سلطان.. كلنا بشررر كافي تكبرك هذه بنتك
تحبني واني احبها.. ومستحيل اتركها لو مهما
صار.. .....
ابو داليا.. لتجيب طاري بنتي على السانك ماعندي شي اسمه حب ابو سلطان اني طالع
ماريد ابنك بطريق بنتي...
ابو سلطان.. ان شاءالله
سلطان.. طلع ابوداليا صعد بالسيارة ، مشيت
وراه..
ابو سلطان تعال وين...(بصياح)
سلطان.. دكيت الجامة .. فتحها السايق..
ابو داليا،،، شكووو شتريد...
سلطان..والله ماعوف داليا للموت واذا حاولت تبعدها عني راح اسوي المستحيل لأجل اشوفها
ابو سلطان.. سحبت سلطان ودفعته جوووه ولك كافي امشي جووة
ابو داليا. اطلع احمد رجعني عاالبيت..
سلطان راح ابو داليا.. دخلت للبيت
ام سلطان .. كل هاي بسببها دكافي عووفها الف وحدة تتمناك..
سلطان راح نرجع لنفس الاسطوانة عوفيني يمه
ابو سلطان كتلك هذا البشر لا تتقرب اله ابوها
مينطي كلمته وحدة الف مرة حجيت وياك هسه
عجبتك هاي الاهانه حلوو يعني من اجة للبيت
وهيج يصيح علينا هاي داليا ماريد اسمها على
السانك من اليوووم كافي اتركهاااا بصياح
سلطان عفتهم ودخلت الغرفتي..
ابو سلطان شفتي ميعجبه الحجي دخل جووه
شلون فشلني كدام الرجال شيكولون علينا الناس..
داليا.. سمعت صوت السيارة صعدت ركض الغرفتي..
ابو داليا وينهااااا دااليا!!
ام داليا بغرفتها هسه صعدت
ابو داليا... وخري صعدت لغرفتهاا
داليا سمعت صوت المشي عالدرج انتهيت اكيد
هذا بابا..
ام دالياا اووكف لحظة وين رايح..
داليا.. وكفت الحيلي رحت ركضت بزاويه الغرفه رجليه ترجف وجان ينفتح الباب
ابو داليا... وينج!!! تعالي اوكفي هنااا بصيااح
داليا انفتح الباب اجة بابا وياه ماما لازمته وبابا وعيونه تجدح غضب شكله جاان يخوف
اني احس نفسي انتهيت . نعم بابا..! بصوت يرجف كلتهاا..
ابو دالياا.. ولج شجابج على هذا الوولد شلون
فكرتي بي لزمتها من شعرها
داليا.. شعرري اخخخ ماما شبيج تعالي..
ابو داليا.. والله والله اذا سمعت بعدة يلتقي
بيج وتشوفي ،.اقضي على حياتج.. والدراسه امنعج منها.. اذا بس شفتي وحجيتي وياه
وراح اخليهم يراقبوج اذا اجة يم المدرسه..
راح انشوفين انتي وياه شي موشايفي بعمركم
الافضل تنسين هذا البشرر..
داليا.. بابا اسمعني بس خلي احجي وياك
ابو داليا.. دفعتها وكعت على الكاع.. ماريد
اسمعج ولي ولج شوكت كل هذا صاير واني
مادري ولج اذا اذبحج هسه قليل بحقج
ام داليا.. اتعوذ الشيطان. . ماكو شي ماالة
حل كومي داليا
ابو داليا نزلت وعفتهم احس نفسي ضااق
ام. داليا.. اووف ولج شحجي شكول عليج
شجابج على هذا الولد عجبج هسه من ابوج ضربج وصيح عليج
داليااا ماما لاتصيرين انتي وياه عليه كتلج
احـبةةةة موبيدي ..
ام داليا وجع نصي صوتج ليسمعج وتحجيها
بصلافة عين والله اذا سمعج هسه يموتج
سالفة احبه انسيهاا طلعت وسديت الباب ورايه
بقوووة..
داليا.. بقيت بغرفتي كاعده وابجي ماعرف بابا
من طلع وين راح ولا اعرف شنو سوه معقولة راح يدور على سلطان.. اووف شسويت بنفسي اني
وسلطان.. وينه هسه لوبس تجي سرى..
سلطان.. ضل بالي عليها خاف سوالها شي
والله اذا خله عليها ورده اذبحهم كلهم..
اني شلون راح اكدر اعرف اخبارهاا راح ابقى افكر بيها
سمير.. دكيت الباب سلطان افتح الباب اجة عليك عمر يريدك..
سلطان فتحت الباب وينه عمرر..؟
سمير كاعد يم ابويه..
سلطان صيحه خلي يجي.. ماريد اضل اسمع سوالف اهلك..
