ام دالياا بسم الله شصاير شبيج احجي شمسويه
داليا ارجف واني لازمة امي.. ماما فًٍـًٍـًٍـًٍـًٍـًٍـًٍ✹ًٍـًٍـًدوة اروحلج بابا اليوم يذبحني ..
ابو داليا.. ولج شلون تخلي يوصل الباب شلون
كدرتي تحاجي اني منعتج منه وحذرتج..
سحبتها،. وصرت اضرب بيها بكل مكان فقدت بعد ماشفتها تحجي ويحاجيها بكل صلافة عين
داليا.. بابا خليني احاجيك ماماااا شبيج
ام داليا،.، راح تموتها شبيكم شصاير
دقيقه عووفها يمعووود..
داليا.. بعمري ماانضربت هالضرب بابا اليوم
جان شبه مجرم وهو يضربني
داليا.. وكفت على صفحة ماما لزمت بابا
شعري مفتوح حلكي يذب دم..
ابو داليا اذا اذبحج مايبرد گلبي كتلج هذا انسي لتفكرين بي شلون تكسرين كلامي
داليا.. بابا ليش هيج تسوي سلطان مابي شي
موحرام عليكم شمسويلكم الولد..
ابو داليا ولج كل هالضرب ورجعتي لنفس السالفه ..
وخري خلي اذبحهاا عوفيني
ام داليا لازمة ايده بقووة خفت يسويله شي لان منهار وعصبي (امشي انتي ولي الغرفتج
داليا.. ركضت الغرفتي وقفلت عليه الباب
وكعدت ابجي بحركة. بقيت اسمع صياح بابا
جوه وهو يحاجي امي.. بقيت نايمه عالكاع
وابجي لحد مانمت
سلطان.. رجعت على عمر اخذته وطلعت حجيتله
الصار..
عمر.. اووو ولك هسه البنيه راحت بيها شسويت انت ليش تتهور دائما انصحك بس ميفيد بيك
سلطان.. موبيدي عمر والله موبيدي
لا هو الي يقبل ينطيها الي
ولا اني اكدر اعووفها تدري من اشتاك الها مايهمني ولا يوكف بوجهي العالم كله ً
عمر وهسه شلون راح تفهم شصار يمهم
سلطان سرى اليوم اخابرها
عمر.. يول خلي اني احجي وياهه
سلطان.. ولك اني بياا حاال وانت بيا حال
عمر.. هسه قابل بس انت تشتاگ
سلطان هااا الضاهر واكع
عمر.. مادري شو متروح من بالي..
سلطان.. اوووف ولك اني شكووول داليا عايشه بنص گلبي وتريدون امتنع منهاا
داليا.. صار موعد امتحاناتي بابا حاربني حرب
لا اكدر اشوف سلطان ولا اكدر اسمعه
صارلي شهر مشايفته بس مرات اسمع اخابرة
عن طريق سرى..
سرى.. جنت احجي على سرى وسلطان هسه
ماكدر بدون عمر لحظة تعودت عليه على سوالفه
بس خطيه سلطان وداليا علاقتهم مستحيله بسبب ابوها..
عمر.. قزومتي خلتني احس الدنيه حلوه ماجنت
اعرف شنو حب اضحك على سلطان بس هسه
صرت احب كل اثنين يحبون واتعاطف وياهم
لان جربت شعور الحب.. الله يعين سلطان
سلطان.. بعدوها عني بالغصب بقيت عايش
اتأمل اشوفها بيوم ومرات افكر اخطفها من المدرسه من بعدوها عني احس جنت عايش
وهسه مخنتگ شبه انسان ميت
اخذت والدي وياه شيوخ وراحو وطلبوها منه ورفضهم.. مابقى شي ماسويتها لأجلها وماكو امل ماعرف يمكن اذا بيوم ابوها راد بجبرها ويزوجها لغيري اذبحهم كلهم..
داليا مررت ايام واني مكمله امتحاناتي ..
استلمت الشهادة ناحجة يعني هالسنه ادخل كليه..
عمر.. سلطان داليا ناجحة سرى هسه كلتلي
سلطان اي هي ذكيه اكيد تنجح ولو فرحت وضجت بنفس الوقت..
عمر.. شلون يعني..
سلطان.. راح تروح بنص الشباب.. بالكليه
عمر.. ههههه لازم تكمل دراستها..
سلطان.. لعد تقبل هذوله يشوفوها واني اتحسر
عمر.. مدكلي شتسوي..
داليا.. ماجنت اعرف بابا شنو مقرر.. بعدد
مانجحت ثاني يوم كعدت الصبح
سمعت بحجون بالبيت والغراض
سألت امي شنو السالفه..
كالت راح نشيل ...
