بـقلمي ..( #اسـاااور العزاوي) ..💕
سرى سديت الخط وبقيت ابجي عليهم ..
شلون راح احجي السلطان وشراح يكول
عمر .. اليوم اني عازم سلطان عالغده شفته
ضايج كتله تعال يمي ..
ام داليا.. شكوو شو تنوحين،..
داليا،. ماريد اجاوبج لان انتي بالجذب ماكدرتي
تقنعين بابا وتركفين ويايه انتي سويتي العكس
شجعتي بابا يوافق بقيس ليش ماما مواني بنتج
لو تهمج مسلحتي جان قنعتي..
ام داليا.. يعني احنة منخلص من سالفة صخام سلطان. اني حجيت وياه وكتله بس ميقبل..
داليا،. وين حجيتي انتي كدامي تحجين عليه
عوفيني ابجي على ضيمي وحضي لو هاي هم لازم بموافقتكم .. عفت امي وطبيت الغرفتي
سرى خابرت على عمر اريد احجيله الصار..
سلطان.. عمر الجهاز يدك..
عمر اي اكيد هاي قزوم.. جنت اغسل
نشفت ايدي وجاوبت..
عمر.. الوو
سرى .. هلو عمر..
عمر.. شو عمر وين الغزل غير ادكولين حبيبي
سرى عمر اني بيا حال
عمر.. شبيج حبيبي شو ضايجة..
سلطان جنت داكل بس شفت عمر اتغير وجهه وهو يحاجي سرى.. عرفت اكوو شي
تركت الاكل وبقيت اباوع على عمر وعمر عينه عليه..
سرى.. حجيت العمر الصار..
عمر.. ماشي حبيبي روحي هسه بعدين
سرى.. سلطان وين. لازم يمك
عمر.. اي يمي..
سرى ماشي انتضرك خابرني..
سلطان. شبيك عمر شصاير..
عمر ماكو شي خويه اكل ..
سلطان ومنو بعد يكدر ياكل احجيلي شصاير
عمر.. كتلك ماكو شي
سلطان عمر تحجيلي لو اطلع هسه البغداد
عمر.. شبيك تخبلت..
سلطان .. عمر الله ينطيك احجيلي لتخليني ابقى احسب مابيه يمعود
عمر والله مادري شحجيلك
سلطان احجي يمعوود
عمر.. حجيت السلطان الصار..
سلطان.. عمر يحجي واني بس صافن وبكلبي اردد الله عالضالم..
عمر.. سلطان البنيه موقسمتك .. لتنقهر خويه
شتسوي.،
سلطان ماصدك ابد عمر مستحيل داليا متعوفني داليا تحبني..
اذا مااسمعها منها ماعوفها ابد
عمر اعرف يبعد اخوك ادري تحبك بس البنيه مابيدها شي شفت ابوها شكد قاسي واناني
هي شبيدها البنيه
سلطان لا ماكدر اصدك عمر انطيني الجهاز
عمر.. سلطان لا تتهوور مرة ثانيه
سلطان سحبت الجهاز منه جيب هو شباقي
شلت الجهاز .. اتصلت عليها
داليا.. اني بغرفتي سمعت الجهاز يدك
امي جانت بالحمام لحد مفصل محد جاوب
سلطان ماكووو رد شلون يعني اطلع البغداد
رجعت عدت الاتصال
عمر يمعود سده لتسويلنه سالفه
داليا.. مسحت ادموعي وطلعت جاوبت
الو..
سلطان... بدون سلام كتلها ( صحيح الي سمعتة)
داليا.. سلطان..
سلطان.. بقهررر وحرگة احجي صحيح الي سمعته
داليا.. سلطان انت تحملت هوايه وبابا رافض
سلطان ومنو كلج اني مليت كتلج انتضر طول العمر
داليا.. سلطان والله مينطيك ابويه الله يخليك افهمني اني ماريد اتعبك ويايه واني هم تعبت
وانت بعدك متعرف طبعه ..
سلطان.. يعني هيج تخليني عن حبنه بسهوله
داليا.. ابجي واحجي سلطان موبيدي والله اهلي
سلطان.. هسه صرتي ادكوليها( سلطان) حاف وينة كلامج من جنتي ادكوليلي حبيبي
هسة صار غيري حبيبج
داليا.. تبقى حبيبي طوول عمري
سلطان.. من كالولي ماصدگت حبيت اسمع منج وريتني مامخابز ولا سامع روحي داليا الله يسعدج بحياتج..
داليا.. لحظة سلطان..
