عمر.. فدوه للخجلان روحي عيني شوفي الوضع لا احد يكعد وتروحين بيها مابينة حيل مشاكل
سرى.. هسه اجي🙈.
سلطان.. حبيبي جبتلج شي ويايه كلش احبه
داليا.. صدك شنو هو..
سلطان مديت ايدي وسحبت الباكيت
داليا.. هاي شنوو
سلطان فتحيها حبيبي اتمنى تعجبج..
داليا.. فتحت الباكيت بداخله كيس صغير..
فتحت الكيس.. لكيت حجاب.. الي هو (ربطة)
داليا.. هاي شجايب حبيبي
سلطان من باجر اريد حجاب مااريد احد يشوفج بدون حجاب بعدين احنة عاداتنه تختلف عنكم حبيبي اذا تحبيني اللبسيهه..
داليا.. والله ماعرف..
سلطان ماكو شي صعب خلي سرى تعلمج..
داليا.. واهلي اذا سألوني
سلطان.. مابيه شي كولي سلطان حجيني
داليا اهوو لا حبيبي جديات
سلطان كليلهم عجبني اتحجب موشي صعب شبيج تتخوفين من كلشي
شو جيبي
داليا.. لبسني الحجاب..
سلطان .. دباعي النفسج موتخبلين بيها يمه الخدود الحلوووات كلش حلوه عليج والله
داليا.. هههههه يعني هسه ابقى لابستها
سلطان اي لتذبيها حلوه وبعد راح اجيبلج غيرها
داليا لا حبيبي اني اخذ
سلطان ماكو فرق بينه المهم اريد حجااال
داليا.. من عيوني والله مدام عاجبك هالشي تأمر
سلطان فديت عيونها اني ...
داليا.. يفداك الكلب ودكاته
سلطان شو خلي اسمع دكاته خليت راسي على گلبها
داليا،. هههه سمعتهم..
سلطان ولج مداسمع خاف عاطل..
داليا ههههه انت عطلته
سلطان هسه ابوسه ويشتغل...
داليا... هههههه حبيبي
سلطان ها يگلبي..
داليا.. خلي نرجع تأخرنا
سلطان من اتجيبن سالفه خلي نرجع احس
روحي تطلع
داليا ولا اني والله مدي افاركك بس شبيدنا
سلطان اخذج لو توكف بوجهي كل عشيرتج
سرى.. رحت شفت البيت لكيتهم نايمين رجعت على عمر اكولك الحمدلله الوضع تمام ماكو شي
عمر.. يمعودة هسه اريد انام وصحتي يمي شبيج متشوفيني نعسان فززتيني..
سرى.. شنو عيني اكو واحد ينام هنا..
عمر.. وين الريوك.
سرى ياريوووك يمعود..
عمر.. جوعان شبيج كومي نسوي اني وياج شي ناكله
سرى.. اليوم داليا شسوت بيه عيني روح اتريك بيتكم.. حباب
عمر.. ياا تحاجيني عبالك اني بيبي عندج..
سرى .. ههههه خرب لا بس غير داقنعك
عمر.. شنو تخبلت افوت جوه واسوي ريوك وياج يمعودة اشاقه وياج..
سرى .. اي زين
عمر.. لا اسيا..
سرى.. هههه هاي انت هيج على طول تحشش
عمر.. اكولج هذوله وينهم خاف خطفها
سرى عززة بعيني اذا صدك لا عفيه لتخوفني
صدك وينهم..
عمر.. عيني عشاق خمو مثل حضي.. محد تحبني
سرى.. ☺️
عمر،، امممم
سرى شبيك!
عمر.. هاي انتي شطولج شو قزمة لا عمي ماريدج
سرى لا بالله عود هسه اني كاتله روحي عليك
عمر لعد شكو واكفه يمي..
سرى.. يبووووه شبيك يمعود غير دنتتضرهم
عمر.. اكو وحده تصيح على حبيبها
سرى😨 شنوو ياحبيب شبيك
عمر.. ولو اني ماحب القزمات عبالك براغي
سرى.. تره طوختهااا والله بس تجي سرى اليوم اني الهه
عمر.. والله جذب طابتلج الكعده ام الكيمر
تره اشاقه اموت عالقزمة
سرى.. تشاقه او لا ميخصني..
سلطان،،حبيبي شوكت تصيرين يمي..
