الصبح بوست ماما ورحت للدوام
جان شعري طوويل اشيله عالي والباقي يبقى مفتوح.. يعني تسريحة ( ذيل الحصان) بالعامية
جان دوامي بمحافظة كلش محافضين عدهم البنيه لازم تلبس حجاب من عمر١٣ سنه
واني الوحيدة بدون حجاب لان بالاساس احنة
من بغداد بس بسبب دوام بابا انجبرنه ننتقل
لهاي المحافظة اعفوني ماكدر احدد اي محافظة
بس هي وحدة من محافظات العراق..
سلطان انتبهت الساعة ١٢ اكيد هسة وقت طلعتهم من الدوام كمت اخذت السويج وطلعت..
ابو سلطان وين رايح هم طووبة..
سلطان لا رايح بشغلة مااتاخر..
داليا.. طلعت من الدوام اني وسرى..
انتبهت نفس سيارة هذا الحلو واكفه قريب عالمدرسة معقولة هو.. بقيت مغلسة محجيت
شي كدام سرى..
سرى.. يمة تعبانه وميته جوع..
داليا امشي وعيني عالسيارة.. وهاي سرى
بس تحجي متسكت ..
سرى.. اكول عيني الشاغل بالج يتهنى
وين سارحة..
داليا. اكول .. هاي موسيارة الولد نفسة
سرى.. ياولد،. انتبهت.. لج اموعن اذووبن
اي والله هيه .. يمااااي.. الصاك هذا
داليا.. وجع شبيج ولج شكد مفضوحة انتي
الولد راح يتتبه..
سرى.. خلي ينتبه ولج خايفه مستحية..
هسه اروح واكله موافقه..
داليا.. على شنو.. موافقة😳
سرى.. على اي شي مادري الممهم خلي يجي
نشوفهه كل يوم حرامات منصبح بهيج نعمة
داليا.. اش راح يسمعنه ولا كلام..
سلطان.. اجت من بعيد تمشي .. مارفعت راسها بس اني متأكد شافتني وعرفتي بس سوت نفسها مانتبهه..اني فتحت باب السيارة ونزلت بقيت واكف محجيت شي ارتجيت على باب السيارة.. واني مستمتع بالنضر الها،.
داليا.. بقيت كالبه وجهي وامشي ولا باوعت
عليه..
سرى.. يولي شبيج كالبه خلقتج.. ندري انتي بنت فلان..!! بس لوتموتين ميجيج واحد بجمال
هذا.. شلون شخصية..
داليا.. اوي عشتو اصلا مغرور وشايف نفسة
سرى.. بربج يعني ميحقلة ينغر،، لج اني بنيه
وهو احلا مني..
داليا.. كل الرجال نفس الشي .. خلي يولي
سدي سالفتة..
داليا.. انتي موشكوول هيج ناس وهيج
خلقة.. ان شاءالله تاخذين واحد اسمر ازرك اجلح..
داليا.. ههههه خوش دعوة.. دمشي خلي ناخذ
شي من الاسواق.. ميتة عطش..
سلطان بقيت على هالاحال.. عشرين يوم
تقريبا.. كل يوم انتضرها تطلع.. ساعة..
١٢ اشوفها من بعيد.. وارجع ماعرف الي
اني بي شنو إعجاب.. او حب ماعرف بس
الي اعرفة اني اريد اشووفها... ولازم احجي
وياهه اتعرف عليها اشوف هي مرتبطه او لا
وين ساكنه..
داليا.. اكول.. سرى.. هاي هذا الولد شنو سالفتة..
سرى.. منو..
داليا.. هذا الحلو..
سرى.. اشتعلووووا بس حلو بس صاك.. بس
يموت.. شبيي ولج
داليا.. اي اكول شعنده واكف.. هنا كل يوم
سرى.. تغشمين نفسج..
داليا.. شنوو،،!
سرى.. اكص ايدي اذا مطلع علمودج جاي..
داليا.. اوي عشتو اني شنو شكو جاي..
سرى.. شكد شايفة نفسج انتي.. اوف
ربي فر كلبه وعقلة كوون يطلع جاي علمودي
ولووو ادري بحضي.. يجيني وين ماكو واحد
منتف.. وطايح حظة..
داليا.. هههه اامشي نطلع..
سرى.. اليوم راح يجي ابويه ياخذني تجين
ويايه..
داليا.. لا محاجة البيت قريب.. احب اتمشى
سرى.. حقج عيني الي يشوف مثل هذا الصاك
اخ صدك لو بس اعرف اسمه..
داليا.. هاي اجة ابوج ديأشرلج..