ابو سلطان تعال تعال ليش ماتسمع سوالفنة
تدري بنفسك غلطاااان..
سلطان مشيت رحت يمهم اهوو استغفر الله تالي وياكم غلطان شنو
يعني لان حبيتها طلعت غلطااان تره سوالفكم تخليني اطلع من طووري..
ابو سلطان اي من الاول كتلك اترك هاي البنيه
مو من ثوبنة راح اتعبك ابوها انسان متكبرر
ومايطنيك والله اذا وصلت يمها اكسرك لا يوميه مسويلي سالفه وابوها يجيني هداد
سلطان والله ماعوفها.. بصياااح
ماااعووفهااا لو اادنيه كلها توكف بوجهي،.
عمر .. سلطااان كافي لاتصيح على عمي
تخبلت شبيك امشي تعال ويايه
سلطان هو هم جاي وياك انتضر اغير ملابسي
ابو سلطان وين مولي .!
سلطان للكبوررر الي تاخذني واخلص منكم
ام سلطان تعال اسم الله لتسولف هالشكل
سلطان اخذت ملابسي وطلعت من البيت
بقيت يم عمر سبوع واني ماكدر اتقرب للمدرسه
اباوع من بعيد وكلشي ماشوف كومه بنات
ماكدر اعرف وينها داليا.. بقيت بحيره وكلبيي نار عليها ماكدر اتصل ولا اكدر اروح حسيت
نفسي ضااايع بدونها
داليا،، يوميه اروح وعيني عالطريق اريد بس اشوفه اعرف شي عنه القهر سل كلبي سل
لا اكل لا اكدر ادرس مستوايه بده ينزل
سرى.. ولج شصاير بحالج راح تموتين وره سلطان .. تخبلتي
داليا.. احبه سرى سلطان ميتعوض مداكدر
انساه موبيدي...
سرى اووف سوده عليه هسه ابوج شدعواه هيج
قافل
داليا سرى عوفينا من ابويه اريد خدمة منج
سرى .. شكوو
داليا هذا رقم سلطان
خابري عليج الله بس طمنيني شوفي بابا
حاجي وياه لو لا هسه هو هم باله يمي فهمي
كوليله داليا تنتضرك للمووت وليقهر نفسة اني زينه..
سرى.. عززه وج شلون اذا اخويه شافني اخابر
داليا.. سرى فدوة اروحلج لطوليها مابقالي غيرج
حبابه دبريها من يطلعون بردي كلبي الله يفرحج
سرى.. تدللين حبيبتي اليوم احاول اخابره
داليا ليضيع الرقم..
سرى لا ضميته بالكتب يله امشي نروح اجاج السايق..
داليا.. اذا فهمتي شي طمنيني
سرى ماشي كلبي..
سلطان جنت واكف وشفت سيارة داليا طلعت من المدرسه من بعيد شغلت السيارة ورحت الـ
سرى..
سرى.. جنت دامشي وانتبهت هاي يمكن سياره
سلطان.. فتح الباب ونزل..
سلطان شلونج سرى..
سرى الحمدلله انت شلونك داليا بالها يمك
سلطان اني الي بالي يمها گلبي مشتعل بنار
عليها احجيلي احد سوالها شي
سرى.. ابوها متخبل سلطان ضربها وكلها انسي ونفسيتها زفت
سلطان.. من كالت ضربها بدون وعي ضربت
جامة السياره.. بأيدي بقووة
سرى عززه شبيك العالم تباوع علينا
سلطان اسف.. سرى
سرى.. عادي بس ماريد احد ينتبه
سلطان ماشي بس كوليلي داليا شلونها هسه
سرى.. هي تريد تعرف ابوها اجاكم لو لا
سلطان حجيتلها الصار وكتله اني تركت بيت اهلي وحاليا اني بيت صديقي عمر
داليا اوووه الله يعينكم اثنينكم
سلطان الله ينطيج اريد اشوفها ماكدر بعد
سرى.. لا يمعود شتشوفها اهلها ديراقبرن المدرسة
سلطان لا موهنااا..
سرى لعد وين..
سلطان يمج اخذيها واني امر اشوفها لو من بعيد.
سرى واهلي..
سلطان نرهمه بس خلي تجي يمج..
سرى مممم ماعرف اسألها واشوف..
سلطان هذا رقم الارضي مالت بيت صديقي
خلي يمج خاف تحتاجوني من تجي انطيني
خبر..
سرى جيب عيني اليوم شغلتي اجمع ارقام
اذا شافهن اخويه يصير كتلي عمل شعبي
سلطان.. هههه ضحكتيني واني صار هواي مضاحك..
سرى.. دومها ان شاءالله اضحك يمعود ماتسوه الدنيه.. يله حروح..
