عمر.. مراح اكله هسه خلي شوي يصير زين
سرى اي احسن خطيه البي يكفي
سلطان .. كعدت الصبح لكيت عمر يحاجي سرى.. ها تعال احجيلي وينها داليا
عمر يلا ام السوس حروح كعد سلطان شوي واخابرج..
سرى لا لتخابر اني اخابر بعدين
عمر.. ماشي عيوني..
سرى،، ماشي
عمر قزوووم..
سرى.. ها حبيبي..
عمر.. فًٍـًٍـًٍـًٍـًٍـًٍـًٍ✹ًٍـًٍـًٍـًٍـٍـًـًٍدًٍۋًۋًۿـًٍـًٍﮧً❤️ للتعرف اسمها اموت عليج ..
سرى،. ههههه دروح الولد يريدك..
سلطان.. تعال يمعود شلونها داليا شكالت هسه زعلت لان مارحتلها..
عمر.. لا عادي موزعلانه ...
سلطان كلت السرى على الصار..
عمر اي انقهرت راح تحجي الداليا..
سلطان.. لا ليش هسه تنقهرر ..
عمر.. ميخالف مصيرها تعرف..
سلطان.. مامصدك اشوفها بعيني الله لاينطي ابوها حارمني منها..
عمر يحجي سلطان واني بگلبي اكول لوو تدري راحو واخذوهاا شراح ادكوول..
سلطان مر يومين وداليا مااتصلت ولا سألت
جنت متوقع راح تسوي المستحيل حتى تطمن عليه ماعرف ليش مااتصلت..
دااليا.. مر يومين واني احس اهموم الدنيه على راسي .. هسه سلطان من يعرف انقلنا الى بغداد راح ينقهر.. اوووف ربي ليش هيج ..
سرى.. داليا مااتصلت جان حجيتلها على سلطان المشكله ماعرف رقمهم الجديد..
سلطان مررت ايام وداليا ماكو خبر عنها
ولا اكدر اروح البابهم اشوفها ماريد اسبب الها مشاكل،،
داليا مرت الايااام واني اي شي مااعرف عن سلطان.. ولا خابرت سرى .. انجبرت ابقى بعيده
عنه خفت بابا بيوم يأذي اتحمل هواي بسببي
رغم اشتاق لعيونه لطوله لضحكته لغيرته بس اخ
شكوول شحجي..
سلطان.. جانو يوميه يكلولي تسلم عليك وخابرت تسأل طلع كل كلامهم كذب جانو يحاولون مايقهروني.. بس بعدين اني بنفسي رحت لان حسيت اكو شي مضموم عليه رحت البيتهم وسألت الحارس كال شالو البغداد.. انصدمت صدمة كلش جبيرة رجعت للبيت واني احجي ويه نفسي
ليش هيج داليا ليش عفتيني معقوله هنت عليج
شلون انطاج گلبج تعوفيني وحدي..
لكيت عمر بالباب .. ليش ضميتو عليه عمر
عمر،، ها لازم عرفت شالووو
عمر.. لك بابا البنيه راحت بعد انساهه شبيك
هواي تأذيت بسببها ..
سلطان لو روحي تروح بسببها هم ابقى وراهه شتحجي انت اني هسه اريد عوانها ..
عمر.. يبوو هم راح نرجع للضيم ولك جلبت
وين تلكاهه بغداد متر مترين مخبل انت
سلطان الكاهه والله واني متأكد راح ترجعلي
عمر.. والله مادري شكول على هذا ابوها النذل
شكد ظالم يخوي الله يكون بعونك اعرف صعبة عليك بس ماكو امل
سلطان الدنيه طلعت من عيني من راحت داليا
شلون بعد الكاهه شلوون ..
داليا.. اشتاقيت الـ سرى والاخبار سلطان ماكدر بعد اصبر لازم اخابرها..
اهلي جانو ملتهين يمنه بيت خالتي..
استغليت الفرصه اخذت الجهاز ودخلت الغرفتي
وخابرت سهى..
سهى .. جنت كاعده دك التلفون ركضت عبالي عمر مجنت متوقعه داليا..
داليا.. الوو..
سرى.. منو داليا.....!!!