سرى.. اي يلا باي قلبووو ديربالج الصاك هذا لتضيعي منج..
داليا.. هههههه ولا اتوبين من سوالفج..
سلطان.. لا لليل ولا نهار. متروح من بالي قررت
احجي لصديقي عمر الي هو اكثر من اخويه
عمر.. اي عمي الله ربك كل هاي التطورات
وهسة يلة جاي ادكلي..
سلطان.. هسه عوفنا من هاي السالفه.. اريد
احاجيها شلون..
عمر.. سهلة عندي الحل..
سلطان حجالي عمر شلون راح احاجيها
وافتح موضوع وياهه..
للبست قميص ابيض وبنطرون اسود وتعطرت.. وطلعت .. ماعرف شبيه مخبوص كلشي بيها
متخربط ممصدك راح احجي وياهه معقولة
راح اكدر احاجيهه وماارتبك..
داليا.. راحت المخبلة سرى بقيت وحدي.. شلت
كتبي وطلعت..
سلطان.. اي اجت تمشي.. فديت هالطول الحلو
اشتعلو اهلج شلون خلقة.. النوب ثكيلة ومتنزل نفسها الاحد واني تعجبني البنت هالشكل صارت قريبة من سيارتي..
داليا.. شفته وبكلبي كلت اممم هاي هم واكف غير لو ادري شرايد
كل يوم نفس المكان يوكف..
سلطان.. احم .. احم..
داليا.. سمعته.. وغلست بقيت مدنكة وامشي
سطان.. ممكن دقيقة..
داليا.. نعم ويايه تحجي..!
سلطان.. اي هو غير لو اكو غيرج..
داليا.. شنوو..! كلتها بغضب..
سلطان.. ياستار عقجتي حواجبج اعصابج
داليا.. انت شرايد..
سلطان.. جنت متفق ويه عمر اسالها على عنوان
بس من كالت شرايد.. تغيرت فكرتي وجاوبتها
.. ((( رايدج)))
داليا.. شنوووو!!! بعصبيه
سلطان.. ههههه يمه شبيج اهدئي..
داليا.. موعيب عليك تحجي هالشكل ومناطرني
كل يوم. اذا شفتك مرة اخرى تره راح تندم واعرف شلون راح اتصرف وياك. اني مو من هالبنات الي ابالك فهمت .. حجيت هالشكل ومشيت..
سلطان.. دقيقة.. اوكفي..
داليا.. شتريد!!
سلطان والله اريدج.. واني هم مومثل الشباب الي تحجين عنهم.. واني مشيت وراج وشفتج بنيه مؤدبه
تعجبني البنت الي نفس مواصفاتج وحقج تحكمين عني لان متعرفيني اني معروف وابن شيخ عشيرة..(( فلان))
داليا.. والشيوخ علموك تلاحك بنات الناس
اترك هالحركات
سلطان.. والله عجبتيني وماكدر بعد امنع نفسي
داليا.. خنزرت بوجهه عفته ومشيت..
سلطان راحت وهي معصبة شلون تحجي يمه يمه.. والله اضل وراج
العمر كله وين تروحين مني..
ركبت سيارتي ورجعت للبيت..
داليا.. مشيت واني كل جسمي يرجف ماعرف
شلون هيج حجيت وياه ورزلته .. ماعرف الولد
يستحق الرزاله او لا ولو هو شكله ابن عائلة
مرتبه. ومعروفه مثل ميكول بس افضل هالشكل
سويت والله شنو اريدج بطران هذا.. متابهي
بشكله..
سلطان.. رجعت فرحان رغم الرزالة الي اكلته
منها بس هاي اول خطوة مصيرها تجي للدرب
مستحيل افوتها من ايدي.. صار العصر شربت
جاي وطلعت على عمر حجيتله الصار..
عمر.. ولك شلون ادكول الها اريدج تخبلت
سلطان احسن ليش الف وادور اجيها من الاخير
عمر.. تريدها شنو بعد شفتهمت منها واهلك يردولك بنت عمك..
سلطان كلشي ماريد اعرف الي اعرفه عجبتني وحبيتها واريدها وسالفة بنت عمي هاي من المستحيلات. تصير.. لان هاي طفلة واني
ماتعجبني هيج بنت المواصفات الي اريدها
كلها لكيتها بهاي البنية..
عمر.. عمي انت عاااشق وولهان ..
سلطان.. اوووف والله ماخذه عقلي..
عمر.. شعجب هاي بالذات يامه بنات توسلن ورادن اشارة منك..
سلطان.. اني اريد الي يختارها گلبي مو الي هية تختارني.. وهاي شخصيتها خلتني غصبا
ماعليه احبها..
يـتبع...