سلطان.. ماعرف شنو جانت تريد تحجي بس بعد الي سممعتة منها ميهمني بعد اسمع شي
سديت الخط
سلطان.. هنا صدك اسودت الدنيه بعيني
ماكو بعد شي حلو جانت هي الي محليه الدنيه بعيني راحت وصارت ذكرى حلوه بحياتي
للموت مراح انساهه..
عمر.. سرو سلطان فد مره مدمرة نفسيته
تعبان لو تشوفين حاله ابد مو ذاكة سلطان القوي لا متغير ولليل نهار اعصاب محد يكدر يحاجي
سرى حقة والله .. انتضرها وتحمل هوايه لأجلها
تالي ابوها اوووف الله لينطي
اليوم حفلة خطوبتها
عمر مو كلتي من زمان قطعو مهر
سرى اي هاي حفلة اللحلقات
عمر راح اروحله من البارحة ماشفته ميكعد باللبيت دوووم طالع..
سلطان.. مثل كل يوم اطلع العصر وماارجع للـ٣ بالليل ابقى افتر واسمع اغاني بسيارتي
عمر.. وصلت للبيت شفت سلطان ايريد يصعد بالسيارة عيونة حمر شعره مخربط دقيقه سلطان وين رايح
سلطان.. ها عمر تجي ويايه..
عمر وين رايح..
سلطان افتر بهاي الدنيه..
عمر امشي يلة.. صعدنا وحجيت وياه وكتله
سلطان،، لتبقى تنقهر محد يستاهل شبيك
خويه . الدنيه موكفت بس على بنت هذا الحقير
اكو الف وحده .. شيلها من بالك خلي تعيش
حياتها اليوم حفلة خطوبتها يعني مابقى شي
الزواجها..
سلطان.. ضربت بأيدي الجام واني سوق
شتحجي انت عمر.. يعني هذا الوسخ
راح يلزمها بأيده راح يكعد يمها راح يحضنها
واني الي ربيتها على ايدي ترووح مني وتريدني
ماانقهر ولك والله گلبي محروك حرگ صرت ادعي الله ياخذ عمري لان اعرف نفسي مراح
اكدر انساهه وراح ابقى وراهه اووف عمر
اهلي صارو يلمون بيه يكلولي هاي الي ادكول احبها وتحبني ومتعوفني ولگ صرت حجايه
بحلوگ كل ربعي الي احبها تجازيني هيج
المشكله ماكدر انساهه ولا اكدر اكرهه لان اعررف مجبورة .. الله ياخذ عمر ابوها الله ليراوي يوم حلو بحياته..
عمر.. لتدعي يمعود اتركه الله ياخذ حقك
سلطان.. الله كريم هاي هي ..
عمر.، لاتبقى هاي سياقتك. راح تسويلنه حادث
كافي فكر بنفسك شنو هالحاله الي انت بيها
يااخي افهم انو داليا راااحت
سلطان.. عمر لاتبقى تسولف يمي هالسووالف
داكلك ماااكدر موبيدي ولك صعبه والله
جانت عايشه بروحي لازم قبل ماانام اسمعها
من اكعد اشوفها ..
عمر.. اهووو ميفيد بيك نزلني هنا اريد اروح تأخرت اتعشى وامرلك
سلطان اليوم مارجع اتأخر
عمر ولك وين رايح
سلطان افتر. ماريد ادخل للبيت واسمع حجي امي وابويه مخنووووگ
عمر..، اوووف من اجي وياك اضل اشبع قهر
يلة رايح اني ...
سلطان نزل عمر.. بقيت افتر واسمع
كل دقيقه گضيتها وياهه كل سالفه حجينهاا سوة كل شارع مرينيه بي كل مكان كعدنا بي
اسووق واني ساارح بقهري واتخايل شلون اليوم هي كاعدة ويه غيري بقيت افكر بقهري .. لحد ماا ضربت
سيارة.. بدون ماانتبه.. وصارت هوسه ومشكله
بالشارع.، طبعا جان الغلط مني..
اخذوني ورحنة لمركز الشرطة..
كالو ماتطلع لان اني الي غلطان.. دخلت السجن بيومها .. اتصلت بعمر وحجيتله الصار
ام سلطان يمةةة شلون اندعم شنو السالفه
خاف بي شي ..
عمر.. خاله والله مابي شي حاجاني بنفسه
بس الضابط مميقبل يطلعه ..