داليا.. اووف لتذكرني .. حبيبي تره تأخرنه رجعني وسرى خطية هسه تتخبل اخاف اسبب الها مشكله..
سلطان.. اي حبيبي نرجع هسه..
داليا.. بسته من ايده.. فديت الادينات شكد حلوه عليها الساعه..
سلطان.. هههه كدامج حبيبي..
داليا.. شو منا فتت احنة جينه من ذاك الشارع
سلطان تعلميني بمنطقتي هذا الشارع اقرب مختصر
داليا صدك ليش بيتكم هنا
سلطان هو تقصدت دخلت من هذا الطريق اريد اشوفج بيتنه..
عمر.. يولي تره صدك عطشت جيبي ماي
سرى .. يولي!!
عمر.. اهووو ماريد،،
سرى.. احسن
سلطان.. دشوفين هذا البيت الابيض العالي
داليا.. اي شبي شنو هذا كولش جبير عبالك دائرة حكوميه او مدرسه..
سلطان هههه اي صحيح كلش جبير..
داليا.. حلووو احب البيوت الواسعه
سلطان بس نتزوج اتصير غرفتنه فووك
داليا ان شاءالله حبيبي خلي بس يوافق بابا
كلشي ماريد..
سلطان فريت السياره ورجعت البيت سرى
داليا.. يااا باوع عمر شلون كاعد بالكاع
سلطان ههههه اليوم شيخلصني من اللسانهه
عمر،، اي اجوي واخيراا..
سلطان ها عمر تأخرنا عليك..
عمر.. بشرفك هاي سالفه منك تعوفني بالشارع
وساعه اتوسل اريد ماي محد يحيبلي..
سرى.. يااااا
داليا.. نزلنا.. وكفت يم سرى،. ها شبيج شو متوتره..
سرى تأخرتي..
داليا شلون الووضع..
سرى كلشي تمام..
داليا.. يله حبييبي احنة نروح.
سلطان ماشي گلبي ديري بالج على نفسج
عمر.. اشتعلوو حبيبي وكلبي.. شو اني محد يحاجيني هيج الكل رافع خشمة عليه باوعت السرى بطارف عيني😒
سرى😳
داليا.. ههههه ماشي حبيبي بيباي..
سلطان بيباي گلب
عمر.. صعدنا بالسيارة..
ها شو تأخرت ولك
سلطان..يعني ليش غير جنت ويه الحب..
عمر.. اكول هاي سرى مخطوبه لا
سلطان.. هااا عمر 😉
عمر.. لك محبوبه عسل عجبتني
سلطان لا مومخطوبه..
عمر .. هلا هلا الرقم وين..
سلطان لا عيب عمر اكعد راحة البنيه مو مااال
تضحك عليها ماقبل..
عمر. منو كال اضحك عليه ولك شنو شايفني يوميه ويه وحده..
سلطان لعد شدور بيها..
عمر.. عمي ماريد بطلت..
سرى قفلنا الباب ورجعنا نمشي على اطراف اصابعنه تلكتنا ماما
داليااا سرى😨
ام سرى شو كاعدات..
سرى دراسه ماما عندنه امتحان كلش صعب
ام سرى ديلا روحو نامو باجر كملو تره اتأخرتوو
داليا اي خاله اني هم نعست
داليا باووعت الداليا بنضرة 😏
داليا🤐 اششش
داليا.. رجعت للفراش بقيت افكر بكلام سلطان بحبه الي بقيت اتذكر كل لحظه عشانهه سووه
سرى.. ولج هذا عمر شسوة بيه..
دمرني شلون عفتيني وحدي.. !
داليا.. ماعرف شنو جانت تحجي سرى اني بفراشي وسارحة بغير دنيه..
سرى ولج داحجي وياج
داليا هاا شنوو شكلتي.
سرى خلي انام احسن،،، انتي راح يخبلج سلطان،.
داليا... هههههه اي نامي اني هم نعست
داليا.. بعد ما التقيت بي وشفتة نمت وكعدت اجاني احمد رجعت للببيت..
ورجعت لنفس مأساتي ،. ايام وليالي تمر ماكدر
اشوفه ولا اكدر احاجي اهلي يراقبوني طول الوقت..
بيوم من الايام خابرني سلطان كلي طلعي عالباب اريد اشوفج استغليت الفرصه بابا
طالع وماما نايمة.. بدلت وفتحت شعري وطلعت عالباب انتضر سلطان يمر واشوفه،.
سلطان.. عمر اني طالع..
