الكاتبه مريم السعدي
ماما ماما
ها يمه
اجه بابا يله موحموت جوع
اي يمه هسه صيحي اخوتج
اي
علاوي سومه يله اجه ابويه
اني فاطمه سكنه الحريه بابا حداد صف سادس علمي موكلش شطوره شكلي كلش حلوه بس يكولولي جامده عيوني رصاصي وبيضه كلش وشعري اشكر بجوزي مخصل طولي مناسب حياتنا بسيطه كلش وحلوه بيت ماريد اجر واعر بالقصه حياتي عاديه مثل كل مراهقه بس مشكلتي طفوليه كلش يعني يوميه العب طوبه وي اخوتي واتعارك وياهم عالجبس والنستله ماعدي عيب وهاي بنيه وذاك ولد ماما حباب كلش وحنين للاخير يباوعني يبتسم كل مره لو شكد متعبان جوارينه اللي بصفنا صار عدهم عرس ابنهم اخذ وحده من زيونه فيكه وطاكين وحبته وقبلت بي عزمونا بسبعتهم رحنا اني وماما للسبعه واكو مره من كرايب العروس كعدت كدامي وكلسا تباوعلي وتتبشبش وي اللي بصفها ضجت وطلعت بالطرمه مالتهم كعدت عالمرجوحه اتمرجح لابسه بنطرون وبدي وري ومسويه شعري ضفيره هنديه واني اتمرجح رفعت راسي شفت ولد مرتجي على بنيد سياره بي ام يباوعني بخزره مشال عينه بقيت صافنه بوجهه واتمرجح مدرت بال بقيت اباوع بوجهه اخر شي ضجت لان مخنزر عليه طبيت جوه شوي وامي كالت خل نروح لبيتنا لبست حجابي والكوت طلعنا وهو بعده على كعدته عالسياره كصني كص بنضره غضب وي امي خزرني وصلت بباب بيتنا اللي بصف بيت جيراننا هو كدامه نصيت افتح الباب من جوه انداريت بعده عاكد حاجبه يباوعلي فتنا وطبيت سديت الباب باوعتله وسديت الباب كلبي وجعني شون يباوع عبالك كاتله امه وجع ثاني يوم رحت للدوام الصبح طلعت امشي الصبح وصلت راس الفرع شفت السياره البي ام انخطف لوني وكفت نزل من السياره الولد وكف باوعلي بنفس النضره طوله الضخم ولبسه برموده نيلي وكيمونه مبين مسحول من الفراش عيونه صغار وحاجبه ثخين وخشمه بي كبر بقيت صافنه بوجهه مشيت سريع وصلت للمدرسه كمت اتلفت همزين مموجود رجعت من المدرسه وبالي كله يمه خايفه واحساس الترقب يختليني بين خايفه وبين اتلفت اشوفه اجه لو لا وصلت للبيت بقيت اتلفت ماهوه نصيت افتح الباب دك هورن بصفي فزيت وكفت رجعت عالباب ضهري نصه راسه بالسياره باوعلي نفس النضره مااكدر احجي بس اباوع خايفه فتحت الباب وطبيت داسدها باوعتله وسديتها سمعت حرك سيارته وراح ياالله شيريد هذا ياالله طبيت صار وسام بوجهي
شبيج فاطمه
ماادري حاره
خوماكو شي
وسامً صديقاتي اخوتها يرجعون عليهم تجيني انت بعد
اي شكو بيها بس المدرسه بالفرع الثاني
ميخالف
عادي بسيطه
ها يابه شونج
هلو حبيبي يوم ابدل وانزل جوعانه
اي ديله بس تاكل بس تاكل
علي - يوووم
ها امي
لج يوم جوعان وعلي
يموت الجوع انشاء الله
هااا مو اني بت البطه السوده
لا باباتي تشاقى امي وياج
علي- اصلا اني وياج نتشابه
اي صح هههه يله بدلت ونزلت تغديت ضل شاغل بالي الليل كله افكر بي وبنضرته وبحركاته خو من دك الهورن وفزيت ارجع ارجف من جديد وره كم يوم عطله حمعه وسبت ويام طلع ويايه بابا فاطمه
ها بوي
هاج هاي ورده طيها لمدرستج
هههه فدوه لطولك بابا لج ماما بابا يتغزل بمدرستي
لج ماما حتى تنجحج
هههه شينجحني اذا هو النجاح صار من استطاع اليه سبيلا
ههههههه والله انعل ابوج يابو الخلفج امشي روحي
يله لج
اي وسام جيت طلعنا سوه والورده بيدي وامشي بقيت ادور بعيوني وضلت راس الفرع لكيته كاعد عالبنيد مال سيارته من شفت سيارته تخبلت هذا كل عقله يحجي شيريد ياالله باوعلي بغضب باوع للورده ابتسم نص ابتسامه ودار وجهه
بس لا عباله اله
وسام- بله بربج هاي صدك انتي تمشين والورده بيدج
هاكياها
جيبي الولد ضل يباوع علينا ويطكطك باصابعه عالبنيد مثل يدك البيانو بدون صوت ويهز برجله
امشي لتضلين تباعين
لا ماباوع