داليا... شنووو ليش نشيل..
ام داليا.. ابوج جاه نقل وكال كلنا ننتقل..
داليا.. شلون ودوامي..
ام داليا هالسنه تدخلين كليه
داليا.. ماريد اشيل هنا صديقاتي ماكدر ابتعد عنهم..
ام داليا.. ابوج ايريد بيعد سلطان عنج.
داليا وكفت الحيلي والله لو كل الدنيه توكف بوجهنا ماعووفه..
ام داليا،. اش ليسمعج والله يذبحج.. ام السان الطويل بطلي هاي سوالفج ولج ياحب.
داليا.. وين نشيل االـ اي مكان..
ام داليا.. ميقبل ابوج احجي..
داليا.. هاا والنوب تضمون عليه تخافون اكول السلطان..
ام داليا.. وج بابا انسي كااافي..
داليا.. طلعت بالحديقه بقيت ابجي شلون
يريدون يبعدوني عنه.. بالكوه
ابو داليا.. اجيت وشفت داليا بالحديقه كاعده
دخلت للبيت وصحت عليها تعالي..
داليا.. مسحت ادموعي ورحت كعدت يمه
ابو داليا..بعد يومين نتتقل للمكان الجديد
ماريد احد يسمع او يعرف مكان بيتنه..
داليا.. بقيت مدنكة ماحجيت شي احس نفسي مخنوكة..
ابو داليا.. راح تبدين حياة جديدة بالكليه وتغيير
نفسيتج..
داليا.. بقيت اباوع على بابا بنضرة قهر وعتب..
وكلشي مااحجي،.. عفته وطلعت..
اعرف نفسي بعد هاي هي انتهى سلطان كدرو اهلي يبعدوني عنه بس لازم اشوفه قبل
ما انروح.. حتى لو من بعيد.. يكفي
رحت اتصلت بسرى كتله محتاجة كم غرض من السووك بلغي عمر يكول السلطان اني راح اتواجد بفلان مكان.. خلي يجي
قنعت امي كتله اريد اروح للسوك كالت بس
شرط احمد يوصلنا..
بدلت وكملت وطلعت على سرى اخذتها وطلعت
بالطريق سألت سرى بصوت ناصي
سلطان كتيله راح يجي..
سرى.. كلت العمر ويكول خابرت واهله كالو طالع ميدون وين ..
داليا خرب حضي شلون لعد..
سرى.. عمر كال راح اطلع ادور عليه اجيبه والحكم ..
سرى،، اي ياريت
عمر... هذا وينه ...
سلطان جنت ضايج رحت للشط ( البحر) سبحت ورجعت انطيت السويج الاخويه راح يغسل السياره واني طبيت للبيت جنت بدون غده
تلكتني امي..
ام سلطان... وين جنت خابر عليك عمر اكثر من مره كال بس يوصل خلي يخابرني ..
سلطان.. ماشي صبيلي غده راح اخابره
داليا وصلت السوك افتريت اني وسرى احمد
جان واكف ينتضرني يم السياره
داليا. ولج مابينووو وينهم
سرى.. شمدريني جوز مالكة سلطان..
عمر.. الوو يمعود وينك
سلطان جنت اسبح شكو كالو مخابر عليه
عمر.. حجيتله السالفه
سلطان لا بشرفك خرب شطلعني اليوم وهسه
وينها..
عمر بعدها راح اجيك اتمشى.. نطلع سوه
سلطان سديت التلفون وتذكرت السيارة دزيتها
للغسل..
طبيت الغرفه امي اكو عدنا تريله ( حمل) بره خاصه للشغل مخليها.. اخذت السويج وطلعت.
مومصدك راح اشوفها گلبي نارر..
عمر للبست وطلعت اتمشى على بيت سلطان
سلطان مديت ايدي عالسياره لزمت الباب اريد افتحه رجلي زلكت اني لابس محبس( حباسه)
بأيدي.. جلبت بالباب زلكت رجلي بقى اصبعي بالباب صرت الوووب واصيح بكل قوتي ومحد يسمعني
عمر .. وصلت الباب تلكاني سلطان ايده كلها دم واتنزف..
عمر.. لك شبيك احجي شبيها ايدك
سلطان اريد اجاوب من الالم مااكدر..
عمر.، اصيح ولكم اريد سياره محد يرد
سلطان كعدت بالكاع لازم ايدي من الألم مااتحمل جانت تنزف بقوة..