سلطان الله وياج انتضر منج اتصال
سرى.. احاوول
سلطان مريت على عمر للدوام اخذته ورجعت للبيت..
عمر.. هاا شبيك خاف هم جنت يم المدرسه
سلطان اي بس ماشفتها
عمر..تالي وياك
سلطان اسكت عمر لا تره هسه افلشك..
عمر . والله عادد انت صدك عليك مستقتل
سلطان لازم اشوفها
عمر.. اهوووووه دبطل يمعود
سلطان لك انت موشكول واحد يحجيلك
داليا.. جنت داقرأ صاحتني ماما كالت سرى
تريدج.. طلعت شمرت الكتاب وركضت اكيد عدها خبر عن سلطان..
داليا هلو سراوي
سرى .. ولج اكدر احجي لو احد يمج..
داليا. بهمس( احجي محد يسمعج)
سرى.. حجيتلها الصارر..
داليا.. من كالت اجة للمدرسه اختكت كوه صبرت
نفسي ومابجيت..
داليا.. بهمس( شلونه )
سرى.. زين بس متخبل ايريد يشوفج..
داليا.. اووف شلون
سرى فهمتها .تجي يمي ويشوفها
داليا.. اي راح اكول الاهلي باجر جمعه اريد اروح ادرس يم سرى
سرى.. خوش فكره
داليا ادعيلي يوافقون..
سرى ان شاء الله اذا تجين انطيني خبر سلطان ينتضرني
داليا.. فدوة الكلبه والعمره
سرى منو اني..
داليا ولي انتي شكووو
سرى... هاااا ولي!!
داليا.. لااااا ولج احبج اموت عليج
سرى امشي مصلحچية انتضر منج اتصال
داليا بااي اروح اقنع امي..
داليا.. شفت امي دتصلي انتضرتها اتكمل
كتله اريد ادرس يم سرى ضايجة خلوني اطلع
ام داليا خلي هي تجي
داليا اخوها ميخليها معقد
ام داليا زين .. وينه ابوج .. !!
داليا بالحديقه...
ام داليا.. هسه اكوله واذا قبل اكلج..
داليا.. راحت ماما ادكول البابا اني اباوع عليهم من الشباك يحجون بس ماافهم شنو .. يارب يوافق اروح..،
ام داليا خليها تروح وتبات يمهم خطيه نفسيتها تعبانه هم تلتهي وتنسى هذا الولد..
ابو داليا.. اهم شي هذا الولد اريدها تنساه
ماشي خلي ترووح...
ام داليا... وينج داليا..
داليا فتحت الكتاب سويت نفسي مامهتمة
نعم ماما اني بالهوول
ام داليا.. يله تحضري خلي يوصلج احمد..
داليا.. لبيت سرى
ام داليا اي موتريدين تروحين ابوج يكول خلي تروح وتبات اهم شي تقرين انتبهي لمستقبلج
داليا .. ماشي خلي انطي خبر السرى
شلت الجهاز اتصلت بسرى..
ام سرى.. الووو..
داليا.. شلونج خاله سرى يمج
ام سرى، لحظه اصيحها
داليا راحت خاله تصيحها بس ماكو صبرر انتضر
سرى هااا ولج بشري..
داليا لج حجيكم ... واباااااات😍
سرى.. وااااو تطورات لعد ولي خلي اخابر سلطان مدام امي جوه..
داليا حروح اللبس باااي..
سرى رجت جبت الرقم من الكتاب واتصلت..
عمر.. الوو..
سرى.. العفوو منو ويايه ..
عمر.. اتصور انتي الي اتصلتي..
سرى .. اني اريد سلطان...
عمر.. هااا لازم انتي الحب مالته...
سلطان منو هاي...
عمر اوكف خلي افتهم..
داليا لا اني صديقتها هو كلفني بشغلة واجيت احجي وياه
عمر.. زين ميصير اني بمكانه..
سرى.. شنوو!!
سلطان دجيب ولك هاي منووو
عمر..ادكول اني سرى..
سلطان دجيب يمعوووود الووو ها سرى شلونج
سرى.. هذا منو الحاجاني
سلطان عوفينه منه بشري..
سرى.. راح تجي اليوم وتباات يمي..
سلطان .. صدك تحجين!!
سرى اي والله...
سلطان باعي سرى راقبي التلفون بالليل حخابركم ..
سرى شو بالليل..
سلطان معليج انتي .. يله روحي لا احد يشوفج
سرى اوكي بااي
سلطان سديت الجهاز حضنت عمر وابوس بي
عمر لا هاي شبيك اني عمر موداليا..
سلطان حشوفها اليوم..
عمر.. وهاي ام صوت الحلو راح تجي..وياهه..
سلطان.. هاااا اشوفك معت من سمعت صوتها
دروح مني اني بيا حال هسه خلي اروح اسبح
يتبع.....