وصلت للمدرسه وراح وسام وبالرجعه مجاني رجعت مثل الركض الا شويه صار كبالي ديمشي ثكيل بسيارته من وصللي وكف نزل اني مشيت سريع وصلت للبيت شكلت الباب متنفتح شفته نزل من السياره شنو من رجفه يربي دخيلك حيبوكني شيبوك شيصخم بيه بس سيارته تسواني شنو هالدراما البيها اني- تقرب مني مد ايده جوه الباب باوعني بخزره وصعد سركي الباب بقه عينه بعيني يخوف يخوف كلش انفتحت الباب وكف نفض ايده من التراب وكفت بلعت ريك طبيت على كيف وسديت الباب بقه واكف كدامي لحد ما سديت الباب مو كلبي دك كل قطره بدمي تدك حتى راسي يدك يمه النفس ضاق صعدت كبل ماما تحجي مااسمعها صعدت كبل نمت بقه ببالي شكله وره يومين دوام بعد مشفته اروح واجي وي وسام ابد ماهو مموجود ارتاحيت بعصريه من العصريات اندكت الباب صحت منو
اني يمه
منو انتي
اني خطار متردون خطار فتحت الباب على كيف باوعت مره كشخه ووياها بيت جيراننا امهم هلو خاله بست جيراننا
المره الوياها يمه اللهم صل على محمد وال محمد واني ماالي بوسه فدوه تخبل ام اركان هاي وين جنتي ضامتها عرفت خطابه طبيت وصحت امي وراها قدمت جاي وكعك وطلعت بقو يحجون طلعت ماما مكيفه ولج ماما شون ناس كاعدين بزيونه وعدهم معرض سيارات والولد عده شقه فوك اهله وعده سياره شنو رايج
شنو سيارته اهم شي بحياتي البي ام سيارتي المفضله
شمدريني يمه هي كالت عده سياره شتكولين تتزوجين لو تكملين السادس
اكمل يله واسالي بابا زين همه منين يعرفون جيراننه
معارفهم من بعيد وشافوج بالعرس
اجه ببالي الولد الشفته بباب بيتهم واللي كم يوم لاحكني افتر راسي لا مو هو ممعقوله بهالسرعه يدز اهله عفت امي اجه بابا وفاتحته بالموضوع بابا راسن رفض
وسام- يابه اذا خوش ناس ليش توكف قسمتها
بابا موثوبنا
شون يعني
بابا هواي حالتهم احسن مننه يذلوها للمره واحد مياهذ اعلي منه ولا انصه منه لان لو ينذل لو يذل حتى لو موقصده واني شلي بهالقسمه
براحتك يابه
فاطمه-انسد الموضوع يومين والثالث امي ردت للخبر بالتلفون انه والدي رافض قطعي تاسفت وسدت الخط ثاني يوم الصبح تريكت وي بابا اني عدي بابا حجايته هي صح دائما لان عدي 7عمات زوجهم ومرتاحين وي ازواجهم رغم اني ردت اكمل بس للاسف كان المتفق عليه من البدايه انه ماكمل كليه وراضيه بالواقع كلمن وعقليته رغم تفهمه بس منهالناحيه للاسف رجعي ابويه داومت نمتحن نصف السنه امتحنت ورجعت ب11 للبيت وصلت للباب ادكها محد يفتح كالعاده فرعنا فارغ يمكن كلها سجاجه مال كتب ديقرون اريد فد جاهل يكمزلي يفتح الباب ماكو لا دودو لا كركور لا عنجور لا دنس فارغه الساحه هاي اسماء زعط فرعنا اعرفهم طفل طفل من كد ما داكين الباب يردون الطوبه من عدنا من تعبر عالحديقه ادك وماكو طبت سياره بيضه للفرع احساس المافيا هذا مابطله كل مااشوف نفسي وحدي وتطب سياره بالفرع احس حنخطف دكيت الباب اقوى ادري اهلي وين شنو السالفه افتح من جوه السركي قافل مجلب رفعت راسي السياره وكفت بالباب انداريت الولد الجان يوميه يجي ابو البي ام ابو خزره كاعد بالصدر ويمه رجال لخ ديسوق انجر بوشي وكفت نصيت الديسوق حاجاني
عمو ابوج موجود
رفعت راسي ونصيته الولد خازرني كالعاده والثاني ينتضر جواب
موجود لو لا
اامادري همست رجعت دكيت الباب قوي اخيرا سمعت بابا جيت جيت اي وينك ياعيني
ها بابا وين صوت دمعت عيني صار ربع ساعه احتركت بالشمس
بابا بالسطح دازفت السطح شبيج حتبجين ممجاوبه
لا جاوبت هاي عليك يسالون طبيت ارجف من خزرته كالعاده هالولد حيجيبلي السكر كل ما شوفه اكللي رجفه بعدين شيريد من بابا الويا طبيت لكيت وسام توه كاعد ماما وين
بيت جدو شونج مجاوبه
اي
دسوي جاي بابا وين
بره ولد عليه
ها منو
والله ماادري