داليا.. اي سرو اني داليا شلونكم مشتاقتلج
سرى .. بذااااتة. ولج وينج ليش هيج انقطعتي
شخبارج اشلونج ..
داليا .. الحمدلله زينه دخلت للجامعه
سرى اي شلونهم اهلج..
داليا.. عوفيني من كلشي سلطان شلونة سمع اني انتقلت البغداد شلون اخباره
سرى.. اووف داليا شحجيلج.. سلطان انبتر اصبعه بيوم الي راد يشوفج بالسوك..
وهسه قبل فتره عرف انتي اخذوج اهلج ورحتي
تعالي شوفي حاله يبجي الصخر لحيته عاليه
تمرض واهله متخبلين عليه وعمر لليل نهار يمه
داليا.. تحجي سرى واني ادموعي مابطلت بس ابجي وبصوت عااالي ماكدرت اسكت
سرى،. سكتي حبيبتي لو ادري مكايلتلج والله
داليا.. سرى ولج گلبي نار عليه اتمنى اسمع صوته ولج ابوويه ضالم شسوه بيه ليش هيج
كوليلي اموت روحي واخلص احبه والله احبه
ومداكدر انساااه مدايروح من بالي
سرى.. اوووف شبيدي عليج عمري اذا ابوج هيج قافل..
داليا.. ماكدر بعد روحي سرى خلي اخابره
سرى عود خابريني موتنسين اريد رقمج
داليا اي روحي بعدين..
سلطان.. جنت كاعد بحضني ابن اخويه
دك الجهاز جنت كل دكه اركض عبالي هي هسه
ماكو امل منها
جاوبت امي ماكو رد..
سلطان شو سديتي..
ام سلطان محد يحجي شلون ناس..
سلطان گلبي رف ماعرف شصار بيه ذبيت ابن
اخوويه ورحت اركض..
اتأمل تتصل مره اخرى احساسي ميخطئ اكيد هاي دلوو اكيد هاي روحي الغابت عني..
داليا.. ردت اعيد الاتصال خفت احد يجي يشوفني ابجي ويعرف..
بس ماكدر لازم اتصل بالي يمه..
اتصلت..
سلطان اول دگة جاووبت الووو!!
داليا.. حبيبي..
سلطان.. دلوووو ولج وينج شلون هيج عفتيني
داليا.. يحجي سلطان واني من اول كلمه اختنكت وبقيت ابجي
سلطان.. حبيبي شلونج مشتاگلج والله
داليا.. بصوت مخنوگ شلوني يعني داموت الف موته باليوم.. حجتلي سرى هاي شصايبر بيك عمري ريتها بيه ولا بيك گلبي
سلطان فًٍـًٍـًٍـًٍـًٍـًٍـًٍ✹ًٍـًٍـًٍـًٍـٍـًـًٍدًٍۋًۋًۿـًٍـًٍﮧً❤️ الج عمري انتي
كلشي لأجلج يهوون...
احجيلي وين انتي هسه بيا منطقه
داليا.. سلطان لتجي والله ابويه ديهدد الله يخليك
والله اخاف عليك،،
سلطان تحجيلي انتي وين لو لا..
داليا اني حاليا بفلان منطقه ببغداد ودادوم بالجامعه المستنصرية..
سلطان شلون الدوام وياج ..
داليا عوفني لتسأل اني اريد اعرف انت شلون
صرت كالولي مريض
سلطان.. اوووف سهلة حبيبي لتهتمين
باجر اداومين..
داليا اي ..
سلطان وينهم اهلج ..
داليا حبيبي ذكرتني حسده خاف يجون
سلطان ماشي ديري بالج على نفسج وانتضر منج اتصال..
داليا ان شاءالله حبيبي بيباي عمري
سلطان الله وياج حبيبي لتنسين خابريني
داليا حسيت هم جان على گلبي بس سمعت صوته ردت الي الرووح..
سلطان.. واخيرا سمعت صوتها جنت متأكد راح ترجعلي اعرفها هاي بنت گلبي ..متكدر بدوني
عمر اجيت اتمشى شفت سلطان يلاعب ابن اخوه وفرحان
عمر راده روحك وتضحك اليوم شبيك
سلطان خابرتني..
عمر بشرفك..
سلطان موكتلك ..
ولكم تره #اليشتاگگ !!
