سلطان بالوقت الضايع شغلت السياره وطلعت البغداد مايصير اترك عمر ومااشاركة فرحته
وصلت النادي هواي ناس هوسه..
دخلت للنادي اتلگوني اصدقائي
اوول شي اجة كدام عيني ..داليا
والمدرس..
ماعرف شصار بحالي مدي احرگ النادي كله
شجابه هذا هناا والنوب كاعد يمها
اريد اوكف على طولي ماكدر حسيت نار وتطلع مني
اتعوذت الشيطان ومشيت ماريد اسوي مشكله
هي الي اختارت هالطريق وعمر مايستاهل اخرب عرسه ..
دخلت امشي اريد اوصل عمر اسلم علية
داليا.. من شفت سلطان دخل النادي حسيت
جنت ميته وردت روحي بدون شعور وكفت الحيلي مادري بنفسي
قيس وين رايحة داليا..
داليا.. لا بس عبالي اروح ال سرى..
قيس هذا مو اقاربكم سلطان..
داليا.. اي جوارينه قبل ،.
قيس لازم نسلم عليه
داليا اي عادي...
عمر.. دباااعي اجة سلطان..
سرى.. ياااااا وداليا هنااا...
سلطان.. سلمت على الكل وصلت عمر
عمر.. هلا بأخووي اعرفك ماتعووفني
سلطان مبارك خويه .. تستاهل كل الخير انت وسرى فرحتلكم ..
سرى.. الله يسلمك ويبارك بيك يوم الك ونفرح بيك يارب..
سلطان.. اشكرج بس ماكو فرحة بعد..
عمر اكعد سلطان..
سلطان .. رايح اكعد يم عمي ..
عمر.. ماشي..
سلطان كعدت.. ماريد اشوفهم سوه وايده مخليها على ايدها بس مشتاگ الها اريد بس اشوفها رغم كل الي صار بس گلبي يحبها
ومن بعدت عني حبيتها اكثرر..
حاولت ابعد نضراتي عنها ماريد. احن
انذليت بسبب هالحب..هوااايه
داليا... طول الوقت عيني عليه وعلى كل حركة يسويها.. الناس ملتهية بالعرس واني بس
سلطان بعيني ..
قيس يحاجيني كل شويه ويحاول يخليني
اكون فرحانه بس المشكله ماكدر
سلطان كل دقيقه عيوني تصير عليهم شكد
احاول ابعد نضراتي ماكدر..
وكل مااشوف قيس يشاقيها ويقرب راسه يمها
اشتعل باالنار اتمنيت عيوني تعمى ولا اشوفه وياهه ..انتهت الحفلة واحنة اثنينه ماواحد شاال
عينه عن الثاني ..
الكل طلع بالهىوسه اخذنا عمر وطلعنا للفندق
بسيارت الزفة
قبل ماطلعنا اترخصت من عمر كتله ماكدر ابقى
راح اروح بس عمر أ ترجاني ابقى وياه لحد الفندق واني هم جنت اريد الكي الي عذر او
احد يمنعني لان اعترف جنت مشتاگ الكل تفاصيلها
داليا طلعنا كلنا للفندق ونزلت اني ويه سرى
لان لازم. اكون وياهه..
اخذنا صور جماعيه وجان من ضمن الموجودين
سلطان..
قيس شاف سلطان سلم عليه واني هم سلمت
اثنينه جان حجينه بالعيون..
سلطان.. يجي يسلم عليه شتسلم انت اخذت
فرحة عمري اخذت مني احلى شي مني اخذته
سرى.. داليا تعالي صعدي ويايه
داليا.. شكوو اصعد اني.. لا مااجي
سرى.. تعالي شبيج ازعل والله شوي ونزلي
داليا.. قيس اني حروح ويه صديقتي مااتأخر
قيس راح انتضركم هنا ..
سلطان.. الكل جان يركص وفرحان اني واكف
على صفحة اباوع عالناس جنت اتمنى افرح ربع فرحهم..