عمر وين .. سلطان رايح اشوف الحب..
عمر امك خابرت ادكول خلي يرجع للبيت ابوه
يريده ..!
سلطان هسه اني مابالي شي حلوه ملابسي
عمر.. اي حلوات توكل بعد اخوك..
سلطان يله اذا احد سالك عني كوله مادري بي
عمر.. اكول هاي القزومة وياهه لو حدها
سلطان ياقزومة ولك..
عمر.. هاي الي اسمها سرى ام اللسان
سلطان. ههههه لا اليوم مو وياهه ..!
عمر ماشي سلملنه..
داليا.. هاي وينه تأخر بقيت اروح وارجع عالباب
اريد بس اشوفه وينة خاف يتأخر وبابا يجي
سلطان.. وصلت بقيت واكف بعيد عنهم
اننضرها تطلع..
داليا.. طلعت وشفت سلطان كدامي صار.
سلطان.. طلعووو الغوالي شغلت السياره وتقربت. عالباب..
داليا.. الله يخبل طالع اتذكرت اول يوم شفته
وهو لابس النضاره..
سلطان.. بقيت من بعيد احجي وياهه بالاشاره
داليا.. مدي اطير واصعد وياه اووف لومو اهلي
سلطان.. تمنيت اروح اشيلها مثل كل مره احضنها اشمهاا اتنفس انفاسها بس اخ ماباليد حيلة..
داليا.. باوعت سياره بابا اجت تمشي
داليا سلطان ااشرله بأيدي رووووح
سلطان مافهم شنو جانت ادكول بقيت اكولها شنوو،،!
ابو داليا.. هذا شجابه هنا..
احمد.. منو سيدي..
ابو داليا اوكف خلي انزل..
سلطان.. حسيت سياره وكفت وره سيارتي
انتبهت ابوها نزل يتمشى..
داليا.. بقيت جامده بمكاني لا اكدر افوت
ولا اكدر اطلع..
ابو داليا فتحت باب سيارته وكتله انزل
سلطان.. نزلت .. تفضل،..
ابو داليا.. شجابك هنا..
سلطان رجليه جابتني..
ابو داليا.. انت مو مال احترام اني اعرف شراح اتصرف وياك..
سلطان.. ممكن اعرف ليش رافضني..!
داليا.. سلطان روح..
ابو داليا.. فووتي جووه حسابج عندي والج عين تحجين وياه وكدامي..
سلطان محد يخلي عليها ورده راح اخذها منك
لو غصب عنك واذا تبقى واكف بطريقي
راح اتزوجها بدون علمكم كافي عاد اتحملت هوايه الى متى تبقى هالشكل احبه وتحبني
حرام عليك..
ابو داليا.. لزمته من قميصه اذا بس فكرت توصل الداليا راح ادخلك السجن..
سلطان.. ماتكدر .. والف واحد مثلك ميكدر
يدخلني السجن
ابو داليا راح اشوفك..
سلطان.. راح اطلع منا بس اذا سويت شي
الداليا.. وحق الله كلكم ماارحمكم
ابو داليا.. انت منو حتى تتحكم بيه وبنتي..
سلطان.. داليا الي وماقبل احد يلمس شعره منها
ابو داليا.. ولي منااا يله
احمد.. سيدي محتاج مساعده ..
سلطان وانت شكوو يله ولي عدنا امور عائلية لدخل نفسك
داليا.. خرب سلطان يحاجي ابويه برود اعصاب
وبابا صاير نار اليوم بابا راح يذبحني يارب
عديها على خيرر
ابو داليا تطلع منا لو بطريقتي اخليهم يهينوك ويطلعوك..
سلطان لا اني طالع لان ماريد ابقى اسمعك
ابو داليا .. راح تشوف شلون راح تحلم تشوفها بعينك..
سلطان.. اذا اتروح الأخر الدنيه اجيها يله اني طالع موالخاطرك الخاطرها ماريد اقهرها
داليا.. سلطان طلع بالسيارة راني طبيت للبيت
ركض وكفت وره ماما..
ابو داليا.. فتحت الباب ادور عليها
وينهااااااا بصياااح
ام دالياا بسم الله شصاير شبيج احجي شمسويه
داليا ارجف واني لازمة امي.. ماما فًٍـًٍـًٍـًٍـًٍـًٍـًٍ✹ًٍـًٍـًدوة اروحلج بابا اليوم يذبحني ..
يتبع