والي دعمه سلطان هم مابي شي بس شوي متأذيه سيارة الرجال
ام سلطان اخذوني اشوفه خاف بي شي
ابو سلطان.. بصيااح وين رايحة.. محد يطلع الباب امشي عمر..
عمر دقيقه عمي اريد فراش السلطان
ام سلطان ركضت انطيته فراش
هاي مخدته مينام اذا مو هيه
عمر جيبي خاله
عمر وصلنا السجن .. شفته سلطان الحمدلله مابي شي بس شوي بحاجبه مجروح ..
ابو سلطان كتلك خفف من سرعتك ميفيد..
سلطان يابه اذا جاي تلوم بيه الله ينطيك مابيه
ترة تعبان
عمر.. عمي سهلة قضاء وقدر المهم هو بخير
ابو سلطان اني يم الضابط
عمر جاي وراك عمي
سلطان.. جبتلي فراش
عمر اي شو انت ولا مهتم داخل للسجن لو الحفلة
سلطان هو شبقى بالدنيه حلو .. والله ياريت ابقى بالسجن
عمر.. حجينه ويا الضابط باجر يطلعك بكفالة
سلطان اي ماشي..
عمر.. ماشي خويه اني اروح عمي ينتضرني
سلطان.. سلملي على امي ليضل باله كولها السجن للرجال باجر اطلع
عمر ان شاءالله
داليا حياتي انتهت من يوم الي راح سلطان مني بس بالاسم عايشه وامثل دوور الخطيبه الي تحب خطيبها .. واني گلبي مارف عليه
ولا لحظه سلطان محد يكدر ياخذ مكانه
سرى.. اليوم جانت حنتي وكلش حلوه
صارت ولو جنت ااتمنى تحضر بس للأسف
ابوها مقبل ترجع للمنطقه خاف لا داليا
تلتقي بسلطان ..
قررنه نسوي زواجنة بالنادي ببغداد
عمر.. والله اذا مااجيت بعرسي متشوفني
بعمرك..
سلطان.. مالي خلگ والله..
عمر.. اني كتلك بعد بقت يمك..
سلطان.. تريدني اروح البغداد واتذكرها
عمر يمعود هسه احنه راح نروح للنادي وداليا
مايقبل ابوها تجي..
داليا.. قنعت اهلي كتلهم العرس راح يصير ببغداد كالو روحي بس شرطهم اروح ويه قيس
ماكلت السرى راح اجي كلت بالحفلة هي راح تشوفني..
سرى.. اليوم متخربطه احوالي كلش مرتبكة
جنت اتمنى دلووش ويايه بس اووف ابوها
اخذوني البغداد ورحت للصالون كملت
جنت كلش حلوه بالمكياج.. تغير كل شكلي
وصلنا النادي الكل جان موجود بس سلطان
وداليا جنت اتمنى اثنينهم حاضرين
عمر.. شفتي سلطان شكد اتوسلت بي
ومااجة..
سرى وداليا هم مااجتي💔
عمر قزووم لبستي حذائج العالي
سرى .. هااا ردينةةةة
عمر اموت عليج ههههه
سرى.. زاعلتك...
عمر.. لو كل الزعل اليوم محد يشفعلج خلي اوصل الفندق وشوفي الزعل على اصوله
سرى.. ههههه كافي العالم كلها تباوع علينا
عمر شعندي خلي يباوعون شو مرتي وحلالي
سرى.. عمر.. باووع منو اجة..
عمر.. اها داليا هذا منو الوياهه..
سرى هذا خطيبها..
داليا.. سلمت على عمر وسرى وبارك العمر
عمر جان بعيونه عتب ..
عمر الله يبارك بيج وانتي هم مبروك نسينه انكلج
داليا اشكرك عمر
سرى.. واخيرا اجيتي ممتوقعه راح تجين لان اعرف ابوج وعناده..
داليا.. شطالعه اليوم سروو
سرى.. حلو مكياجي
داليا هوايه حلو حبيبتي .. يلة رايحة اكعد
داليا.. كعدت وعيني على كل الحاضرين
جنت اتمنى سلطان بينهم بس للأسف موجاي💔
قيس حبيبي عجبج هذا النادي نسوي حفلة
زواجنه هنا لو بغير نادي
داليا.. بكيفك قيس الي تشوفه مناسب
قيس حبيبي شو كلشي بكيفي
داليا.. اني ماعرف انت تصرف
سلطان بالوقت الضايع شغلت السياره وطلعت البغداد مايصير اترك عمر ومااشاركة فرحته
وصلت النادي هواي ناس هوسه..
يتبع
اسمعوووو الشعر😞💔💔