عمر.. سلطان الجنط نسيناهم بالسياره
جيبهم واصعد ورايه
سلطان.. اي عمي حقك تنسى ماصدك اليوم عرسك يلة اجيبهم واجي..
داليا واني امشي سمعت عمر صاحله وكله راح اجي.. حيل فرحت راح اشوفه فوگ
سلطان وصلت الطابق الثاني انطيتهم. الجنط سلمت عليهم ومشيت اريد انزل
داليا شفت سلطان طلع سلمت وسديت باب الغرفه عليهم وطلعت ركض اريد احاجي
سلطان دامشي بالممر سمعت صوت داليا
وهي تصيح بأسمي.. وكفت..
داليا.. مشيت سريع وصلت يمه..
سلطان.. بقيت واكف ماحجيت شي
داليا.. سلطان شلونك..
سلطان عايش.. بعدني
داليا سلطان اني اسفه بس..
سلطان اني اتأخرت ورايه طريق..
داليا.. بصوت مخنووگ جنت متصوره بعدها لهفته علية.. سلطان كالولي مريض..
سلطان.. يهمج امري .. انزلي داليا خطيبج
ينتضرج .. ماريد احد ينتبه..
داليا.. بس لحظة..
سلطان عفتها تحجي ومشيت وبقيت احاجي
نفسي.. مدام تحبيني ليش عفتيني
ليش خليتيني حجايه بحلگ هذا وذاك مدام
تحبيني ليش قهرتيني
صعدت انفتح باب المصعد صار قيس اول
واحد كدامي.. باعوتله بقهر شكول وداليا
راحت مني بسببه .. عفت الكل وطلعت لسيارتي
داليا.. ولا اهتم الوجودي جنت متصوره راح يفرح اذا شافني وحدي وياه سلطان متغير
ولا ذيج لهفته الي.. مسحت ادموعي ونزلت
وصلت يم قيس باوعت على الموجودين
الكل موجود بس سلطان ماكوو..
قيس.. ها حبيبتي نمشي..
داليا.. اي راسي يأذيني اريد ارجع
سلطان.. ماريد اشوف اكثر من الشفته
شغلت ورجعت لأهلي بالليل.. اسوق
بالسيارة واتذكر شلون جانت وياه
اتذكر شلون صاحتني والحب والشوگ واضح بعيونها..
صرت اتذكر كل لحظة عشتها وياهه
كل يوم شفتها بيه
الله ليهينك بيها قيس ولا يهني ابوه الحرمني منها..
داليا رجعت للبيت عفت قيس جان ديسلم
على اهلي ودخلت الغرفتي طلعت
ربطتي ( حجابي )الي جابها سلطان
حضنتها وبجيييت من كل گلبي ضيعت حب سلطان جان يعشقني هسه ولا اهتم الوجودي
وهذا الي قاهرني اكثرر..
ام داليا شفت داليا موطبيعيه.. عفت قيس.
يم ابوها ودخلت اشوف شبيها
داليا.. ها ماما شبيج ليش اجيتي..
ام داليا.. ليش تبجين شبيج احجيلي
داليا.. تريدين تعرفين ليش لان شفته واخترگ گلبي..
ام داليا المن سلطان..!
داليا ليش اكو غيره بگلبي ..شسويتو بيه
دمرتو حياتي
ام داليا.. سكتي هنا قيس هسه يسمعج ابوج
داليا.. بحرگة وصياح عادي عندي هسه اطلع
واحجيله الحقيقه اكله ابويه جبرني بيك واني
احب سلطان بس هددوني..
ام داليا.. سديت حلگها اششش وجع والله
اذا سويتي هيج ابوج يذبحج.. راح اطلع
ماريد اسمع صوتج..
داليا.. بس عوفيني بحالي كلشي ماريد
سلطان وصلت البيت..
تلكاني ابويه ..
يتبع....