عمر تلكاني ابن عم سلطان بسيارتة وكفته صعدت وياه صعدنا سلطان وطلعنا للمستشفى
عمر.. وصلنا المستشفى.. سلطان بسبب الحباسة جلبت بالباب وراح اصبع سلطان
انجبرو الاطباع يبترون اصبعه لان للاسف كله راح بالباب..😞
سلطان جان الوجع فضيع.. ضربوني ابر مهدئه ونمت.. كعدت بعد ساعه لكيت اهلي كلهم بالمستشفى اول شي اجة ابالي داليا جانت
تنتضرني وماكدرت اروحلها
ام سلطان.. يمه شجابك عليها شلون هيج راح اصبعك
سلطان.. يمه قضاء وقدر صارت بعد
ابو سلطان.. شطلعك بيها تخبلت جان اخذ تكسي
سلطان فكرت بكلام والدي المفروض اني ماروح بيها المفروض اخذ تكسي بس من لهفتي عليها نسيت كلشي.. ماجان بالي اي شي غير اشوفها..
عمر.. بصوت ناصي كله بسبي اني كتلك بس
والله عجيب امرك اكو واحد يصعد بتريله ولك اتخبلت راح اصبعك..
سلطان.. راح اصبعي الي جنت متصور بيوم
راح اللبس بي حلقتي اني وداليا💔
حسبت هالشي فال موزين😞
دااليا صارت الدنيه مغرب وماكو سلطان ولا عمر
رجعت للبييت لكيتهم مشدشدين الغراض وكلشي منتهي جنت اتمنى المح سلطان حتى لو من بعيد.. بس ماكو نصيب هو هذا حظي..
طبيت الغرفتي بقيت ابجي..
سرى.. رجعت للبيت اتصلت بعمر ماكو رد
جنت اريد احجيله بيت داليا راح يشيلون بس للاسف عمر مدايجاوب يمكن طالع..
عمر.. اخذت سلطان ورحنا البيتهم..
اجوي اصدقاء سلطان وصارت هوسه ماكدرت اخابر سرى..
سلطان.. شاورت عمر بصوت ناصي خابرها يمعود ضل بالي خاف بقت تنتضر..
عمر لا هسه اخوها يرد عالجهاز بالليل اخابر
سرى.. بقيت انتضر مااتصل عمر..
اخويه بقى يتفرج فلم والجهاز يمه يعني اليوم مراح اكدر
احاجي عمر صعدت الغرفتي نمت
عمر اتصلت اكثر من مره جاوب ولد وقطعت الاتصال .،
داليا،،. كوه كدرت انام كعدت الصبح مكسره
البيت فارغ ماخذين الغراض كلها..
باقي شغلات قليلة..
ام داليا تعالي تريكي راح يجي احمد يودينا
داليا وين يوديناااا
ام داليا البيتنه الجديد..
داليا ليا مكان احجي شبيكم خايفين
ام داليا بالطريق تعرفين
داليا. بدلت ملابسي وكعدت ابجي..
ام داليا.. تره زودتيها كافي نوووح كومي اجة احمد..
داليا.. شفت امي طلعت رحت ركض اريد اخابر سلطان اسمع صوته قبل مااطلع
وصلت الهول ماكو الجهاز شايلي كله ..
رجعت للسيارة صعدت .. طلع احمد يمشي
عبرنا من كدام بيت سلطان احس روحي طارت
كعدت الحيلي اباوع ماشفت سلطان ولا شفت
احد 😔 الباب مسدود..
بقيت الطريق كله ابجي .. بابا بالسياره الكدامنه يمشي واني وماما ويه احمد.. بعد مسافه طويله بالطريق شفت لافته مكتوب بغداد ترحب بكم
عرفت احنه انتقلنا االى بغداد..
ام داليا.. هاي هي راح نوصل..
داليا.. محاجة تحجيلي عرفت احنه شايلين البغداد..
سرى.. كعدت الصبح اتصل بداليا محد يرد
اكيد شالو خطيه سلطان شراح يكول..
اتصلت على عمر ميجاووب.. اووف وينه
عمر بقيت ويه سلطان سهران نمت متأخر
كعدت الصبح خابرت سرى..
سرى.. الووو هم زين خابرت..
عمر.. شلونج..
سرى.. شلوني ضل بالي ليش مجيتو
عمر.. حجيتلها الصارر..
سرى.. عزززه خطيه شلونه هسه
عمر .. الحمدلله احسن..
سرى .. خطيه كلهن اتراكمن عليه لعد لو يدري
عمر.. شكو النووب ..
سرى.. بيت داليا شالوو..
عمر.. تشاقين..!
سرى.. لا والله البارحة هي اجت تشوفه قبل متروح..
عمر.. شلون بلوه هذا ابوها هسه سلطان شراح يكول..
سرى،، خطيه الله يكون بعونه.. اني هم كلش مقهوره عافتني وراحت بسبب ابوها
عمر.. مراح اكله هسه خلي شوي يصير زين
سرى اي احسن خطيه البي يكفي
